တောင်ကြီးဆေးတက္ကသိုလ်မှ ၂၉ ရက်နေ့အထိ ကျောင်းအပ်လက်ခံမည် နောက်ကျ ပါက ကျောင်းဝင်ခွင့်စာရင်းမှ ပယ်ဖျက်မည်

တောင်ကြီးဆေးတက္ကသိုလ်၏ ကျောင်းဝင်ခွင့်ကို ယခုလ ၇ ရက်နေ့မှ ၂၉
ရက်နေ့အထိ လက်ခံပေးမည်ဖြစ်ပြီး နောက်ကျပါက ကျောင်းဝင်ခွင့်စာရင်းမှ
ပယ်ဖျက်မည်ဖြစ်ကြောင်း သိရသည်။

တောင်ကြီးဆေးတက္ကသိုလ်၏ ပထမနှစ်ဘွဲ့ကြိုသင်တန်းများကို ယခုနှစ်တွင်
ပထမဆုံးအကြိမ်အဖြစ် စတင်ဖွင့်လှစ်မည်ဖြစ်ပြီး ကျောင်းအပ်ချိန်ကို ဒီဇင်ဘာလ ၇
ရက်နေ့မှ စတင်လက်ခံမည်ဖြစ်ပြီး ၂၉ ရက်နေ့နောက်ဆုံးထား အပ်နှံရမည်
ဖြစ်ကြောင်း၊ နောက်ကျမှ ရောက်ရှိလာသော ကျောင်းအပ်နှံမှုများကို လက်ခံမည်
မဟုတ်ဘဲ ကျောင်းဝင်ခွင့်စာရင်းမှ ပယ်ဖျက် သွားမည်ဖြစ်ကြောင်း သိရသည်။

“ဒီနှစ်မှာ ကိုယ်ပိုင်းအုပ်ချုပ်ခွင့်ရဒေသ ကျောင်းသား ၂၀ နဲ့ ၂၀၁၅ တက္ကသိုလ်
ဝင်တန်းအောင် ကျောင်းသားကျောင်းသူ ၁၃၀ လောက် ၀င်ခွင့်ပေးမှာပါ။ လက်ရှိ
တော့ ၁၃၀ ကျော်လောက် ၀င်ခွင့် ရရှိထားပါတယ်။ ကိုယ်ပိုင်အုပ်ချုပ်ခွင့်ရရှိတဲ့
ဒေသက ကျောင်းသား စာရင်းတွေက မလာသေးပါဘူး” ဟု တောင်ကြီး
ဆေးတက္ကသိုလ်မှ တာဝန်ရှိသူတစ်ဦးက ပြောသည်။

တောင်ကြီးဆေးတက္ကသိုလ်သည် မြန်မာနိုင်ငံတွင် ငါးခုမြောက် ဆေးတက္ကသိုလ်
ဖြစ်ပြီး ရှမ်းပြည်နယ်အတွက် ပထမဆုံးဖွင့်လှစ်သော ဆေးတက္ကသိုလ်ဖြစ်ပြီး
အောက်တိုဘာလ ၃ ရက် နေ့တွင် နိုင်ငံတော်သမ္မတ ဦးသိန်းစိန် တက်ရောက်
ဖွင့်လှစ်ပေးခဲ့သည်။

တောင်ကြီးဆေးတက္ကသိုလ်ကို ၂၀၁၃-၁၄ ဘဏ္ဍာနှစ်မှ စတင်တည်ဆောက်ခဲ့ခြင်း ဖြစ်ပြီး

အမျိုးသား၊အမျိုးသမီး ငါးထပ်ကျောင်းဆောင်၊ Lecture Theatre နှစ်ခုပါ
သုံးထပ်စာသင်ဆောင်၊ အရာထမ်းအိမ်ရာ လေးခန်းတွဲလေးထပ်၊ ဧည့်ရိပ်သာ ၄
ခန်းတွဲ ၃ ထပ်၊ ဒုတိယပါမောက္ခချုပ်နေအိမ် နှစ်ထပ်နှင့် စားသောက်ဆိုင်များ
ပါဝင်ကြောင်း သိရသည်။

ကျန်းမာရေးဝန်ကြီးဌာန လက်အောက်တွင် ဆေးတက္ကသိုလ် (၁) (၂) ရန်ကုန်၊
မန္တလေးဆေးတက္ကသိုလ်၊ မကွေးဆေးတက္ကသိုလ်၊ တောင်ကြီးဆေးတက္ကသိုလ်
စုစုပေါင်း ၅ ခုအထိ ရှိလာပြီဖြစ်သည်။

သတင်း - သူရိယ
Photo - TYA
The Ladies News Journal

 

Vote: 
No votes yet

Add new comment