ရန်ကုန်တိုင်းတရားလွှတ်တော်ရုံးအား YHT က အပြာရောင် ကမ္ပည်းတပ်ဆင်

မြန်မာနိုင်ငံ၏ တရားစီရင်ရေးကဏ္ဍတွင် ထင်ထင်ရှားရှား ပါဝင်ခဲ့သော နှစ် ၁၀၀ ကျော် သက်တမ်းရှိ တရားရုံးချုပ် အဆောက်အအုံတွင် မြို့ပြအမွေအနှစ် အထိမ်းအမှတ် အပြာရောင် ကမ္ပည်းပြားကို ယနေ့ (နိုဝင်ဘာ ၂၄ ရက်)တွင် တပ်ဆင်ခဲ့သည်။
 
တရားရုံးချုပ် အဆောက်အအုံသည် ဗြိတိသျှအင်ပါယာ၏ ခမ်းနားကြီးကျယ် သည့် အမွေအနှစ် အဆောက်အဦ များထဲမှ နောက်ထပ် စံနမူနာပြစရာ အဆောက်အအုံ တစ်ခုဖြစ်သည်။
 
ကြီးမား၍ ခမ်းနားထည်ဝါသည့် Queen Anne စတိုင်လ် အဆောက် အအုံကြီးသည် ပုံပန်းကျနသည့် ကိုလိုနီခေတ် အုပ်ချုပ်ရေးဆိုင်ရာ အဆောက်အဦ တစ်ခုဖြစ်ပြီး ပန်းဆိုးတန်းလမ်းနှင့် မဟာဗန္ဓုလ ပန်းခြံလမ်းကြားတွင် တည်ရှိသည်။
 
အဆောက်အအုံကို ၁၉၀၅ ခုနှစ်တွင် စတင်တည်ဆောက်ပြီး ၁၉၁၁ ခုနှစ်တွင် ပြီးစီးကာ ရူပီးငွေ ၂၄ သိန်းခွဲ အကုန်အကျခံ တည်ဆောက် ခဲ့ခြင်း ဖြစ်သည်။ တရားရုံးချုပ် အဆောက်အအုံကို အိန္ဒိယအစိုးရ၏ အတိုင်ပင်ခံ ဗိသုကာ James Ransome က ပုံစံရေးဆွဲခဲ့ပြီး ရန်ကုန် ဆေးရုံကြီးအား တည်ဆောက်ခဲ့သည့် အိန္ဒိယလူမျုိုး ကန်ထရိုက်တာ Bagchi & Co. ကုမ္ပဏီကပင် တာဝန်ယူဆောက်လုပ်သည်။
 
တရားစီရင်ရေးအာဏာကို ထင်ဟပ်စေရန် ရည်ရွယ်ချက်ဖြင့် ပုံစံထုတ် ခဲ့ခြင်းဖြစ်ပြီး တစ်မူထူးခြားသော လက်ရာများဖြစ်သည့် အမိုးခုံးများပေါ်ရှိ ခြင်္သေ့ရုပ်များနှင့် တစ်နာရီခြားတစ်ခါ မြည်သံပေးသည့် ကြီးမားသော နာရီစင်ကြီးကိုလည်း ထည့်သွင်း ထားရှိခဲ့သည်။ တရားရုံးချုပ် ကို ၂၀၀၆ ခုနှစ်မှစတင်၍ ရန်ကုန်တိုင်းဒေသကြီး တရားလွှတ်တော်အဖြစ် အသုံးပြု လျက်ရှိသည်။
 
စိုင်းဟန်
The Ladies News
 

 

Vote: 
No votes yet

Add new comment