ဘဏ္ဍာရေးဆိုင်ရာ မေးခွန်းများ ဖြေကြားပေးနိုင်သည့် A.I (အသိဥာဏ်တူ) app ကို Clinc ကုမ္ပဏီ ထုတ်လုပ်

မစ္စတာ ဂျေဆင်မားစ်သည် မီချီဂန် တက္ကသိုလ်မှ ကွန်ပျူတာ သိပ္ပံပါမောက္ခ အာဖရိကန် အမေရိကန်တစ်ဦးဖြစ်ပြီး နည်းပညာ ကုမ္ပဏီတစ်ခု တည်ထောင်ထားသူလည်း ဖြစ်သည်။ ယင်း၏ ကုမ္ပဏီ Clinc က ဘဏ္ဍာရေးဆိုင်ရာ မေးခွန်းများကို အသံထွက် ဖြေကြားပေးနိုင်သည့် A.I (အသိဥာဏ်တူ) App ကို ထုတ်လုပ်ထားပြီး ထို App က “ကူညီတတ်သည့် ကော့ကေးရှန်းမိန်းကလေး” တစ်ဦးအသံဖြင့် ဖြေကြားမှုများ ပြုလုပ်သည်။ တဖြည်းဖြည်း ကျယ်ပြန်ပလာနေသည့် စကားပြော A.I ဈေးကွက်တွင် Clinc ကလည်း အစိတ်အပိုင်းတစ်ခုဖြစ်သည်။ ထိုနယ်ပယ်၌ Apple ၏ iPhone များတွင် ပါဝင်သော Siri ၊ Amazon ၏ Echo တွင် ပါဝင်သော Alexa တို့အပြင် အခြားနည်းပညာ ကုမ္ပဏီကြီးများကလည်း ၀င်ရောက်လျက်ရှိသည်။ ထိုစနစ်များအတွက် အသုံးပြုမည့် အသံ ရွေးချယ်ခြင်းမှာ အရေးပါပြီး အသုံးပြုသူများ၏ အမြင်ကို သက်ရောက်နိုင်သည်။
 
စီးပွားရေးအရ အောင်မြင်ရန် လိုအပ်ချိန်တွင် ပုံစံဟောင်းအတိုင်း ဆောင်ရွက်ခြင်းနှင့် စွန့်စားရသည့် ပုံစံသစ် တီထွင်ဆောင်ရွက်ခြင်းတို့ကြား မည်သည်ကို ရွေးချယ်ရမည်နည်း ဆိုသည့် မေးခွန်းကို ကုမ္ပဏီများ ရင်ဆိုင်နေရပြီး အများစုက ပုံစံဟောင်းနည်းလမ်းကို ရွေးချယ်ကြသည်။ ဥပမာ မိုက်ကရိုဆော့ဖ်၏ Cortana စနစ်တွင် သုံးထားသော အသံမှာ Halo ဂိမ်းမှ အမျိုးသမီး ဇာတ်ကောင်တစ်ဦး၏ အသံဖြစ်သည်။ မိုက်ကရိုဆော့ဖ်မှ အကြီးတန်းအရာရှိ တစ်ဦးဖြစ်သူ ဒါရက်ကော်နယ်က “Cortana အတွက် သုတေသနလုပ်တုန်းက အမျိုးသားနဲ့ အမျိုးသမီး နှစ်မျိုးလုံးက သူတို့ရဲ့ ကိုယ်ရေး လက်ထောက်အဖြစ် ငယ်ရွယ်တဲ့ အမျိုးသမီးအသံကို ပိုကြိုက်တာ တွေ့ရပါတယ်” ဟု ဆိုသည်။ ပြီးခဲ့သည့် ရက်သတ္တပတ်အတွင်း ဂူဂဲလ်က မိတ်ဆက်ခဲ့သည့် ထုတ်ကုန်သစ်များတွင် ပါဝင်သည့် Google Assistant စနစ်တွင်လည်း ပညာတတ် အမျိုးသမီးငယ်တစ်ဦး၏ အသံကို အသုံးပြုထားသည်။ သို့သော် စကားပြောနေသူမှာ ကွန်ပျူတာဖြစ်ကြောင်း သိရှိစေလိုပါက အမျိုးသားအသံ အသုံးပြုခြင်းက ပိုမိုထိရောက်မှုရှိသည်။ IBM ကုမ္ပဏီ၏ Watson စနစ်ကို ရုပ်သံကြော်ငြာတစ်ခုတွင် အဆိုတော် ဘော့ဒိုင်လန်နှင့် စကားပြောသည့်အခါ အမျိုးသားအသံကို အသုံးပြုခဲ့သည်။ Watson စနစ်ဟာ အမျိုးသမီးအသံဖြင့် အသုံးပြု စမ်းသပ်ကြည့်သည့်အခါ ကွန်ပျူတာက စကားပြောနေခြင်း ဖြစ်ကြောင်း အလွယ်တကူ ခွဲခြားနိုင်ခြင်းမရှိခဲ့ဟု ဂျော်ရီယာနည်းပညာ တက္ကသိုလ်မှ ပါမောက္ခ အရှော့ဂျိုးလ်က ပြောကြားသည်။ သို့သော် Watson တွင် အမျိုးသား အသံ အသုံးပြုမှုမှာ ရှားပါးဖြစ်စဉ်တစ်ခုသာ ဖြစ်ပြီး Amazon ၏ A.I စနစ်တွင်လည်း အမျိုးသမီးအသံကိုသာ အသုံးပြုထားသည်။
 
A.I စနစ်များအတွက် အသံရွေးချယ်ရာတွင် ဒေသဆိုင်ရာ အခြေအနေများကို ထည့်သွင်းစဉ်းစားရန်လည်း လိုအပ်သည်။ မိုက်ကရိုဆော့ဖ်၏ Costana စနစ်တွင် အသုံးပြုသည့် နိုင်ငံအလိုက် လေယူလေသိမ်းနှင့် စကားလုံး အသုံးအနှုန်းများကို ပြောင်းလဲထားသည်။ ဥပမာအားဖြင့် ပြင်သစ် ယာဉ်မောင်းတစ်ဦးသည် နယ်စပ်ဖြတ်ကျော်၍ ဂျာမနီနိုင်ငံအတွင်း ၀င်ရောက်သွားပါက A.I လမ်းညွှန်စနစ်သည် ဂျာမနီမြို့အမည်များအား ဂျာမနီအသံထွက်အတိုင်း မှန်ကန်စွာ ပြောကြားသည့် အစား ပြင်သစ်လေသံဖြင့် ပြောဆိုခြင်းဖြင့် ရင်းနှီးမှုရှိစေရန် ပြုလုပ်ပေးသည်။ ဒေသအလိုက် လေသံ ပြောင်းလဲခြင်းကို Siri စနစ်တွင်လည်း ထည့်သွင်းထားပြီး အမေရိကန်၊ သြစတြေးလျ၊ အိုင်ယာလန်၊ တောင်အာဖရိကနှင့် ဗြိတိန် လေယူလေသိမ်းများ ပါဝင်သည်။
 
မစ္စတာ ဒဂျဆင်မားစ်က ယင်း၏စနစ်တွင် “လူမည်းအမျိုးသားအသံ သုံးမယ်ဆိုရင် စိတ်ဝင်စားစရာ ကောင်းပေမယ့် ရလဒ်ကွဲပြားမှုတွေ ရှိနိုင်ပါတယ်။ အရင်ဆုံး app တွေ ရောင်းရဖို့ လိုပါတယ်” ဟု ဆိုသည်။ ယင်းက ပုံမှန်မဟုတ်သည့် A.I အသံများ အသုံးပြုရန် မျှော်လင့်သော်လည်း ထိုသို့ ဆောင်ရွက်နိုင်ရန် လုံလောက်သော အောင်မြင်မှုရှိထားရန် လိုသည်ဟု ဆိုသည်။ “အသုံးပြုသူတွေက မတူညီတဲ့ အသံနဲ့ ပုံစံတွေ စမ်းသုံးဖို့ ဆန္ဒရှိပေမယ့် ကုမ္ပဏီတွေက ရှေးရိုးဆန်နေတယ်လို့ ထင်ပါတယ်” ဟု မစ္စတာမားစ်က ပြောကြားသည်။
 
KHTun
The Ladies News

 

Vote: 
No votes yet

Add new comment