ကြားဖြတ်ရွေးကောက်ပွဲ ၁၉ နေရာတွင် NLD က ၉ နေရာ အနိုင်ရ

၂၀၁၇ ခုနှစ်၊ ဧပြီလ ၁ ရက်နေ့တွင် လစ်လပ်မဲဆန္ဒနယ် ၁၉ နေရာအတွက် ကြားဖြတ်ရွေးကောက်ပွဲ ကျင်းပပြုလုပ်ခဲ့ရာ အမျိုးသား ဒီမိုကရေစီ အဖွဲ့ချုပ်ပါတီက ၉ နေရာ အနိုင်ရရှိခဲ့ကြောင်း သိရသည်။
 
ကြားဖြတ် ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်က ပြည်သူ့ လွှတ်တော် ကိုယ်စားလှယ် ငါးဦး၊ အမျိုးသားလွှတ်တော် ကိုယ်စားလှယ် သုံးဦးနှင့် ပြည်နယ်လွှတ်တော် ကိုယ်စားလှယ် တစ်ဦး ရွေးချယ်ခံခဲ့ရခြင်း ဖြစ်သည်။
 
ပြည်သူ့လွှတ်တော် ကိုယ်စားလှယ်များအဖြစ် အမျိုးသားဒီမိုကရေစီ အဖွဲ့ချုပ်မှ ဦးနေကျော် (ဒဂုံမြို့သစ်(အရှေ့ပိုင်း) မြို့နယ်၊ ရန်ကုန်တိုင်းဒေသကြီး)၊ ဦးဝင်းမင်း (လှိုင်သာယာမြို့နယ်၊ ရန်ကုန်တိုင်းဒေသကြီး)၊ ဦးမြစိန် (ဒဂုံမြို့သစ်-ဆိပ်ကမ်းမြို့နယ်၊ ရန်ကုန်တိုင်းဒေသကြီး)၊ ဦးကျော်ဆွေဝင်း (ကော့မှူးမြို့နယ်၊ ရန်ကုန်တိုင်းဒေသကြီး)၊ ဦးညွန့်အောင် (မုံရွာမြို့နယ်၊ စစ်ကိုင်းတိုင်းဒေသကြီး) တို့က အနိုင်ရရှိခဲ့သည်။
 
အမျိုးသားလွှတ်တော် ကိုယ်စားလှယ်များအဖြစ် အမျိုးသား ဒီမိုကရေစီ အဖွဲ့ချုပ်မှ ဦးဘွဲခိန်း (အမှတ် ၃ မဲဆန္ဒနယ်၊ ချင်းပြည်နယ်)၊ ဒေါ်စန်းစန်းမြင့် (မဲဆန္ဒနယ် ၄ ၊ ပဲခူးတိုင်းဒေသကြီး )၊ ဒေါက်တာမောင်မောင် (မဲဆန္ဒနယ် အမှတ် ၆၊ ရန်ကုန်တိုင်းဒေသကြီး) တို့က လည်းကောင်း၊ ရှမ်းပြည်နယ်၊ ညောင်ရွှေမြို့နယ် မဲဆန္ဒနယ် အမှတ် ၁ တွင်လည်း အမျိုးသား ဒီမိုကရေစီ အဖွဲ့ချုပ်မှ ဦးခင်မောင်ဝင်းက လည်းကောင်း ရွေးကောက်ခံကိုယ်စားလှယ် အဖြစ် အနိုင်ရရှိခဲ့သည်။
 
ကျန်လစ်လပ် မဲဆန္ဒနယ်များတွင် ရှမ်းတိုင်းရင်းသားများ ဒီမိုကရေစီအဖွဲ့ချုပ် ပါတီက ခြောက်နေရာ၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက နှစ်နေရာ၊ ရခိုင်အမျိုးသားပါတီက တစ်နေရာ၊ လူမျိုးပေါင်းစုံ ဒီမိုကရေစီပါတီ (ကယားပြည်နယ်)က တစ်နေရာ တို့ အသီးသီး ရွေးချယ်ခံခဲ့ရသည်။
 
၂၀၁၇ ခုနှစ်၊ ဧပြီ ၁ ရက် ကြားဖြတ်ရွေးကောက်ပွဲတွင် ပြည်သူ့လွှတ်တော် ကိုယ်စားလှယ် ကိုးနေရာ၊ အမျိုးသားလွှတ်တော် ကိုယ်စားလှယ် သုံးနေရာနှင့် တိုင်းဒေသကြီး (သို့) ပြည်နယ် လွှတ်တော် ကိုယ်စားလှယ် ခုနစ်နေရာ စုစုပေါင်း ၁၉ နေရာအတွက် နိုင်ငံရေးပါတီ ၂၄ ပါတီမှ ကိုယ်စားလှယ်လောင်း ၈၇ ဦးနှင့် တစ်သီးပုဂ္ဂလ ကိုယ်စားလှယ်လောင်း ခုနစ်ဦး၊ ပေါင်း ၉၄ ဦး ၀င်ရောက်ယှဉ်ပြိုင်ခဲ့ကြခြင်း ဖြစ်သည်။
 
The Ladies News
 

 

Vote: 
No votes yet

Add new comment