ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ အဖြစ်မှ သူရဦးရွှေမန်းအားထုတ်ပယ်ပြီး ဦးဌေးဦးထံသို့ လွှဲပြောင်းခန့်အပ်

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏“ထိပ်ပိုင်းခေါင်းဆောင်အပြောင်းအလဲနှင့်ပတ်သက်၍ သတင်းထုတ်ပြန်ကြေညာ အမှတ်စဉ် ၁/၂၀၁၅ ကို ထုတ် ပြန်လိုက်ကြောင်း၊ ယခုအချိန်တွင် ပါတီလုပ်ငန်းများကို ပိုမို၍ ဖိဖိစီးစီးဆောင်ရွက်ရန်လိုအပ်လာခြင်းကြောင့် ပါတီဥက္ကဌ  နိုင်ငံတော်သမ္မတဦးသိန်းစိန်က ဒုတိယဥက္ကဋ္ဌ/ဥက္ကဋ္ဌ ပူးတွဲတာဝန်အား သူရဦးရွှေမန်းအစား ဒုတိယဥက္ကဋ္ဌ ဦးဌေးဦးထံသို့ သြဂုတ် ၁၂ ရက်က လွှဲပြောင်းပေးအပ်ခဲ့သည်ဟု ထုတ်ပြန်လိုက်သည်။

ပြည်ထောင်စုကြံ့ခိုင်ရေးနှင့်ဖွံ့ဖြိုး ရေးပါတီဥက်္ကဋ္ဌဖြစ်သော ဦးသိန်းစိန်သည် နိုင်ငံတော်သမ္မတတာဝန် ထမ်းဆောင်ရသည့်အတွက် ပါတီဖွဲ့စည်းပုံအခြေခံစည်းမျဉ်း အပိုဒ်(၉၉/ခ)အရ ပါတီတာဝန်များကို ဒုတိယဥက္ကဋ္ဌ သူရဦးရွှေမန်းအား  ဥက္ကဋ္ဌတာဝန် ပူးတွဲထမ်းဆောင်ရန် တာဝန်ပေးအပ်ခဲ့ခြင်းဖြစ်ပြီး၊ ဒုတိယဥက်္ကဋ္ဌ/ဥက္ကဋ္ဌ ပူးတွဲတာဝန် သူရဦးရွှေမန်းသည် နိုင်ငံတော်အတွက် ကြီးလေးသောတာဝန်များဖြစ်သည့်  ပြည်ထောင်စုလွှတ်တော်နာယကနှင့် ပြည်သူ့လွှတ်တော် ဥက္ကဋ္ဌအဖြစ် အချိန်ပြည့်ထမ်းဆောင်နေရသူ ဖြစ်သည်ဟုလည်း ထုတ်ပြန်ချက်တွင် ဖော်ပြထားသည်။

အဆိုပါထုတ်ပြန်ချက်တွင် ဒုတိယဥက္ကဋ္ဌ/ဥက္ကဋ္ဌ ပူးတွဲတာဝန် ဦးဌေးဦးနှင့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုအတိုင်ပင်ခံများ၊ ဒုတိယဥက်္ကဋ္ဌ၊ ဗဟိုအကြံပေးများ ဗဟိုအလုပ်အမှုဆောင် ကော်မတီဝင်များဖြင့် ဆွေးနွေးညှိနှိုင်းချက်အရ ပါတီစည်းလုံးညီညွတ်ရေးနှင့် ပါတီကို လူကြီး/လတ်/ငယ်တို့ဖြင့် ပြင်ဆင်ဖွဲ့စည်းရန်လိုအပ်ကြောင်း သုံးသပ်ခဲ့ပြီး၊ ပါတီဖွဲ့စည်းပုံအခြေခံစည်းမျဉ်းအပိုဒ် ၁၁၄-ခ အရလည်းကောင်း၊ အပိုဒ် ၆၈-က နှင့် အပိုဒ် ၉၀-ဆ တို့တွင် ပြင်ဆင်ဖြည့်စွက်ချက်နှင့်အညီ ထူးခြားသောအခြေအနေများ ပေါ်ပေါက်ပါက နိုင်ငံအကျိုး၊ ပြည်သူ့အကျိုး၊ ပါတီအကျိုးအတွက် ပါတီဗဟို အလုပ်အမှုဆောင်ကော်မတီ၏ သဘောတူညီချက်ဖြင့် ဗဟိုအလုပ်အမှု ဆောင်ကော်မတီအသစ်ကို ပြန်လည်ဖွဲ့စည်း၍ တာဝန်ပေးအပ်နိုင်သည့် လုပ်ပိုင်ခွင့်အရလည်းကောင်း ဗဟိုအလုပ်အမှုဆောင်ကော်မတီကို ပြန်လည်ပြင်ဆင်ဖွဲ့စည်းခဲ့သည်ဟုလည်း ဖော်ပြပါရှိသည်။

ပြန်လည်ဖွဲ့စည်းခဲ့သည့် ပါတီ၏ ဗဟိုအတိုင်ပင်ခံအဖွဲ့တွင် ပြည်သူ့လွှတ်တော်ကိုယ်စားလှယ် ဦးတင်ထွတ်၊ ဦးစိုးသာနှင့် အမျိုးသားလွှတ်တော်  ဥက္ကဋ္ဌဦးခင်အောင်မြင့်တို့ ပါဝင်ပြီး ဒုတိယဥက်္ကအဖြစ် သူရဦးအေးမြင့်ကို လျာထားပြီး ဗဟိုအကြံပေးအဖြစ် ဦးသောင်း၊ ဦးလွန်းသီ၊ ဦးသိန်းဇော်၊ ဦးသိန်းဆွေ၊ ဒေါက်တာကျော်မြင့်တို့ကို လျာထားကြောင်း၊ ထို့အပြင်ဦးတင် နိုင်သိန်းကို အထွေထွေအတွင်းရေးမှူးအဖြစ် လျာထားသည်ဟုသိရပြီး ဗဟိုအတွင်းအရေးမှူးအဖြစ် ဦးပိုက်ထွေး၊ ဒေါက်တာမောင်မောင်ဌေး၊ ဦးသန်းထွန်း၊ ဒေါက်တာကျော်ကျော်ဌေး၊ ဒေါ်ဝင်းမော်ထွန်းတို့ဖြစ်သည် ဟု ပြည်ခိုင်ဖြိုးပါတီမှ သတင်းရရှိသည်။

ဇော်မင်းထွန်း

Vote: 
No votes yet

Add new comment