အလောင်းတော်ကဿပ နှင့် ဇလုံတောင်တွင် ကေဘယ်ကားတပ်ဆင်ရန် စီစဉ်နေကြောင်းဆို

စစ်ကိုင်းတိုင်းဒေသကြီးအတွင်း ခရီးသွားလုပ်ငန်းများ ဖွံ့ဖြိုးတိုးတက်စေ ရေး ဆောင်ရွက်သည့်အထဲ တစ်ခု အနေဖြင့် အလောင်းတော်ကဿပ အမျိုးသားဥယျာဉ်နှင့် ဇလုံတောင်တို့တွင် ကေဘယ်ကား တပ်ရန် စီစဉ်လျက်ရှိကြောင်း စစ်ကိုင်းတိုင်းဒေသကြီး အစိုးရအဖွဲ့ထံမှ သိရသည်။
 
သတင်းထုတ်ပြန်ချက်တွင် စစ်ကိုင်းတိုင်းဒေသကြီး အစိုးရသည် ဒေသအတွင်း ခရီးသွားလုပ်ငန်းများ ဖွံ့ဖြိုးတိုးတက်လာစေရန် အတွက် နည်းလမ်းအမျိုးမျိုးဖြင့် ကြိုးစားလုပ်ဆောင်လျှက်ရှိကြောင်း ယင်းအတွက် အလောင်းတော်ကဿပ အမျိုးသားဥယျာဉ်နှင့် ဇလုံတောင်တို့တွင် သဘာဝပတ်ဝန်းကျင် ပျက်စီးမှုနည်းပါးစေပြီး ဒေသခံများအတွက် အလုပ်အကိုင် အခွင့်အလမ်းများ ဖန်တီးပေးနိုင်ခြင်းနှင့် ခရီးသွားပြည်သူ တို့ သွားလာ လွယ်ကူစေရန် ကေဘယ်ကားတပ်စင်နိုင်မှု ဖြစ်မြှောက် နိုင်ရေးအတွက် ကုမ္ပဏီနှစ်ခုနှင့် ဆွေးနွေးခဲ့ကြောင်းဆိုသည်။
 
စစ်ကိုင်းတိုင်းဒေသကြီး အစိုးရအဖွှဲအနေဖြင့် Kaung Thit Hein Construction Co.,Ltd.နှင့် Jewel Golden Elephant Construction Co.,Ltd. တို့ကို ၂၀၁၈ ဇန်န၀ါရီ ၇ရက်နေ့တွင် စစ်ကိုင်းတိုင်းဒေသကြီး အစိုးရအဖွဲ့ရုံးသို့ ဖိတ်ခေါ်ကာ တွေ့ဆုံဆွေးနွေးမှုများ ပြုလုပ်ခဲ့ကြောင်း Sagaing Reginal Information Page တွင် သတင်းထုတ်ပြန် ထားသည်။
 
အဆိုပါ ခေါ်ယူတွေ့ဆုံခဲ့သည့် ကုမ္ပဏီထဲမှ Jewel Golden Elephant Construction ကုမ္ပဏီသည် ကမ္ဘာ့ပထမဆုံး ကေဘယ်ကားထုတ် ကုမ္ပဏီဖြစ်သည့် ပြင်သစ်နိုင်ငံ POMA ကုမ္ပဏီနှင့်ပူးပေါင်းပြီး ကျိုက်ထီးရိုး စေတီတော်တွင် ကေဘယ်ကား တပ်ဆင်တည်ဆောက် ခဲ့သည့် လုပ်ငန်းအတွေ့အကြုံရှိသည့် မြန်မာနိုင်ငံ၏ တစ်ခုတည်းသော ကုမ္ပဏီဖြစ်ကြောင်း ဆိုသည်။
 
ကျိုက်ထီးရိုးတောင်တော်တွင် ကေဘယ်ကား အရှည်မိုင်မှာ (၄)မိုင်ကျော် ရှည်လျားပြီး ရင်းနှီးမြှုပ်နှံမှု ငွေကြေးပမာဏ ဒေါ်လာ(၂၆) သန်းခန့်ရှိပြီး စစ်ကိုင်းတိုင်းရှိ အဆိုပါသတ်မှတ်နေရာများတွင် တပ်ဆင်ပါက ခရီးမိုင်ပိုရှည်ပြီး ရင်းနှီးမြှုပ်နှံမှုပမာဏလည်း ပိုများမည်ဖြစ်ကြောင်း သိရသည်။
 
ယခုအခါ စစ်ကိုင်းတိုင်းဒေသကြီး အစိုးရ၏ ဖိတ်ခေါ်မှုကြောင့် စစ်ကိုင်းတိုင်းအတွင်း ကေဘယ်ကား တပ်ဆင်နိုင်မည့် ဖြစ်မြောက်နိုင်စွမ်း အလားအလာတို့ကို သုတေသနပြုလုပ်၍ ရင်းနှီးမြှုပ်နှံ သွားမည်ဖြစ်ကြောင်း သတင်း ထုတ်ပြန်ချက်တွင် ဖော်ပြထားသည်။
 
အလောင်းတော်ကဿပ အမျိုးသားဥယျာဉ်သည် စစ်ကိုင်းတိုင်းဒေသကြီး မင်းကင်းမြို့နယ်၊ ကနီမြို့နယ်၊ ယင်းမာပင်မြို့နယ် စသည့် မြို့နယ်တို့၏ ဧရိယာအတွင်းရှိပြီး ဧရိယာ စတုရန်းကီလိုမီတာ ၁၅၉၇ ကျယ်ဝန်းသည့် မြန်မာနိုင်ငံတွင် အကြီးဆုံး အမျိုးသားဥယျာဉ်ဖြစ်ပြီး အာဆီယံ အမွေအနှစ်ဥယျာဉ်စာရင်းဝင် ဥယျာဉ်တစ်ခု ဖြစ်ကြောင်း သိရသည်။
 
ဓာတ်ပုံ- စစ်ကိုင်းတိုင်းဒေသကြီး အစိုးရအဖွဲ့
The Ladies News
 

 

Vote: 
No votes yet

Add new comment