ပြည်သူများအတွက် သင်္ကြန်ကာလအတွင်း လျှပ်စစ်မီးလုံးဝ ပြတ်တောက် ခြင်း မရှိစေရေး ဆောင်ရွက်ပေးမည်

လျှပ်စစ်နှင့် စွမ်းအင်ဝန်ကြီးဌာနက ရတနာသဘာဝ ဓာတ်ငွေ့ပိုက်လိုင်း၏ Partial Shut-down လုပ်ငန်း ဆောင်ရွက်မှုများအား ဧပြီ ၁ဝ ရက်မှ ၁၄ ရက်အထိ မူလက လျှပ်စစ်ဓာတ်အား ဖြတ်တောက်မည်ဟု ကြေညာ ထားသော်လည်း ထို Shut down ကာလ အတွင်း ပြည်သူများအား လျှပ်စစ်ဓာတ်အား လုံးဝ(လုံးဝ) ပြတ်တောက်ခြင်းမရှိဘဲ ဓာတ်အားပေး သွားမည်ဟု ပြန်လည် အသိပေး ပန်ကြားထားသည်။
 
ထိုသို့Shut down လုပ်ငန်း ဆောင်ရွက်စဉ် ရတနာ သဘာဝဓာတ်ငွေ့ ပိုက်လိုင်းမှ ဓာတ်ငွေ့ကုဗ ပေသိန်း ၁၂ဝ ပေးပို့ထားမည်ဖြစ်ပြီး ကုန်းတွင်း သဘာဝဓာတ်ငွေ့နှင့် ဇောတိက သဘာဝဓာတ်ငွေ့ ပိုက်လိုင်းများအား ထပ်မံတိုးမြှင့် ဖြန့်ဖြူးပေးထားမည် ဖြစ်သောကြောင့် သဘာဝဓာတ်ငွေ့ဖြင့် လျှပ်စစ်ဓာတ်အား ထုတ်လုပ်မှုမှာ တစ်နိုင်ငံလုံး ၆ဝ မဂ္ဂါဝပ်မှ ၇ဝ မဂ္ဂါဝပ်ခန့်သာ လျှပ်စစ်ဓာတ်အား ပမာဏလျော့နည်းသွားမည် ဖြစ်ကြောင်း သိရသည်။
 
သင်္ကြန်ကာလအတွင်း စက်ရုံ၊ အလုပ်ရုံများ ပိတ်ထားသဖြင့် ရန်ကုန် တိုင်းဒေသကြီး တစ်ခုတည်းမှာပင် ဓာတ်အားအသုံးပြုမှု လျော့နည်း သွားမည့် ဓာတ်အားပမာဏမှာ အနည်းဆုံး မဂ္ဂါဝပ် ၂၅ဝ ရှိသော ကြောင့်Shut down ကာလအတွင်း အများပြည်သူများ အဆင်ပြေစေရေး လျှပ်စစ်ဓာတ်အား လုံးဝ(လုံးဝ) ပြတ်တောက်ခြင်းမရှိဘဲ ဓာတ်အားပေး သွားမည် ဖြစ်ကြောင်း နိုင်ငံပိုင် သတင်းစာမျက်နှာအရ သိရသည်။
 
The Ladies News
 

 

Vote: 
No votes yet

Add new comment