တယ်လီဖုန်းဖြင့် သွေးထိုးလှုံ့ဆော်မှု ဖြန့်ဝေသူများအား ဥပဒေနှင့်အညီ အရေးယူ ဆောင်ရွက်မည်

မြန်မာနိုင်ငံ တစ်ဝှမ်းရှိ ပြည်သူများထံသို့ တယ်လီဖုန်းဖြင့် မက်ဆေ့များ (Message) ၊ ဖေ့ဘုတ်စ်များ (Facebook) ၊ မက်ဆင်ဂျာများ (Messenger) မှ တစ်ဆင့် စက်တင်ဘာလ ၁၁ ရက်နေ့တွင် အကြမ်းဖက် တိုက်ခိုက်မှုများ ပြုလုပ်ရန် စီစဉ်နေသည်ဆိုသည့် သတိပေး သွေးထိုး လှုံ့ဆော်မှုများ ဖြန့်ဝေနေခြင်းများ ရှိခြင်းကြောင့် ယင်းသို့ ပြည်သူများ အထိတ်တလန့်ဖြစ်အောင် ပြုမှုလုပ်ဆောင် သူများကို ဥပဒေနှင့်အညီ အရေးယူ ဆောင်ရွက်သွားမည် ဖြစ်ကြောင်း သတင်းထုတ်ပြန်ရေး ကော်မတီက သတင်းထုတ်ပြန် ကြေညာထားသည်။
 
ယင်းအပြင် နိုင်ငံတော်အစိုးရအနေဖြင့် အကြမ်းဖက် တိုက်ခိုက်မှုများ ပြုလုပ်မည်ဆိုသည့် သတင်းကြားသိချိန်မှ စတင်ပြီး အများပြည်သူများသို့ သတိပေး ထုတ်ပြန်ချက်များ ထုတ်ပြန်ထားကာ လုံခြုံရေးဆိုင်ရာ ကိစ္စရပ်များကိုလည်း အလေးထား ဆောင်ရွက်လျက်ရှိကြောင်းလည်း သိရသည်။
 
တယ်လီဖုန်းဖြင့် သွေးထိုးလှုံ့ဆော်သည့် သတင်းများ ဖြန့်ဝေခြင်းများ ရှိပါက အုပ်ချုပ်ရေးပိုင်းဆိုင်ရာသို့ ဆက်သွယ် သတင်းပေးကြရန်နှင့် ယင်းသို့ သွေးထိုးလှုံ့ဆော်မှု ဆောင်ရွက်သူများကိုလည်း ဥပဒေနှင့်အညီ အရေးယူ ဆောင်ရွက်သွားမည် ဖြစ်ကြောင်း သတင်းထုတ်ပြန်ရေး ကော်မတီက ထုတ်ပြန်ထားသည်။
 
Ref : သတင်းထုတ်ပြန်ရေးကော်မတီ
The Ladies News
 

 

Vote: 
No votes yet

Add new comment