ခုံးကျော်တံတားများ ကြံ့ခိုင်မှုရှိမရှိပြန်လည်စစ်ဆေးရန် ကျွမ်းကျင် ပညာရှင်များပါဝင်သော တံတားများကြံ့ခိုင်မှု စစ်ဆေးရေးကော်မတီအား ဖွဲ့စည်းပြီးဆောင်ရွက် ပေးသွားမည်

ရန်ကုန်တိုင်းဒေသကြီးအတွင်းရှိ မော်တော်ယာဉ်များ ဖြတ်သန်း သွားလာနေသည့် ခုံးကျော်တံတားများအား ကြံ့ခိုင်မှုရှိမရှိပြန်လည် စစ်ဆေးရန် ကျွမ်းကျင်ပညာရှင်များပါဝင်သော တံတားများကြံ့ခိုင်မှု စစ်ဆေးရေးကော်မတီအား ဖွဲ့စည်းပြီးဆောင်ရွက် ပေးသွား မည်ဖြစ်ကြောင်း စည်ပင်သာယာရေးဝန်ကြီး ဦးမောင်မောင်စိုးက စက်တင်ဘာ ၂၇ ရက်တွင်ပြောကြားခဲ့သည်။
 
ဒုတိယအကြိမ် ရန်ကုန်တိုင်းဒေသကြီးလွှတ်တော် သတ္တမပုံမှန် အစည်းအဝေး (၁၁) ရက်မြောက်နေ့တွင် အလုံမြို့နယ် မဲဆန္ဒနယ် အမှတ်(၁) ရန်ကုန်တိုင်းဒေသကြီးလွှတ်တော်ကိုယ်စားလှယ် ဒေါ်ယဉ်ယဉ်မြင့်က “ ရန်ကုန်တိုင်းဒေသကြီးအတွင်းရှိ မော်တော် ယာဉ်များ ဖြတ်သန်းသွားလာနေသည့် ခုံးကျော်တံတားများအား အချိန်ကာလတစ်ခုသတ်မှတ်ပြီး ကြံ့ခိုင်မှု ရှိ/မရှိ၊ ပြန်လည်စိစစ်ပေးရန် အစီအစဉ်ရှိ/မရှိ ” မေးမြန်းမှုအား ပြန်လည်ဖြေကြားရာတွင် ထည့်သွင်းပြောဆိုခဲ့ခြင်းဖြစ်သည်။
 
ရန်ကုန်တိုင်းဒေသကြီး အတွင်း ဆောက်လုပ်ရေးဝန်ကြီးဌာနမှ တာဝန်ယူထိန်းသိမ်းလျက်ရှိသော (၁၈၀)ပေနှင့်အထက် မော်တော်ယာဉ်ဖြတ် ခုံးကျော်တံတား (၃၆)စင်း၊ မီးရထားလမ်းကူး ခုံးကျော်တံတား (၁)စင်းနှင့် မြန်မာ့မီးရထားမှ တာဝန်ယူထိန်းသိမ်း လျှက်ရှိသော မော်တော်ယာဉ်ဖြတ်ခုံးကျော်တံတား (၂၆)စင်း ရန်ကုန်မြို့တော်စည်ပင်သာယာရေးကော်မတီမှ တာဝန်ယူ ထိန်းသိမ်းလျက်ရှိသော မော်တော်ယာဉ်ဖြတ်ခုံးကျော်တံတားများ (၇)စင်း၊ စုစုပေါင်း (၇၀)စင်းရှိသည်။
 
၊ မြန်မာနိုင်ငံတွင် တံတားများတည်ဆောက်ရာ၌ AASHTO (American Association Of State Highway Officials)၏ စံချိန်စံညွှန်း သတ်မှတ်ချက်ကို အများဆုံးအသုံးပြု၍ တွက်ချက်ကြောင်း၊ တံတားတစ်စင်းနှင့် တစ်စင်းတွက်ချက်သည့် Design Loading ကွာခြားချက်ပေါ်မူတည်၍ အသုံးပြုနိုင်သောကာလများ မတူညီနိုင်ကြောင်း၊ ယေဘုယျအားဖြင့် တံတားများ၏ ခံနိုင်ဝန်အားကို (၆၀)တန်မှ (၇၅)တန်ထိ တွက်ချက်တည်ဆောက်ထားပြီး သက်တမ်းအားဖြင့် နှစ်(၅၀) သတ်မှတ်လေ့ရှိသည်။
 
သို့ရာတွင် တံတားအားသက်တမ်းပြည့် အသုံးပြုနိုင်ရန်အတွက် ခွင့်ပြုတန်ချိန်ထက် ကျော်လွန်၍ အသုံးပြုခြင်းမပြုလုပ်ရန် အဓိက လိုအပ်ကြောင်း၊ တံတားများအား သက်တမ်းစေ့အသုံးပြုနိုင်ရန်အတွက် တံတားကြံ့ခိုင်မှုအား ကျွမ်းကျင်ပညာရှင်များဖြင့် ပုံမှန်စစ်ဆေးခြင်း များအား ပြုလုပ်ရမည်ဖြစ်ပြီး တစ်နှစ်လျှင်တစ်ကြိမ် အနည်းဆုံး စစ်ဆေးဆောင်ရွက်ရန် လိုအပ်သည်။
 
တံတားကြံ့ခိုင်မှုအား စစ်ဆေးရန်အတွက် ရန်ကုန်တိုင်းဒေသကြီး အစိုးရအဖွဲ့၏ ကြီးကြပ်ကွပ်ကဲမှုဖြင့် မြန်မာနိုင်ငံ အင်ဂျင်နီယာကောင်စီ၊ မြန်မာနိုင်ငံအင်ဂျင်နီယာအသင်း၊ ဆောက်လုပ်ရေး ဝန်ကြီးဌာန (တံတားဦးစီးဌာန)၊ ပို့ဆောင်ရေးနှင့် ဆက်သွယ်ရေးဝန်ကြီးဌာန (မြန်မာ့မီးရထား)၊ ရန်ကုန်မြို့တော် စည်ပင်သာယာရေးကော်မတီနှင့် ရန်ကုန်နည်းပညာ တတ္ကသိုလ်တို့မှ ကျွမ်းကျင်ပညာရှင်များပါဝင်သော တံတားများကြံ့ခိုင်မှု စစ်ဆေးရေးကော်မတီအား ဖွဲ့စည်းပြီးဆောင်ရွက် ပေးသွားမည် ဖြစ်ကြောင်း စည်ပင်သာယာရေးဝန်ကြီး ဦးမောင်မောင်စိုးက ပြန်လည်ဖြေကြားခဲ့သည်။
 
The Ladies News

 

Vote: 
No votes yet

Add new comment