မွန်ဂိုလီယားဒေသရှိ အစိုးရ လုံခြုံရေးဂိတ် ကို မျက်နှာဖုံးစွပ်ထားသူ လူတစ်ရာ နီးပါးက တိုက်ခိုက်ခဲ့

ပြီးခဲ့သော တနင်္ဂနွေနေ့က တရုတ်နိုင်ငံ မွန်ဂိုလီးယားဒေသရှိ အစိုးရလုံခြုံရေး
ဂိတ်ကို မျက်နှာဖုံးစွပ်ထားသော လူ ပေါင်း ၁၀၀ ကျော်က အကြမ်းဖက်
တိုက်ခိုက်မှုများ ပြုလုပ်ခဲ့ကြောင်းသိရသည်။ ယင်းကဲ့သို့ အကြမ်းဖက်
တိုက်ခိုက်မှုများကြောင့် လူပေါင်း ၁၃ ဦး ဒဏ်ရာရခဲ့သလို မော်တော်ယာဉ် ၁၁
စီးပျက်စီးခဲ့ရကြောင်း တရုတ်အစိုရ သတင်းဌာနများ ကဖော်ပြကြသည်။

အဆိုပါ အကြမ်းဖက်တိုက်ခိုက်မှုများ ပြုလုပ်သော လူအုပ်မှာ လုံခြုံရေးများကို
ငရုတ်ကောင်းရည်များသုံးကာ တိုက်ခိုက်မှုများ ပြုလုပ်ခဲ့ခြင်းဖြစ်သလို
လူကိုသေစေအောင် တိုက်ခိုက်မှုများ ပြုလုပ်ရန် ကြိုးပမ်းမှုများ ဖြစ်ပေါ်ခဲ့
ကြောင်း သိရသည်။

တရုတ်နိုင်ငံ Ejin ဒေသ တိုက်ခိုက်ခံရမှုအတွက် အသေးစိတ် အခြေအနေများကို
တရုတ်အစိုးရ တာဝန်ရှိသူများက ပြောဆိုခြင်း မရှိသေးကြောင်း သတင်းများက
ဆိုသည်။ တရုတ်နိုင်ငံ မွန်ဂိုလီယားဒေသမှာ ဒေသအတွင်း လုံခြုံရေးတင်းကျပ်မှုများ၊
မြေယာများ စွန့်လွှတ်ထွက်ပြေးရမှုများ နှင့် သတ္တုတွင်း ပြသ၁နာများကြောင့်
တရုတ်အစိုးရထံ တိုင်တန်းမှုများရှိနေခဲ့ရာ ပြီးခဲ့သော နှစ်များအတွင်း မွန်ဂိုးလီးယား
ဒေသမှာ မတည်ငြိမ်မူများ ဖြစ်ပေါ်နေခဲ့ကြောင်း သိရသည်။

ဆန္ဒထုတ်ဖော်မှုများလည်း ဖြစ်ပေါ်ခဲ့ရာ ငြိမ်းချမ်းစွာ ဆန္ဒပြခဲ့ခြင်းဖြစ်ကြောင်း၊
တရုတ်အစိုးရမှာ နှစ်စဉ်နှစ်တိုင်း တရားမ၀င် လယ်ယာများသိမ်းမှု၊ လူဦးရေ
ပြသ၁နာများ နှင့် အကျင့်ပျက် လာဘ်စားမှုများကြောင့် ဆန္ဒထုတ်ဖော်မှု
ထောင်ပေါင်းများစွာ နှင့် ရင်ဆိုင်မှုများ ရှိနေခဲ့ရသည်။ ပြီးခဲ့သော တနင်္ဂနွေနေ့က
မွန်ဂိုးလီယားဒေသရှိ တရုတ် လုံခြုံရေးဂိတ် တိုက်ခိုက်ခံရသော အဖြစ်အပျက်မှာ
တည်ငြိမ်မူများ ရရှိရန်လုပ်ဆောင်နေသော တရုတ်ကွန်မြူနစ် ပါတီအစိုးရ၏
ကြိုးပမ်းမှုများ ဆုတ်ယုတ်နေခြင်းကို ပြသလိုက်ခြင်းဖြစ်သလို မွန်ဂိုးလီးယားဒေသ
တည်ငြိမ်မှုရှိရန် လိုအပ်လျက်ရှိနေသည့် အချက်ကို ပြသလိုက်ခြင်း ဖြစ်ကြောင်း
သိရသည်။

သတင်း -ဇော်မင်းဦး
The Ladies News Journal

 

Vote: 
No votes yet

Add new comment