တရားမ၀င် သစ်ကုန်သွယ်မှုများက မြန်မာနှင့် တရုတ်နိုင်ငံ၏ ပုံရိပ်ကို ထိခိုက်စေ

တရားမ၀င် သစ်ကုန်သွယ်မှုများသည် မြန်မာနိုင်ငံနှင့် တရုတ်နိုင်ငံတို့၏ ပုံရိပ်ကို ထိခိုက်ကြောင်း ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်းက ပြောကြားလိုက်သည် ။

နေပြည်တော်ရှိ ဂရင်းအမရဟိုတယ်တွင် စက်တင်ဘာလ ၂၄ ရက် ၊ နံနက် ၉ နာရီက မြန်မာနိုင်ငံနှင့် တရုတ်နိုင်ငံ တို့အကြား သစ်ကုန်သွယ်မှုနှင့် ပတ်သက်သော ဆက်စပ် ပတ်သက်သူများ ညှိနှိုင်းဆွေးနွေးသည့် အခမ်းအနား၌ ပြည်ထောင်စုဝန်ကြီးက ပြောကြားခဲ့ခြင်း ဖြစ်သည် ။

“မြန်မာနိုင်ငံရဲ့ နယ်စပ်ဒေသတွေမှာ ဖြစ်ပေါ်နေတဲ့ တရားမ၀င် သစ်ကုန်သွယ်မှုတွေဟာ ကမ္ဘာ့အလယ်မှာ မြန်မာနိုင်ငံနဲ့ တရုတ်ပြည်သူ့သမ္မတနိုင်ငံတို့ရဲ့ ပုံရိပ်ကို ထိခိုက်စေပါတယ်။ တရားမ၀င် သစ်ထုတ်လုပ်မှုကြောင့် သစ်တောများ ပျက်စီး ပြုန်းတီးခြင်းနဲ့အတူ ဇီဝမျိုးစုံမျိုးကွဲများ လျော့နည်း ပျောက်ကွယ်ခြင်းနဲ့ ရာသီဥတု ပြောင်း လဲခြင်း စတဲ့ သဘာဝပတ်ဝန်းကျင်ဆိုင်ရာ ပြဿနာများနဲ့ ဒေသခံပြည်သူများရဲ့ လူမှုစီးပွားရေးဆိုင်ရာ ဆိုးကျိုးများကို သက်ရောက်စေပါတယ်။ ဒါကြောင့် တရားမ၀င် သစ်ထုတ်လုပ်မှု ကွင်းဆင်းလေ့လာခြင်း ဆောင်ရွက်သွားမှာ ဖြစ်ပါတယ်” ဟု ပြည်ထောင်စုဝန်ကြီး ဦးဝင်းထွန်းက ပြောသည် ။

အခမ်းအနားသို့ ပတ်ဝန်းကျင် ထိန်းသိမ်းရေးနှင့် သစ်တောရေးရာ ၀န်ကြီင်္းဌာနမှ ဒုတိယ၀န်ကြီး ဒေါက်တာ ဒေါ်သက်သက်ဇင်နှင့် ဌာနဆိုင်ရာ အကြီးအကဲများ တရုတ်ပြည်သူ့သမ္မတနိုင်ငံ State Forestry Administration (SFA) မှ ဒုတိယညွှန်ကြားရေးမှူးနှင့် အဖွဲ့ဝင်များ ၊ တရုတ်ပြည်သူ့သမ္မတနိုင်ငံဆိုင်ရာ EU EFI နဲ့ အဖွဲ့အစည်း အသီးသီးမှ ကိုယ်စားလှယ်များ တက်ရောက်ခဲ့ကြသည် ။

MMK

The Ladies News Journal

 

Vote: 
No votes yet

Add new comment