မိမိအစီအစဉ်ဖြင့်ခရီးသွားမည့်သူများ အွန်လိုင်းမှတစ်ဆင့် ခရီးသွား အာမခံဝယ်ယူနိုင်

မိမိအစီအစဉ်ဖြင့် ခရီးသွားမည့်သူများအနေဖြင့် အွန်လိုင်းမှတစ်ဆင့် ခရီးသွားအာမခံကို ၀ယ်ယူနိုင်ရန်မည်ဖြစ်ကြောင်း GGI အာမခံကုမ္ပဏီထံ က သိရသည်။
 
''နိုင်ငံတကာမှာလည်း ရှိပါတယ်၊ အချို့တိုင်းပြည်တွေဆိုရင် ခရီးသွား အာမခံဝယ်မထားရင် နိုင်ငံထဲ ပေးမဝင်တာတောင် ရှိပါတယ်၊ မတော်တဆဖြစ်မှု ဆိုတာ ကြိုတင်မသိမြင်နိုင်တာကြောင့် ကိုယ်ပိုင် ခရီးသွားသူတွေ အတွက် စိတ်ချ ရအောင် ခရီးသွားအာမခံ ထားသင့် တယ်၊ ကျွန်တော်တို့ ဆီမှာလည်း ခရီးသွားရင်း မတော်တဆ ဖြစ်မှုတွေ ဖြစ်ပွားတဲ့အခါ ဆုံးရှုံးနစ်နာမှုတွေ ကာမိအောင် အခုနောက်ပိုင်းမှာ ခရီးသွား အာမခံကို ထားလာကြတယ်'' ဟု ဂျီဂျီအိုင် အာမခံမှ တာဝန်ရှိသူ တစ်ဦးက ပြောသည်။
 
ပြည်တွင်းဘုရားဖူးနှင့် ခရီးသွား ဝန်ဆောင်မှုအသင်းမှ မြန်မာ့အာမခံ လုပ်ငန်းနှင့် သဘောတူညီမှုများ ရယူထားပြီး ယခုအခါ တစ်နှစ်လျှင် ခရီးသွား အာမခံထားရှိသူဦးရေမှာ ရှစ်သိန်းကျော် အထိရှိလာကြောင်း ပည်တွင်းဘုရားဖူး နှင့် ဝန်ဆောင်မှုအသင်းမှ ဒုတိယဥက္ကဋ္ဌ ဦးမျိုးကြီးက ပြောသည်။ ခရီးသွား အာမခံကို တစ်ယူနစ်မှဆယ်ယူနစ်အထိ ဝယ်ယူနိုင်ပြီး မတော်တဆ ထိခိုက်ဆုံးရှုံး မှုဖြစ်ပွားပါက ငွေကျပ်ငါးသိန်းအထိ ပေးလျော်ကြောင်း သိရသည်။
 
''လိုင်းကားတွေ၊ အဝေးပြေးကား တွေမှာတော့ ခရီးသွားအာမခံပါပြီးသား လေ၊ ဒါပေမယ့် ကိုယ်ပိုင်ကားနဲ့ ခရီး သွားကြမယ်ဆိုရင်တော့ ခရီးသွားအာမခံ လုပ်ထားဖို့လိုအပ်ပါတယ်၊ ကျွန်တော် တို့ဆီမှာ အွန်လိုင်းက ရောင်းချပေးနေပြီး ဂျီဂျီအိုင်အာမခံနဲ့ ဘီအန်အက်ဖ် အိပ်စ် ပရက်စ်တို့ ပူးပေါင်းပြီး ပိတ်ရက်မှာ ခရီးသွားကြမယ့်သူတွေကို ရောင်းချ ပေးနေပါတယ်''ဟု ဘီအန်အက်ဖ်မှ အရောင်းတာဝန်ခံက ရှင်းပြသည်။
 
ခရီးသွားအာမခံထားခြင်းဖြင့် ခရီး စဉ်အစမှ အဆုံးအထိ အာမခံလက်မှတ် ဝယ်ယူထားသည့် ခရီးသည်များသည် စီးနင်းလိုက်ပါလာသည့် ယာဉ်ကြောင့် ဖြစ်စေ၊ အာမခံထားသူ၏ မတော်တဆ ဖြစ်ရပ်များကြောင့်ဖြစ်စေ၊ အသက် ဆုံးရှုံးခြင်း၊ ထာဝစဉ်မသန်စွမ်းဖြစ်ခြင်း၊ ထိခိုက်ဒဏ်ရာ ရရှိခြင်းများအတွက် အသက်ဆုံးရှုံးပါက အာမခံထားငွေကို အကျိုးခံစားခွင့်ရှိသူထံ လွှဲပြောင်းပေး သူကို ငွေကြေးထုတ်ပေးခြင်း၊ ထာဝစဉ် မသန်စွမ်းဖြစ်လျှင် ထာဝစဉ်မသန်စွမ်း ဖြစ်မှု ရာခိုင်နှုန်းအချိုးအတိုင်း ဝယ်ယူ သည့်ယူနစ်အလိုက် ပေးလျော်မည်ဖြစ်ပြီး ၁ဝဝ ရာခိုင်နှုန်း ထာဝစဉ်မသန်စွမ်း ဖြစ်ပါက လျော်ကြေးကို အာမခံထားငွေ အပြည့်အဝ ပြန်လည်ရရှိမည်ဖြစ်ကြောင်း ပြန်ကြားရေးဝန်ကြီးဌာန၏ သတင်းဖော်ပြချက်အရ သိရသည်။
 
The Ladies News
 

 

Vote: 
No votes yet

Add new comment