ပြည်ထောင်စုတရားလွှတ်တော်ချုပ် တရားသူကြီးအဖြစ် ဦးမျိုးဝင်းကို ခန့်အပ် ရန် နိုင်ငံတော်သမ္မတ က ပြည်ထောင်စုလွှတ်တော်သို့ တင်ပြ

ပြည်ထောင်စုတရားလွှတ်တော်ချုပ် တရားသူကြီးအဖြစ် ဦးမျိုးဝင်းကိုခန့်အပ် ရန် နိုင်ငံတော်သမ္မတ က ပြည်ထောင်စု လွှတ်တော်သို့တင်ပြကြောင်း ပြည်ထောင်စုလွှတ်တော်နာယက က နိုဝင်ဘာ ၁၂ ရက်တွင်ကြေညာခဲ့သည်။
 
ပြည်ထောင်စုတရားသူကြီးချုပ်နှင့် ညှိနှိုင်းသဘောတူညီပြီးဖြစ်သည့် ဦးမျိုးဝင်းကို ပြည်ထောင်စု တရားလွှတ်တော်ချုပ် တရားသူကြီးအဖြစ် ခန့်အပ် တာဝန်ပေးအပ်လိုပါသဖြင့် ဖွဲ့စည်းပုံအခြေခံဥပဒေပုဒ်မ ၂၉၉ ပုဒ်မခွဲ ဃ ပုဒ်မခွဲငယ် ၁ ပါ ပြဌာန်းချက်အရ ပြည်ထောင်စု လွှတ်တော်၏ သဘောတူညီချက်ရယူပေးနိုင်ရန် နိုင်ငံတော် သမ္မတက ပေးပို့ တင်ပြခဲ့ခြင်းဖြစ်သည်။
 
နိုင်ငံတော်သမ္မတ တင်ပြလာသည့် ပုဂ္ဂိုလ်နှင့် စပ်လျဉ်းပြီး ကန့်ကွက်ရန် တစ်စုံတစ်ရာမရှိပါက ခန့်အပ်ရန်သဘောတူကြောင်း ကြေညာခြင်း (သို့မဟုတ်) ကန့်ကွက်လိုသည့် လွှတ်တော် ကိုယ်စားလှယ်များရှိပါက ကန့်ကွက်ကြောင်းအဆိုတင်သွင်းခြင်း အစီစဉ်ကို နိုဝင်ဘာ ၁၅ ရက်တွင် ဆောင်ရွက်သွားမည်ဖြစ်ကြောင်း ပြည်ထောင်စုလွှတ်တော်နာယကကကြေညာခဲ့သည်။
 
ထို့အတူ နိုင်ငံတော်သမ္မတက ပြည်ထောင်စုတရားလွှတ်တော်ချုပ် တရားသူကြီးအဖြစ် ခန့်အပ်လိုကြောင်း အဆိုပြုတင်ပြထားသည့် ပုဂ္ဂိုလ်အား ဖွဲ့စည်းပုံအခြေခံဥပဒေ ပုဒ်မ ၃၀၁ ပါ သတ်မှတ်ထား သည့် အရည်အချင်း များနှင့် မပြည့်စုံကြောင်း သက်သေ အထင်အရှားပြ၍ ကန့်ကွက်လိုသည့် လွှတ်တော်ကိုယ်စားလှယ် ရှိပါက နိုဝင်ဘာ ၁၄ ရက်မွန်းလွဲ ၁နာရီနောက်ဆုံးထားပြီး ပြည်ထောင်စုလွှတ်တော် ညွှန်ကြားရေးမှုးချုပ်ထံ အမည်စာရင်း ပေးပို့နိုင်ကြောင်း အသိပေးကြေညာခဲ့သည်။
 
The Ladies News

 

Vote: 
No votes yet

Add new comment