ပဲခူးတိုင်းဒေသကြီးအတွင်း မြို့နယ်အချို့တွင် ဒေသဖွံ့ဖြိုးရေး လုပ်ငန်းများ ဆောင်ရွက်ပေးမည်ဆိုသည့်ကုမ္မဏီတစ်ခုအား စစ်ဆေးနေ

ပဲခူးတိုင်းဒေသကြီးအတွင်း မြို့နယ်အချို့တွင် ဒေသဖွံ့ဖြိုးရေး လုပ်ငန်းများ ဆောင်ရွက်ပေးမည်ဆိုသည့် Social Welfare ကုမ္ပဏီ၏ လုပ်ငန်းဆောင်ရွက်မှုများသည် နိုင်ငံတော်၏ သတ်မှတ် ဥပဒေ ဘောင်နှင့် ကိုက်ညီမှု ရှိ မရှိစိစစ်တင်ပြရန်ကို (၂၉.၈.၂၀၁၉)ရက်စွဲပါ စာအမှတ်၊ ၈/၃-၁၂/ဦး ၆(၈၇၇၄)ဖြင့် တိုင်းဒေသကြီးဥပဒေချုပ်ရုံးသို့ လည်းကောင်း၊ (၂၉.၈.၂၀၁၉)ရက်စွဲပါ စာအမှတ်၊ ၈/၃-၁၂/ဦး ၆(၈၈၄၈)ဖြင့် စုံစမ်းစစ်ဆေးနိုင်ရန်အတွက် တိုင်းဒေသကြီး စုံစမ်းစစ်ဆေးရေးဦးစီးဌာနသို့ လည်းကောင်း အကြောင်းကြား ထားပြီးဖြစ်သဖြင့် စစ်ဆေးဆောင်ရွက်ဆဲဖြစ်ကြောင်း ပဲခူး တိုင်းဒေသကြီး စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီး ဦးညွန့်ရွှေက စက်တင်ဘာ ၁၂ ရက်တွင်ပြောကြားလိုက်သည်။
 
ပဲခူးတိုင်းဒေသကြီးလွှတ်တော်အစည်းအဝေးတွင် နတ်တလင်းမြို့နယ်၊ မဲဆန္ဒနယ်အမှတ်(၂) တိုင်းဒေသကြီးလွှတ်တော်ကိုယ်စားလှယ် ဦးကျော်ကျော်နိုင်မှ ပဲခူးတိုင်းဒေသကြီးအတွင်း မြို့နယ်အချို့တွင် ဒေသဖွံ့ဖြိုးရေး လုပ်ငန်းများ ဖြစ်သည့် လမ်းတံတား၊ စာသင်ကျောင်း၊ ဆေးခန်းများ တည်ဆောက်ပေးမည်ဟုဆိုကာ လွှတ်တော် ကိုယ်စားလှယ်များ သက်ဆိုင်သည့်ဌာနဆိုင်ရာများဖိတ်ကြား၍ မြို့နယ်အထွေထွေ အုပ်ချုပ်ရေးဦးစီးဌာနရုံးတွင် အစည်းအဝေး ပြုလုပ်ကာ ပြောင်ပြောင်တင်းတင်းလိမ်လည်နေသော Social Welfare ကုမ္ပဏီနှင့်တောင်သူများအား ငွေချေးပေးမည်ဟုဆိုကာ ငွေကြေး ကောက်ခံနေသည့် အဖွဲ့အစည်းများအား မည်သို့အရေးယူ မည်ကို သိလိုကြောင်း မေးမြန်းမှုအားပြန်လည်ဖြေကြားရာတွင် ယင်းသို့ ထည့်သွင်းပြောဆိုခဲ့ခြင်းဖြစ်သည်။
 
Social Welfare ကုမ္ပဏီမှ (၇.၅.၂၀၁၈)ရက်စွဲပါစာအမှတ်၊ လူမှု/အလင/၅-၁၈(၀၃)ဖြင့် ပဲခူးတိုင်းဒေသကြီးအတွင်း တောင်ငူ၊ ရေတာရှည်၊ အုတ်တွင်း၊ ဖြူး၊ ထန်းတပင်၊ ကျောက်ကြီး၊ ကျောက်တံခါးမြို့နယ်တို့ တွင် ကျေးလက်ဒေသဖွံ့ဖြိုးရေးလုပ်ငန်းများ ဆောင်ရွက်လို၍ စာရင်းကောက်ယူပြုစုခွင့်ပြုပါရန် တင်ပြလာမှုအပေါ် ပဲခူး တိုင်းဒေသကြီးအစိုးရအဖွဲ့မှ (၁၉.၆.၂၀၁၈)ရက်စွဲပါစာအမှတ်၊ ၆/၃-၂/ဦး ၆(၅၅၀၄)ဖြင့် တိုင်းဒေသကြီးကျေးလက်ဒေသဖွံ့ဖြိုးတိုးတက် ရေးဦးစီးဌာနနှင့် ပဲခူးခရိုင်၊ တောင်ငူခရိုင်အထွေထွေအုပ်ချုပ်ရေးဦးစီး ဌာနများသို့ ဆောင်ရွက်မည့်ပုံစံနှင့် လှူဒါန်းမည့် လုပ်ငန်းများစုစည်း၍ ပြန်လည်တင်ပြရန် အကြောင်းကြားထားခဲ့သော်လည်း Social Welfare ကုမ္ပဏီ၏လုပ်ငန်းဆောင်ရွက်မှုများနှင့် ပတ်သက်ပြီး ငွေကြေး ထောက်ပံ့မှု ကိစ္စရပ်များတိကျခိုင်မာမှုမရှိခြင်း၊ အဖွဲ့အတွင်း လူမှုရေးပြဿနာများဖြစ်နေသည်ဟု ကြားသိရခြင်းနှင့် အောက်ခြေတွင် မလိုလားအပ်သောပြဿနာများ ဖြစ်ပေါ်လာနိုင်သဖြင့် အဆိုပါ အဖွဲ့အစည်း၏ လုပ်ငန်းဆောင်ရွက်မှုများရပ်ဆိုင်းထားရန်နှင့် ဆောင်ရွက်မည့်လုပ်ငန်းများနှင့် ပတ်သက်ပြီးအသေးစိတ် အစီအမံရေးဆွဲ၍ တိုင်းဒေသကြီးအစိုးရအဖွဲ့၏ ခွင့်ပြုချက်ရရှိမှသာ ဆောင်ရွက်သွားရန် (၃၁.၁၀.၂၀၁၈) ရက်စွဲပါစာအမှတ်၊ ၈/၃-၅/ဦး ၆(၁၀၁၅၅)ဖြင့် တိုင်းဒေသကြီးပညာရေးမှူးရုံး၊ တိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန၊ တိုင်းဒေသကြီး ကျေးလက် ဒေသဖွံ့ဖြိုးရေးဦးစီးဌာန၊ တောင်ငူခရိုင်၊ သာယာဝတီခရိုင် အထွေထွေ အုပ်ချုပ်ရေးဦးစီးဌာနများသို့ အကြောင်းကြားထားပြီးသည်ဟုလည်း ဝန်ကြီး ဦးညွန့်ရွှေက ပြန်လည်ဖြေကြားခဲ့သည်။
 
The Ladies News
 

 

Vote: 
No votes yet

Add new comment