သြဂုတ် ၂၀ ရက်ထိ H1 N1 ရောဂါကြောင့် သေဆုံးသူ ၃၀ ထိရှိလာ

လတ်တလောပြင်းထန် အသက်ရှူ လမ်းကြောင်းရောဂါဖြင့် ဆေးရုံတက်ရောက် ကုသသူစုစုပေါင်း လူနာ (၇၉၇)ဦးအနက် H1N1 ပိုးတွေ့လူနာစုစုပေါင်း (၂၉၇) ဦးရှိခဲ့ပြီး သြဂုတ် ၂၀ ရက် အထိ သေဆုံးသူစုစုပေါင်း (၃၀)ဦး ရှိပြီးဖြစ်ကြောင်း ကျန်းမာရေးဝန်ကြီးဌာနက ထုတ်ပြန်သည်။
 
ရာသီတုပ်ကွေးရောဂါ Seasonal Influenza A(H1N1)pdm09 စောင့်ကြပ် ကြည့်ရှုခြင်းလုပ်ငန်းများကို ဆောင်ရွက်လျက်ရှိရာ သြဂုတ်လ (၁၉) ရက်နေ့၊ (၁၄:၀၀) နာရီမှ သြဂုတ်လ (၂၀) ရက်နေ့၊ (၁၄:၀၀) နာရီအထိ သံသယလူနာ (၂၄) ဦးအား ဓာတ်ခွဲ စမ်းသပ်စစ်ဆေးခဲ့ရာတွင် H1N1 ပိုးတွေ့လူနာ (၉) ဦး တွေ့ရှိခဲ့ပြီး ထပ်မံသေဆုံးလူနာ တစ်ဦး ရှိ ကြောင်းလည်း ထုတ်ပြန်ချက်တွင် ဖော်ပြထားသည်။
 
H1N1 ပိုးတွေ့ရှိသော်လည်း ရာသီတုပ်ကွေးရောဂါ၏ နောက်ဆက်တွဲ ဆိုးကျိုးကြောင့် သေဆုံး ခြင်းမဟုတ်ဘဲ အခြားရောဂါ အခံများကြောင့် ယနေ့အထိ သေဆုံးသူစုစုပေါင်း (၂၀) ဦးရှိကြောင်း ထုတ်ပြန်သည်။
 
အထူးကုဆေးရုံကြီး (ဝေဘာဂီ)တွင် H1N1 ပိုးတွေ့ အတွင်းလူနာ (၃)ဦးနှင့် အခြားတိုင်းဒေသကြီး/ ပြည်နယ် ဆေးရုံကြီးများတွင် H1N1 ပိုးတွေ့ အတွင်းလူနာ (၃၃)ဦး၊ စုစုပေါင်း (၃၆)ဦး ဆက်လက် ဆေးဝါးကုသမှု ခံယူလျက်ရှိပြီး အများစုမှာ သက်သာလျက်ရှိကြောင်း ထုတ်ပြန်ထားသည်။
 
လတ်တလော ပြင်းထန်အသက်ရှူလမ်းကြောင်း ရောဂါဖြင့် ဆေးရုံတက်ရောက် နေသူများတွင် H1N1 ပိုးတွေ့ လူနာများ သာမက ပိုးမတွေ့လူနာများကိုလည်း လတ်တလော ပြင်းထန်အသက်ရှူ လမ်းကြောင်း ရောဂါ ကုသရေး လမ်းညွှန်အတိုင်း ထိရောက်သော ကုသမှုများရရှိရန် အထူးအလေးပေး ဆောင်ရွက်လျက်ရှိသည်ဟုလည်း ထုတ်ပြန်ချက်တွင် ဖော်ပြထားသည်။
 
The Ladies News

 

Vote: 
No votes yet

Add new comment