ကုန်သွယ်မှုဆိုင်ရာ လုပ်ငန်းများတိုးမြှင့်နိုင်ရန် EUROCHAM Myanmar နှင့် Myantrade တို့ MoU ရေးထိုး

ကုန်သွယ်မှုဆိုင်ရာ လုပ်ငန်းများ တိုးမြှင့်လုပ်ဆောင်နိုင်ရန် မြန်မာနိုင်ငံ ဆိုင်ရာ ဥရောပကုန်သည်ကြီးများ အသင်း (EUROCHARM-Myanmar)နှင့် စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန၊ မြန်မာ ကုန်သွယ်မှု မြှင့်တင်ရေးအဖွဲ့ (Myantrade) တို့အကြား ကုန်သွယ် မှုဆိုင်ရာ MoU လက်မှတ်ရေးထိုးခဲ့သည်။
 
အဆိုပါ လက်မှတ်ရေးထိုးပွဲ အခမ်းအနားအား နိုဝင်ဘာ ၂၄ ရက်က ရန်ကုန်မြို့ နိုဗိုတယ်ဟိုတယ်တွင် ကျင်းပပြုလုပ်ခဲ့သည်။
 
လက်မှတ်ရေးထိုးခြင်းနှင့် ပတ်သက်ပြီး စီးပွားရေးနှင့် ကူးသန်းရောင်း ၀ယ်ရေး ၀န်ကြီးဌာန ဒုတိယ၀န်ကြီး ဦးအောင်ထူးက "ဒီလိုလက်မှတ်ရေး ထိုးခြင်း အားဖြင့် ကျွန်တော်တို့ ပို့ကုန်တွေကို အကောင်အထည် ဖော်နိုင်မှာဖြစ်ပြီး မြန်မာပို့ကုန်တွေ ဥရောပကို တိုးချဲ့ပို့နိုင်မှာ ဖြစ်တယ်။ ဒီလို MoU ထိုးခြင်းကနေ ဥရောပနိုင်ငံတွေ အနေနဲ့ ပိုမိုပူးပေါင်းချင် စိတ် ကို သိလာနိုင်ပါတယ်။ အခုလို အကျပ်အတည်း ဖြစ်နေချိန်မှာ သို့လော သို့လောတွေ ဖြစ်ကြတယ်။ ဥရောပကုန်သည်ကြီးများ အသင်းအနေနဲ့ အခုလို မြန်မာနိုင်ငံမှာ ရင်းနှီးမြှုပ်နှံချင်စိတ် ရှိတာကို ထပ်လောင်းပြတာ ဖြစ်ပါတယ်။ နိုင်ငံရေးအရ အရေးပါသလို စီးပွားရေးအရ အရေးပါတဲ့ကိစ္စ ဖြစ်ပါတယ်”ဟု ပြောသည်။
 
စိုင်းဟန်
The Ladies News
 

 

Vote: 
No votes yet

Add new comment