ယခုနှစ် တက္ကသိုလ်ဝင်စာမေးပွဲတွင် မသမာနည်းဖြင့် ဖြေဆိုသူများကို ထုတ်ပယ်သည်အထိ အရေးယူမည်

ရခိုင်ပြည်နယ်၌ ၂ဝ၁၈ ခုနှစ် တက္ကသိုလ်ဝင်စာမေးပွဲတွင် ဝင်ရောက် ဖြေဆိုသူများကို မသမာသည့်နည်းဖြင့် ဖြေဆိုပါက စာဖြေဆိုခန်းအတွင်းမှ ထုတ်ပယ်သည်အထိ အရေးယူသွားမည်ဖြစ်ကြောင်း သိရသည်။
 
ယင်းသို့ မသမာသောနည်းလမ်းဖြင့် ဖြေဆိုပါက စာမေးပွဲဖြေဆိုသည့် အခန်းအတွင်းမှ ထုတ်ပယ်ရန်အတွက်ကို သက်ဆိုင်ရာ အခြေခံပညာ ကျောင်းများသို့ တရားဝင် စာပေးပို့သွားမည် ဖြစ်ကြောင်း ရခိုင်ပြည်နယ် ပညာရေးမှူးရုံးထံက သိရသည်။
 
ရခိုင်ပြည်နယ်အတွင်း၌ ယခုနှစ် တက္ကသိုလ်ဝင် စာမေးပွဲဝင်ရောက် ဖြေဆိုကြမည့် ကျောင်းသား/သူ အရေအတွက်မှာ ယခင်နှစ်ထက် နှစ်ထောင်ကျော်ခန့် တိုးလာခဲ့ပြီး ၂၀၁၇ ခုနှစ်၊ တက္ကသိုလ်ဝင်တန်း စာမေးပွဲအတွင်း မသမာနည်းဖြင့် ဖြေဆိုသူများကို စာဖြေခန်းမှ ထုတ်ပယ်မှုအထိ အရေးယူမှု မရှိခဲ့သော်လည်း ယခုအခါ ယင်းသို့ မသမာသည့် နည်းဖြင့် ဖြေဆိုသည့် ကျောင်းသား၊ ကျောင်းသူများကို ထုတ်ပယ်သည်အထိ ဆောင်ရွက်သွားမည် ဖြစ်ကြောင်း သိရသည်။
 
တက္ကသိုလ်ဝင်တန်း ဖြေဆိုကြမည့် ကျောင်းသား၊ ကျောင်းသူများအနေဖြင့် မသမာသည့်နည်းလမ်းကို အသုံးမပြုခြင်းဖြင့် မိမိတို့၏ ပုံရိပ်၊ လူမျိုးတစ်မျိုး၏ပုံရိပ်ကို ထိန်းသိမ်းကြဖို့ လိုကြောင်းဖြင့် ရခိုင်ပြည်နယ် ပညာရေးမှူးက ပြောသည်။
 
Photo - ရခိုင်ပြည်နယ် ပညာရေးမှူးရုံး FB
The Ladies News
 

 

Vote: 
No votes yet

Add new comment