နိုင်ငံခြားသား ခရီးသွားများ ရွှေတိဂုံစေတီတော်မြတ်ကြီးသို့ တက်ရောက် ဖူးမြော်ခွင့် ယာယီပိတ်မည်

ရွှေတိဂုံစေတီတော်သို့ ဒီဇင်ဘာ ၃၀ ရက်မှ ၂၀၁၈ ခုနှစ် ဇန်နဝါရီ ၁ ရက်နေ့အထိ နိုင်ငံခြားသားများ တက်ရောက်မှု ယာယီပိတ်မည် ဖြစ်ကြောင်း မြန်မာနိုင်ငံ ခရီးသွားလုပ်ငန်းရှင်များ အသင်းက ညွန်ကြားချက် ထုတ်ပြန်ထားသည်။
 
ရွှေတိဂုံစေတီတော်တွင် ဂိုဏ်းပေါင်းစုံ သံဃာတော် အပါး ၁၈၀၀၀ တို့ဖြင့် ဗုဒ္ဓဘိသေက အနေကဇာတင် အခမ်းအနားနှင့် ဆွမ်းဆန်စိမ်းလောင်းလှူပွဲ အခမ်းအနား ပြုလုပ်မည်ဖြစ်သဖြင့် အခမ်းအနားရက် မတိုင်မီ ၂၀၁၇ ဒီဇင်ဘာ ၃၀ ရက်မှ ၂၀၁၈ ဇန်နဝါရီ ၁ ရက်နေ့ နေ့လယ် ၁၂ နာရီအထိ ရွှေတိဂုံစေတီပေါ်သို့ လာရောက်မည့် နိုင်ငံခြားခရီးသွားများ အဆင်မပြေမှုများ ဖြစ်ပေါ်နိုင့်သည့်အတွက် သတ်မှတ်အချိန် ကျော်လွန်မှသာ တက်ရောက်နိုင်ရေး အတွက် ရန်ကုန်တိုင်းဒေသကြီး ဟိုတယ်နှင့်ခရီးသွား ညွန်ကြားမှုဦးစီးဌာနသို့ ညွန်ကြားထားခဲ့သည်။
 
အဆိုပါညွန်ကြားချက်အရ ရန်ကုန်တိုင်းဒေသကြီး ဟိုတယ်နှင့် ခရီးသွားညွန်ကြားမှု ဦးစီးဌာနမှ မြန်မာနိုင်ငံ ခရီးသွားလုပ်ငန်းရှင်များ အသင်းသို့ အကြောင်းလာကြောင်း သိရသည်။
 
ယင်းအတွက် ခရီးသွားကုမ္ပဏီများ အနေဖြင့် နိုင်ငံခြားသား ဧည်သည့်များအား ရွှေတိဂုံ စေတီတော်မြတ်ကြီးသို့ သွားရောက်ပြသ ဖူးမြော်ရန် ခရီးစဉ်ရေးဆွဲ ရောင်းချထားမှုများ ကြိုတင်ဆောင်ရွက်နိုင်ရန် အသင်းချုပ်မှ အသင်းဝင် ခရီးသွားကုမ္ပွဏီများအား အကြောင်းကြားစာ ပေးပို့ထားကြောင်း သိရသည်။
 
The Ladies News
 

 

Vote: 
No votes yet

Add new comment