ပညာရေးအတွက် ကုန်ကျစရိတ်များကို အတင်းဖြတ်တောက် ခြိုးခြံချွေတာနေမည်ဆိုပါက မြန်မာနိုင်ငံသည် ဖွံ့ဖြိုးတိုးတက်မှု နောက်ကျခဲ့မည်ဟုဆို

ရန်ကုန်တိုင်းဒေသကြီးတွင် ပညာရေးရင်းနှီးမြှုပ်နှံမှုများစွာ ပြုလုပ်ရမည်ဖြစ်ပြီး ပညာရေးအတွက် ကုန်ကျစရိတ်များကို အတင်းဖြတ်တောက် ခြိုးခြံချွေတာနေမည်ဆိုပါက မြန်မာနိုင်ငံသည် ဖွံ့ဖြိုးတိုးတက်မှု နောက်ကျခဲ့မည်ဖြစ်ကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောသည်။
 
အလုံမြို့နယ် အ.ထ.က(၄)ကျောင်းတွင် ဇန်န၀ါရီ ၃ ရက် က ပြုလုပ်သည့် ပညာရေးဝန်ကြီးဌာန၊ အခြေခံပညာ ဦးစီးဌာန၊ ရန်ကုန်တိုင်းဒေသကြီး ပညာရေးစုံညီပွဲတော် အခမ်းအနားတွင် ပြောကြားခဲ့ခြင်းဖြစ်သည်။
 
အစိုးရသစ်အနေဖြင့် ဒီမိုကရေစီခေတ်တစ်ခုကို ထူထောင်နိုင်ရန် ပညာရေး ပြုပြင်ပြောင်းလဲမှုနှင့် တိုးတက်မှုဖြစ်စဉ်သည် လွန်စွာကြီးကြောင်း၊ ဆင်းရဲပြီးဖွံ့ဖြိုးတိုးတက် မှုနောက်ကျနေသည့် နိုင်ငံတစ်ခုအတွက် ပညာရေးကို အဓိကရင်းနှီးမြှုပ်နှံရမည်ဖြစ်ကာ အစိုးရ၏ အဓိကမူဝါဒသည် ပညာရေးတိုးတက်လာရန် ဖြစ်ကြောင်းလည်း ၀န်ကြီးချုပ်က ပြောကြားခဲ့သည်။
 
ထို့အတူ ပညာရေးကဏ္ဍကို မြှင့်တင်ရာတွင်ဆရာ၊ ဆရာမများ၏ အခန်းကဏ္ဍကိုလည်း မြှင့်တင်ရန် လိုအပ်ကြောင်း၊ အချိန်ကာလ တစ်ခုရောက်လာသည့်အခါ ဆရာ၊ဆရာမများ၏ နေမှုထိုင်မှု၊ အခွင့်အလမ်းနှင့် လစာနှုန်းထားများကို အဆင်ပြေနိုင်သည့် အခြေအနေ တစ်ခုဖြစ်အောင် ကြိုးပမ်းဆောင်ရွက်ပေးမည် ဖြစ်ကြောင်းလည်း ၀န်ကြီးချုပ် ဦးဖြိုးမင်းသိန်းက ပြောကြားခဲ့သည်။
 
လာမည့်နှစ်၂၀၁၉ ခုနှစ် ဇန်နဝါရီ ၃ ရက်တွင် ကျင်းပမည့် ပညာရေးစုံညီပွဲတော်ကို ရန်ကုန်တိုင်း ဒေသကြီး အစိုးရအဖွဲ့က ကြီးမှူးပြီး တိုင်းဒေသကြီးအဆင့် ပြုလုပ်မည်ဖြစ်ပြီး ပညာရေးစုံညီပွဲတော်များမှ ပညာရေးစနစ်ကို ပိုမိုမြင့်မားစေရန် ကြိုးပမ်းရမည် ဖြစ်ကြောင်းလည်း ၀န်ကြီးချုပ် ဦးဖြိုးမင်းသိန်းက ပြောကြားခဲ့သည်။
 
The Ladies News
 

 

Vote: 
No votes yet

Add new comment