လာမည့် ရွေးကောက်ပွဲတွင် အသုံးပြုမည့် ကြိုတင်မဲအပေါ် ယုံကြည်နိုင်ကြောင်း ရန်ကုန်တိုင်းဒေသကြီး ရွေးကောက်ပွဲ ကော်မရှင်ဥက္ကဋ္ဌကဆို

လာမည့် ရွေးကောက်ပွဲတွင် အသုံးပြုမည့် ကြိုတင်မဲအပေါ် ယုံကြည်နိုင်ကြောင်း ရန်ကုန်တိုင်းဒေသကြီး ရွေးကောက်ပွဲ ကော်မရှင်ဥက္ကဋ္ဌ ဦးကိုကိုက ပြောသည် ။

အဆိုပါကိစ္စနှင့် ပတ်သက်ပြီး အောက်တိုဘာ ၁၀ ရက်က ရန်ကုန်မြို့ မီကာဆာဟိုတယ်တွင်  ပြုလုပ်သည့် ရွေးကောက်ပွဲဆိုင်ရာ သတင်းစာ ရှင်းလင်းပွဲတွင် ပြောခြင်းဖြစ်သည် ။

ထိုသို့ ပြောရခြင်းမှာ ၂၀၁၀ ခုနှစ် ရွေးကောက်ပွဲ ကျင်းပသည့် ကာလတွင် ကြိုတင်မဲများအား စစ်အစိုးရနှင့် အခြားသူ ဦးဆောင်သည့် ရွေးကောက်ပွဲ ကော်မရှင်က ကျင်းပခဲ့ပြီး နာမည်ဆိုးထွက်ခြင်းများ ရှိသည့်အတွက်  ကြိုတင်မဲနှင့် ပတ်သက်ပြီး ပါတီများ ၊ နိုင်ငံရေး အင်အားစုများနှင့် မီဒီယာများက ယုံကြည်မှု မရှိသည်ကို သိရကြောင်း ၊ ၂၀၁၂ ကြားဖြတ် ရွေးကောက်ပွဲ ကာလတွင် အသုံးပြုခဲ့သည့် ကြိုတင်မဲသည် ပြည်သူများ ကျေနပ်မှုရှိခဲ့ကြောင်း ယင်းအတိုင်း လုပ်ဆောင်ပေးမည် ဖြစ်သဖြင့် ကြိုတင်မဲအပေါ် ယုံကြည်နိုင်ကြောင်း ဆိုလိုခြင်းဖြစ်ကြောင်း သိရသည် ။

ဦးကိုကိုက "၂၀၁၂ ကြားဖြတ် ရွေးကောက်ပွဲတုန်းက ကြိုတင်မဲတွေက နာမည်ကောင်း ရခဲ့ပါတယ် ။ ကြိုတင်မဲ တော်တော်များများက အတိုက်အခံပါတီတွေကို ပေးထားတယ်လို့ လေ့လာသိရှိရပါတယ် ။ ဒီနာမည်ကောင်းရခဲ့တဲ့ ကြိုတင်မဲ သမ္မတဦးသိန်းစိန် လက်ထက် ၊ ဦးတင်အေး တာဝန်ယူထားတဲ့ ကော်မရှင် ဖြစ်ပါတယ် ။ ဒီ ၂၀၁၂ ကြိုတင်မဲလိုပဲ ဒီရွေးကောက်ပွဲမှာ လုပ်ဆောင်သွားမှာ ဖြစ်တယ် ။ ဒီအတွက် နိုင်ငံရေးပါတီရော ၊ မီဒီယာရော လာမယ့် ရွေးကောက်ပွဲမှာ အသုံးပြုမယ့် ကြိုတင်မဲကို ယုံကြည်လို့ ရပါတယ်" ဟု ပြောသည် ။

လက်ရှိတွင် စက်တင်ဘာလမှ စတင်ကာ ရွေးကောက်ပွဲ မဲစာရင်းအမှားများကို အမှန်ဖြစ်စေရန် လုပ်ဆောင်နေပြီး ရွေးကောက်ပွဲကာလ မတိုင်မီတွင် ပြီးစီးအောင် ဆောင်ရွက်နေခြင်းများ ရှိကြောင်း ၊ ပြည်သူများ ရွေးကောက်ပွဲနှင့် ပတ်သက်ပြီး ဖုန်းအော်ပရေတာများ ဖြစ်သည့် MPT ၊ Telelnor ၊ Ooredoo တို့၏ ဖုန်းစာတို မက်ဆေ့ခ်ျ ပေးပို့ခြင်းအား ရွေးကောက်ပွဲ ကျင်းပမည့်နေ့အထိ ကမ်ပိန်းအနေဖြင့် ဆက်လက် ပေးပို့သွားမည် ဖြစ်ကြောင်းနှင့် ရွေးကောက်ပွဲ ကျင်းပရာတွင် လိုအပ်မည့် ပစ္စည်းများအား မြို့နယ်အချို့သို့ ပေးပို့ပြီးဖြစ်ပြီး ဆက်လက်ပေးပို့သွားမည် ဖြစ်ကြောင်း ပြောပြချက်အရ သိရသည် ။

သတင်း - စိုင်းဟန်

The Ladies News Journal

Vote: 
No votes yet

Add new comment