ကမ္ဘာလုံးဆိုင်ရာနိုင်ငံခေါင်းဆောင်ဆုကို ကင်ဂျုံအန်အား အင်ဒိုနီးရှား ချီးမြှင့်

အင်ဒိုနိးရှားနိုင်ငံ ဘာလီကျွန်းအခြေစိုက် ဆူကာနိုစင်တာသည် နှစ်စဉ် ချီးမြှင့်လေ့ရှိသည့် ကမ္ဘာလုံးဆိုင်ရာ နိုင်ငံခေါင်းဆောင်ဆုကို မြောက်ကိုရီး ယား သမ္မတ ကင်ဂျုံအန်အား ချီးမြှင့် ခဲ့ပြီး ခေတ်သစ်ကိုလိုနီဝါဒနှင့် နယ်ချဲ့ဝါဒကို တွန်းလှန်တိုက်ခိုက်မှု ချန်ပီယံတစ်ဦးအဖြစ် ချီးကျူးဖော်ပြခဲ့သည်။ ဆု၏အမည်ရှင်ဖြစ်သော အင်ဒိုနီးရှားနိုင်ငံ တည်ထောင်သူ သမ္မတဟောင်း ဆူကာနို၏ သမီးဖြစ်သူ ရိခ်ျမာဝါတီဆိုကနိုပူထရီသည် အင်ဒိုနီးရှားဆိုင်ရာ မြောက်ကိုရီးယားသံအမတ်ကြီး မစ္စတာ ရီဂျုံရူးနှင့် ဇူလိုင် ၃၀ တွင် တွေ့ဆုံပြီး နောက် ဆုကိုကြေညာခဲ့ခြင်းဖြစ်သည်။

ဆူကာနိုဆုသည် အစဉ်အလာအားဖြင့် ကမ္ဘာ့ငြိမ်းချမ်းရေးနှင့် ဖွံ့ဖြိုး ရေးအတွက်လုပ်ဆောင်သူများကို အသိအမှတ်ပြု ချီးမြှင့်လေ့ရှိပြီး မြန်မာ့ဒီ မိုကရေစီခေါင်းဆောင် ဒေါ်အောင်ဆန်းစုကြည်နှင့် အိနိ်္ဒယနိုင်ငံမှ မဟတ္တမဂနီ်္ဒ တို့ကဲ့သို့ ထင်ရှားသူများကို ချီးမြှင့်ခဲ့ဖူးသည်။ ရန်လို ခြိမ်းခြောက်တတ်သည့် မူဝါဒကြောင့် တောင်ကိုရီးယား၊ ဂျပန်၊ အမေရိကန်တို့နှင့် ဆက်ဆံရေး တင်းမာနေသည့် ကင်ဂျုံအန်မှာ ကမ္ဘာ့ငြိမ်း ချမ်းရေးအတွက် မည်သို့ပါဝင်ဆောင် ရွက်ကြောင်း ရှင်းလင်းခြင်းမရှိဘဲ အထက်ဖော်ပြပါ ဒီမိုကရေစီပုံရိပ်များနှင့်လည်း နှိုင်းယှဉ်ခြင်းမရှိပေ။

ဆူကာနိုစင်တာသည် ယခင်ကလည်း မြောက်ကိုရီးယား ခေါင်းဆောင်ဟောင်း ကင်အီဆွန်းကို ဆုချီးမြှင့် ဖူးပြီး ရိခ်ျမာဝါတီက ကင်အီဆွန်းအား လွတ်လပ်ရေးနှင့် ငြိမ်းချမ်းရေးသူရဲ ကောင်းဟု ခေါ်တွင်ခဲ့သည်။ “ဒါကြောင့် အခုချီးမြှင့်မှုက နောက်ဆက်တွဲဖြစ်ပြီး ကိုလိုနီလက်သစ်တွေကို တွန်းလှန်တိုက်ခိုက်မှုကြောင့် သမ္မတကင်ဂျုံအန်ကို ဆုချီးမြှင့်ခဲ့တာပါ” ဟု ရိခ်ျမာဝါတီက ပြောကြားခဲ့သည်။

KHTUN

Vote: 
No votes yet

Add new comment