လမ်း၊ တံတားများကို အဆင့်မြှင့်တင် ဆောင်ရွက်လျက်ရှိ၊ ၂၀၂၁ ခုနှစ်တွင် စီမံကိန်းလုပ်ငန်းများအား အပြီး ဆောင်ရွက်သွားမည်

ကျေးလက်လမ်းဖွံ့ဖြိုးရေးဦးစီးဌာနမှ ဆောင်ရွက်လျက်ရှိသည့် ရေကြီးရေလျှံနှင့် မြေပြိုမှုများအတွက် အရေးပေါ် ပြန်လည်ထူထောင်ရေး စီမံကိန်းကို တိုင်းဒေသကြီးနှင့် ပြည်နယ်များမှ လမ်း၊ တံတားများကို အဆင့်မြှင့်တင် ဆောင်ရွက်လျက်ရှိပြီး ၂၀၂၁ ခုနှစ်တွင် စီမံကိန်းလုပ်ငန်းများအား အပြီး ဆောင်ရွက်သွားမည် ဖြစ်ကြောင်း ဆောက်လုပ်ရေးဝန်ကြီးဌာနမှ ပြည်ထောင်စု ဝန်ကြီးဦးဟန်ဇော်က ဇွန်လ ၇ ရက်တွင် ပြောသည်။
 
ပြည်ထောင်စုလွှတ်တော် အစည်းအဝေးတွင် ပြည်ပချေးငွေများနှင့်စပ်လျဉ်း၍ လွှတ်တော် ကိုယ်စားလှယ်များ၏ ဆွေးနွေး ချက်များအပေါ် ပြည်ထောင်စုအဆင့် အဖွဲ့အစည်းဝင်များက ပြန်လည်ရှင်းလင်းရာတွင် ယင်းသို့ထည့်သွင်း ပြောဆိုခဲ့ခြင်းဖြစ်သည်။
 
လမ်းဦးစီးဌာနမှ ချေးငွေရယူဆောင်ရွက်ခဲ့သော လုပ်ငန်းများအတွက် အတိုင်ပင်ခံအဖွဲ့နှင့် ကန်ထရိုက်တာများ ရွေးချယ်ပြီးပါက သက်ဆိုင်ရာဝန်ကြီးဌာနနှင့် တင်ဒါအောင်မြင်သော အဖွဲ့တို့ ချေးငွေပေးမည့် အဖွဲ့ အစည်းများ၏ စည်းမျဉ်းစည်းကမ်း အတိုင်း စာချုပ်ချုပ်ဆိုခြင်း၊ Project Management Unit (PMU) အဖွဲ့များကို ချေးငွေပေးသူ အဖွဲ့အစည်းများ၏ စည်းမျဉ်းစည်းကမ်းများအတိုင်း ဖွဲ့စည်းပြီး ကန်ထရိုက်တာများကို စောင့်ကြည့်ကြပ်မတ် ဆောင်ရွက်ခြင်းတို့ဖြင့် သတ်မှတ်အရည်အသွေးနှင့် ကိုက်ညီသော လုပ်ငန်းဖြစ်စေရန် ဆောင်ရွက်လျက်ရှိသည်။
 
JICA ODA Loan ဖြင့် ဆောင်ရွက်သော ဆင်းရဲမှုလျှော့ချရေးဆိုင်ရာ ဒေသတွင်းဖွံ့ဖြိုးတိုးတက်မှု စီမံကိန်းအဆင့် ၁ စီမံကိန်း သည် ပြီးစီးပြီးဖြစ်သော်လည်း တင်ဒါလျော့နည်းငွေများကြောင့် ရရှိလာသည့် ပိုလျှံငွေများအား မူလစီမံကိန်းတွင် မပါဝင်သည့် ထပ်တိုးလုပ်ငန်းများကို JICA ၏ အတည်ပြုချက်ဖြင့် ဆောင်ရွက်နေသောကြောင့် စီမံကိန်းကာလ တိုးမြှင့်ဆောင်ရွက်ရခြင်း ဖြစ်ပါကြောင်း၊ ADB ချေးငွေဖြင့် ကရင်ပြည်နယ်တွင် ဆောင်ရွက်လျက် ရှိသည့် အိန္ဒု-ကော့ကရိတ်လမ်း အဆင့်မြှင့်တင်ခြင်း စီမံကိန်းမှာ ၁၉ ရာခိုင်နှုန်း ပြီးစီးနေပြီ ဖြစ်သည်။
 
တံတားဦးစီးဌာနမှ နိုင်ငံတကာချေးငွေဖြင့် ဆောင်ရွက်လျက်ရှိသော စီမံကိန်း ၃ ခုဖြစ်သည့် အရှေ့-အနောက် စီးပွားရေးစင်္ကြန်လမ်းမကြီး ပေါ်ရှိ တံတား ၃ စင်း အဆင့်မြှင့် တည်ဆောက်ခြင်း၊ ကိုရီးယား-မြန်မာချစ်ကြည်ရေး (ဒလ)တံတား တည်ဆောက်ခြင်းနှင့် ပဲခူးမြစ်ကူးတံတား (သန်လျင် တံတား အမှတ်-၃) တည်ဆောက်ခြင်း တို့အတွက် တည်ဆောက်ရေး လုပ်ငန်းများ စတင်နိုင်ရန် ကန်ထရိုက်တာ ရွေးချယ်ခြင်း ဆောင်ရွက်ဆဲဖြစ်ကြောင်း ပြည်ထောင်စုဝန်ကြီး ဦးဟန်ဇော်က ရှင်းလင်းပြောကြားခဲ့သည်။
 
Photo - ministry of construcion
The Ladies News

 

Vote: 
No votes yet

Add new comment