ကျောက်တံတားမြို့နယ်အတွင်းရှိ ပြုပြင်ရန်လိုအပ်သော အဆောက် အအုံများ စည်ပင်သာယာရေးကော်မတီမှ ညှိနှိုင်းဆောင်ရွက်မည်ဟု ဆို

ကျောက်တံတားမြို့နယ်အတွင်းရှိ ပြုပြင်ရန်လိုအပ်သော အဆောက် အအုံများ၊ အသုံးမပြုဘဲ ပိတ်ထားသော အဆာက်အအုံများအား ပြုပြင်ရန် လိုအပ်နေကြောင်းကို အဆောက်အဦပိုင်ရှင်များထံ ပြုပြင်ဆောင်ရွက်ရန် အတွက် ရန်ကုန်မြို့တော် စည်ပင်သာယာရေးကော်မတီိမှ ညှိနှိုင်း ဆောင်ရွက်ပေးသွားမည်ဖြစ်ကြောင်း ရန်ကုန်တိုင်းဒေသကြီး စည်ပင်သာယာရေးဝန်ကြီး ဦးမောင်မောင်စိုးက ဖေဖော်ဝါရီ ၂ ရက်တွင် ပြောသည်။
 
ရန်ကုန်တိုင်းဒေသကြီး လွှတ်တော်အစည်းအဝေးတွင် ကျောက်တံတား မြို့နယ် မဲဆန္ဒနယ်အမှတ်(၁) လွှတ်တော်ကိုယ်စားလှယ် ဒေါ်ကြည်ပြာမှ ကျောက်တံတား မြို့နယ်အတွင်းရှိ အသုံးမပြုဘဲ ပိတ်ထားသော တိုက်အိုတိုက်ဟောင်းများအား သက်ဆိုင်ရာ ဌာနဆိုင်ရာများနှင့် ချိတ်ဆက်၍ သော်လည်းကောင်း၊ သက်ဆိုင်ရာ အဖွဲ့အစည်းများနှင့် ချိတ်ဆက်၍ သော်လည်းကောင်း ပြုပြင်ထိန်းသိမ်းခြင်းကို မြို့တော်အင်္ဂါရပ်နှင့်အညီ စီမံဆောင်ရွက်ပေးရန် ရှိ၊မရှိ မေးမြန်းရာ ယင်းသို့ ပြန်လည်ဖြေကြားပေးခဲ့ခြင်း ဖြစ်သည်။
 
“ရန်ကုန်မြို့တော် စည်ပင်သာယာရေး နယ်နိမိတ်အတွင်းမှာ အဆောက်အအုံ ပြုပြင်ထိန်းသိမ်းတဲ့ လုပ်ငန်းတွေမှာ သက်ဆိုင်ရာမြေရှင်နဲ့ သက်ဆိုင်ရာဌာန၊ အဖွဲ့အစည်း တို့နဲ့သာ သက်ဆိုင်ပြီးတော့ ရန်ကုန်မြို့တော် စည်ပင်သာယာရေး ကော်မတီအနေနဲ့ဥပဒေ၊ နည်းဥပဒေ၊ လုပ်ထုံးလုပ်နည်းများနဲ့အညီ ဆောက်လုပ်ခွင့်ပြုဖို့ ဆောင်ရွက်နေပါတယ်။ လိုအပ်ရင် ပြင်ဆင်ဖို့လည်း မြို့ပြရဲ့အင်္ဂါ၊ အိမ်ရဲ့မျက်နှာစာ သန့််ရှင်းလှပဖို့အတွက် တချို့ မလွဲမသွေကိစ္စရပ်တွေမှာ နိုင်ငံတော် ဘက်ဂျက်ကနေ မျက်နှာစာအလှကို ကျွန်တော်တို့ဘက်က လုပ်ပေးရတာတွေလည်း ရှိပါတယ်။ အဓိကကုန်သည်လမ်း၊ လမ်း ၄၀ နဲ့ ဗိုလ်အောင်ကျော်လမ်းက အဆောက်အအုံ၊ ဂန္ဒီဟောကို ရှေးဟောင်း အဆောက်အအုံ BLUE တပ်ဖို့ တိုင်းဒေသကြီးအစိုးရ အဖွဲ့ကို တင်ပြထားပါတယ်။ ၃၂ လမ်းနဲ့ ၃၈ လမ်းထောင့်မှာရှိတဲ့ သုံးထပ်အဆောက်အအုံ တစ်လုံးက နယ်စပ်ရေးရာ စည်ပင်သာယာရေးဘဏ်ကိုလည်း အကြောင်းကြားထား ပါတယ်။ ကျောက်တံတားမြို့နယ် အတွင်းမှာ အသုံးမပြုဘဲ ပိတ်ထားသည့် အဆောက်အဦ တွေကို ပြုပြင်ရန် လိုအပ်နေတဲ့အကြောင်းကို အဆောက်အဦပိုင်ရှင်များကို ပြုပြင်ဆောင်ရွက်ရန်အတွက် ရန်ကုန်မြို့တော် စည်ပင်သာယာရေး ကော်မတီကနေ ညှိနှိုင်းဆောင်ရွက်ပေးသွားမှာ ဖြစ်ပါတယ်” ဟု ဦးမောင်မောင်စိုးက ပြောကြားခဲ့သည်။
 
ကျောက်တံတားမြို့နယ်တွင် အသုံးမပြုဘဲ ပိတ်ထားသောအဆောက်အဦ (၄)လုံး၊ ပြုပြင်ရန်လိုအပ်နေသော အဆောက်အဦ(၃) လုံးရှိကြာင်းလည်း စည်ပင်သာယာရေးဝန်ကြီး ဦးမောင်မောင်စိုးက ပြောကြားခဲ့သည်။
 
The Ladies News
 

 

Vote: 
No votes yet

Add new comment