၂၀၁၅-၁၆ ပညာသင်နှစ် AGTI ပထမနှစ်ဝင်ခွင့် လျှောက်လွှာများကို စတင်ခေါ်ယူ ၊ ယခုလ ၂၉ ရက်နေ့ အထိ နောက်ဆုံးထားလျှောက်ထားရမည်

၂၀၁၅-၁၆ ပညာသင်နှစ်အတွက် AGTI ပထမနှစ်ဝင်ခွင့် လျှောက်လွှာများကို
စတင်ခေါ်ယူနေပြီဖြစ်ပြီး ယခုလ ၂၉ ရက်နေ့ အထိ နောက်ဆုံးထား လျှောက်ထား
ရမည်ဖြစ်ကြောင်း သိရသည်။

အစိုးရနည်းပညာကောလိပ် (ရွှေဘို၊ မြင်းခြံ၊ မိုးညှင်း)၊ အစိုးရစက်မှုလက်မှုသိပ္ပံ
(ကျောက်ပန်းတောင်း၊ ချောက်၊ ရေနံချောင်း၊ ၀ါးခယ်မ၊ သရက်၊ ကျောက်ဆည်၊
ဟားခါး၊ ပူတာအို၊ ခန်္တီး၊ သံတွဲ၊ ဂန့်ဂေါ၊ ကန့်ဘလူ၊ မကွေး၊ မော်လမြိုင်၊ လက်ပံတန်း၊
ကျောက်ဖြူ၊ ရန်ကုန်၊ မန္တလေး၊ လပွတ္တာ) စုစုပေါင်း ၂၂ ကျောင်းအတွက်
သင်တန်းသားများကို ယခုလ ၁၀ ရက်နေ့မှစတင် ပြီး ၀င်ခွင့်လျှောက်လွှာများ
ထုတ်ပေးမည်ဖြစ်ကြောင်း စက်မှုနှင့် သက်မွေးပညာဦးစီးဌာနမှ ကြေညာထားသည်။

“AGTI လျှောက်ထားချင်တဲ့ ကျောင်းသားတွေကို အမှတ်သတ်မှတ်ပြီး ခေါ်ယူမှာ
မဟုတ်ပါဘူး။ ကျောင်းတစ်ကျောင်းရဲ့ ကျောင်းသားလက်ခံနိုင်မှုအပေါ် မူတည်ပြီး
ခေါ်ယူတာဖြစ်ပါတယ်။ အင်္ဂလိပ်စာနဲ့ သင်္ချာဘာ သာရပ်နှစ်ခု ရမှတ်ပေါင်း ၁၅၀
ဝန်းကျင်ရရှိသူဖြစ်ဖို့တော့ လိုပါတယ်”  ဟု စက်မှုသက်မွေးပညာဦးစီးဌာနမှ
တာဝန်ရှိသူတစ်ဦးက ပြောသည်။

ယခုနှစ်တွင် လျှောက်ထားခွင့်ရရှိသူများအနက် တက္ကသိုလ်ဝင်တန်း အောင်မြင်ပြီး
သူများ အပါအ၀င် အစိုးရနည်းပညာ အထက်တန်းကျောင်းများမှ အောင်မြင်ပြီးသူ
များလည်း လျှောက်ထားနိုင်ကြောင်းကို ထည့်သွင်းကြေညာထားပြီး သင်ကြားပေး
မည့်ဘာသာရပ်များမှာ မြို့ပြအင်ဂျင်နီယာ၊ အီလက်ထရောနစ်အင်ဂျင်နီယာ၊
လျှပ်စစ်စွမ်းအားအင်ဂျင်နီယာ၊ စက်မှုစွမ်းအား အင်ဂျင်နီယာတို့ ဖြစ်ကြောင်း
သိရသည်။

သင်တန်းကာလမှာ ၃ နှစ် ဖြစ်ပြီး သင်တန်းပြီးဆုံးပါက ဒီပလိုမာအောင်လက်မှတ်ကို
ချီးမြှင့်မည် ဖြစ်ကြောင်း သိရသည်။ သိပ္ပံနှင့်နည်းပညာဝန်ကြီးဌာနမှ AGTI သင်တန်း
များကို ၂၀၁၄-၁၅ ပညာသင်နှစ်မှစတင်ပြီး ခွဲခြားဖွင့်လှစ်ခဲ့ခြင်းဖြစ်ကြောင်း သိရ
သည်။

သတင်း - သူရိယ
The Ladies News Journal
 

Vote: 
No votes yet

Add new comment