ပေါင်မြို့နယ်အတွင်းရှိ ကျေးရွာများအနီး မြေများကို နီးစပ်ရာ အခြားသော ပြင်ပပုဂ္ဂိုလ်အဖွဲ့အစည်းများကို လုပ်ပိုင်ခွင့်ပြုခဲ့ခြင်း မရှိဟုဆို

ပေါင်မြို့နယ်အတွင်းရှိ ကျေးရွာများအနီး မြေများသည် မြေနုကျွန်းမြေ များနှင့် မြေနုကျွန်းတွင် တည်မြဲလာသည့် မြေရင့်များဖြစ်ပြီး အဆိုပါမြေ များ လုပ်ပိုင်ခွင့်ချထားခြင်းနှင့် စပ်လျဉ်းပြီး ၂၀၁၂ ခုနှစ်၊ လယ်ယာမြေ ဥပဒေ၊ နည်းဥပဒေပါ ပြဋ္ဌာန်းချက်များနှင့် အညီ လယ်ယာမြေ စီမံခန့်ခွဲမှု အဖွဲ့ အဆင့်ဆင့်ဖြင့် ဆောင်ရွက်ခဲ့မှုဖြစ်ပြီး နီးစပ်ရာ အခြားသော ပြင်ပ ပုဂ္ဂိုလ် အဖွဲ့အစည်းများကို လုပ်ပိုင်ခွင့်ပြုခဲ့ခြင်း မရှိကြောင်း၊ စိုက်ပျိုးရေး၊ မွေးမြူရေးနှင့် ဆည်မြောင်း ဒု-ဝန်ကြီး ဦးလှကျော်က ဖေဖော်ဝါရီ ၈ ရက်တွင် ပြောကြားခဲ့သည်။
 
ပြည်သူ့လွှတ်တော် အစည်းအဝေးတွင် ပေါင်မဲဆန္ဒနယ်မှ ဒေါ်မိကွန်ချမ်း က ပေါင်မြို့နယ်အတွင်းရှိ ကျေးရွာများ အနီးတွင် ပေါ်ထွန်းနေသော မြေနုကျွန်း (သောင်နုမြေ) များအား လယ်မဲ့ယာမဲ့ တောင်သူများကို ၂၀၁၂ ခုနှစ်၊ လယ်ယာမြေ ဥပဒေနှင့်အညီ ဦးစားပေးခွဲဝေပေးခြင်း မရှိဘဲ နီးစပ်ရာ အခြားသော ပြင်ပပုဂ္ဂိုလ် အဖွဲ့အစည်းများကို လုပ်ပိုင်ခွင့်ပြု ခဲ့သည့် မြို့နယ်လယ်/စီအဖွဲ့အပေါ် မည်သို့ အရေးယူ ဆောင်ရွက်ပေး မည်ကို သိလိုခြင်း နှင့် စပ်လျဉ်း၍ မေးမြန်းခဲ့မှုကို ပြန်လည်ဖြေကြားပေး ခဲ့ခြင်း ဖြစ်သည်။
 
သဲကုန်းကျေးရွာအုပ်စုရှိ ၅၅၈ ဧကအနက် ၂၄၅ ဧကကို ၎င်းကျေးရွာအုပ်စု မှ တင်ပြလာသည့် ဒေသခံလယ်ယာမဲ့ တောင်သူလယ်သမား စုစုပေါင်း ၇၉ ဦးကို ခွဲဝေချထားပေးပြီး ဖြစ်သည်။ ကျန်သည့် ဒေသခံတောင်သူ ၂၅ ဦးအတွက် ဧက ၁၁၃ ဧကချထားပေးရန် စိစစ်ဆောင်ရွက် ဆဲဖြစ်ပြီး၊ ကျန်ဧက ၂၀၀ ကို မွန်ငြိမ်းချမ်းကာကွယ်ရေးတပ်မှ ဦးနိုင်သန်းနွဲ့ပါ ၄၀ ဦးက လျှောက်ထားလာမှုအပေါ် လယ်ယာမြေ စီမံခန့်ခွဲမှုအဖွဲ့ အဆင့်ဆင့်၏ စိစစ်တင်ပြလာမှု အပေါ် ပြည်နယ် လယ်ယာမြေ စီမံခန့်ခွဲရေး အဖွဲ့၏ အစည်းအဝေး ဆုံးဖြတ်ချက်အရ လုပ်ပိုင်ခွင့် ချထားပေးခြင်းအား ဆိုင်းငံ့ထားသည်။
 
ဥက္ကံကျေးရွာအုပ်စုရှိ ဧက ၁၂၀ ကို ကျေးရွာအုပ်စု လယ်ယာမြေစီမံခန့်ခွဲမှုအဖွဲ့မှ တင်ပြခဲ့သည့် ဒေသခံ လယ်ယာမဲ့ တန်းစီဇယား အရ ခွဲဝေချထားပေးနိုင်ရန် လယ်ယာမြေ နည်းဥပဒေပါ ပြဋ္ဌာန်းချက်နှင့်အညီ ခွင့်ပြုချထားပေးရန် စိစစ် ဆောင်ရွက်လျက် ရှိသည်။
 
သပြေကုန်းကျေးရွာအုပ်စုရှိ ဧက ၂၃၀ ကို တန်းစီဇယားအရ စုစုပေါင်းဒေသခံ တောင်သူ ၃၇ ဦး အား စိစစ် ချထားပေးခဲ့ပြီး ဖြစ်သည်။ မုတ္တမကျေးရွာအုပ်စုတွင် စုစုပေါင်း ၄၃၅ ဧက ရှိသည့်အနက် လွန်ခဲ့သည့် ၁၀ နှစ်ကျော် ကတည်းက ပေါ်ထွန်းခဲ့သည့် ကျွန်းမြေရင့် ၂၉၈ ဧကကို စိုက်ပျိုးမြေအဖြစ် လုပ်ကိုင်မှု တည်မြဲနေသည့်အတွက် အဆိုပါ ၂၉၈ ဧကအတွက် တောင်သူ ၄၁ ဦးကို လယ်ယာမြေ လုပ်ပိုင် ခွင့်ပြုလက်မှတ်ပုံစံ (၇) ထုတ်ပေးခဲ့ပြီး ဖြစ်သည်။ ကျန်ရှိသည့် ၁၃၇ ဧကကို ကျေးရွာအုပ်စု လယ်ယာမြေ စီမံခန့်ခွဲရေးအဖွဲ့မှ တင်ပြသည့် ဒေသခံ လယ်ယာမဲ့ တန်းစီဇယားများအရ ခွဲဝေချထား ပေးနိုင်ရန် လယ်ယာမြေ နည်းဥပဒေပါ ပြဋ္ဌာန်းချက်များနှင့်အညီ စိစစ် ဆောင်ရွက်လျက် ရှိသည်။
 
ထန်းပင်ချောင်ကြီးကျေးရွာ အုပ်စုရှိ ဧက ၁၄၀၀ ကို ထန်းပင်ချောင်ကြီး ကျေးရွာတွင် ဒေသခံလယ်ယာမဲ့ တန်းစီ စာရင်း ၂၈၁ ဦးနှင့် တပ်မှူးချောင်ကျေးရွာမှ ဒေသခံ လယ်ယာမဲ့တန်းစီ စာရင်း ၈၀ ဦး တို့ကို လုပ်ပိုင် ခွင့်ပြုပေးနိုင်ရေး စိစစ်ဆောင်ရွက်ဆဲ ဖြစ်ပြီး၊ အဆိုပါ စိစစ်ဆောင်ရွက်ဆဲ ကိစ္စရပ်များအပေါ် အချိန်မီစိုက်ပျိုး လုပ်ကိုင်နိုင်ရေး ပြည်နယ်လယ်ယာ မြေစီမံခန့်ခွဲမှုအဖွဲ့သို့ မိမိတို့ ဝန်ကြီးဌာန ဗဟိုလယ်ယာ မြေစီမံခန့်ခွဲမှုအဖွဲ့မှ ညှိနှိုင်းဆောင်ရွက် ပေးသွားမည်ဖြစ်ကြောင်း ဒုတိယ၀န်ကြီးက ဆက်လက်ပြောကြားခဲ့သည်။
 
The Ladies News
 

 

Vote: 
No votes yet

Add new comment