မောင်းဆီ(ရေနံ) ယိုဖိတ်မှုလျော်ကြေး အာမခံသက်သေခံ လက်မှတ် မတင်ပြနိုင်သည့် ရေယာဉ်များ ဆိပ်ကမ်းများသို့ ၀င်ရောက်ခွင့် ငြင်းပယ် ခံရမည်

သင်္ဘောများမှ မောင်းဆီ (လောင်စာဆီ) ယိုဖိတ်မှုကြောင့် ညစ်ညမ်း ပျက်စီးခြင်းအတွက် တရားမကြောင်းအရ ပေးလျော်ရန် တာဝန်ရှိမှု အပြည်ပြည်ဆိုင်ရာ ကွန်ဗင်းရှင်း ၂၀၀၁ ကိုလက်မှတ် ရေးထိုးပြီးပါက မောင်းဆီ(ရေနံ) ယိုဖိတ်မှုလျော်ကြေး အာမခံသက်သေခံ လက်မှတ် မတင်ပြနိုင်သည့် ရေယာဉ်များ အနေဖြင့် ဆိပ်ကမ်းများသို့ ၀င်ရောက်ခွင့် ငြင်းပယ်ခံရမည်ဖြစ်ကြောင်း ပို့ဆောင်ရေးနှင့် ဆက်သွယ်ရေး ၀န်ကြီး ဌာန ဒုတိယ၀န်ကြီး ဦးကျော်မျိုးက နိုဝင်ဘာ ၉ ရက်တွင် ပြောကြား ခဲ့သည်။
 
နိုင်ငံတော်သမ္မတထံမှ ပေးပို့ထားသော သင်္ဘောများမှ မောင်းဆီ (လောင်စာဆီ) ယိုဖိတ်မှုကြောင့် ညစ်ညမ်း ပျက်စီးခြင်း အတွက် တရားမကြောင်းအရ ပေးလျော်ရန် တာဝန်ရှိမှု အပြည်ပြည်ဆိုင်ရာ ကွန်ဗင်းရှင်း ၂၀၀၁ တွင် မြန်မာနိုင်ငံမှ ပါဝင်လက်မှတ်ရေးထိုးရေး ကိစ္စနှင့် စပ်လျဉ်း၍ ဒုတိယ၀န်ကြီး ဦးကျော်မျိုးက ပြည်ထောင်စု လွှတ်တော်သို့ ရှင်းလင်းတင်ပြရာတွင် ထည့်သွင်းပြောဆို ခဲ့ခြင်းဖြစ်သည်။
 
အဆိုပါ ကွန်ဗန်းရှင်း အရ GT 1000 အထက်ရှိ ရေယာဉ်များ ၏ ပိုင်ရှင်များသည် မောင်းဆီ(ရေနံ) ယိုဖိတ်မှု လျော်ကြေး အာမခံ ထားရှိရမည်ဖြစ်ပြီး ထိုသို့ထားရှိထားကြောင်း သက်သေခံ လက်မှတ်ကို ရေယာဉ်အား မှတ်ပုံတင်ထားသည့် နိုင်ငံ သို့မဟုတ် တာဝန်ခံ အဖွဲ့အစည်းတစ်ခုမှ ထုတ်ပေးရမည်ဖြစ်ကြောင်း၊ သက်သေခံ လက်မှတ်တင်ပြ နိုင်ခြင်းမရှိသော ရေယာဉ်များ အနေဖြင့် ဆိပ်ကမ်းများသို့ ၀င်ရောက် ခွင့်ကို ငြင်းပယ်ခံရ မည်ဖြစ်ကြောင်း၊ မြန်မာနိုင်ငံတွင် မှတ်ပုံတင်ထား သော ရေယာဉ်များအတွက် အာမခံသက်သေခံ လက်မှတ်များ ထုတ်ပေးနိုင်မည် ဖြစ်သည်ဟု ဒုတိယ၀န်ကြီးက ပြောကြားခဲ့ခြင်းဖြစ်သည်။
 
ထို့အတူ မောင်းဆီယိုဖိတ်မှုကြောင့် ရေထုညစ်ညမ်းမှု ဖြစ်စဉ် စတင်ဖြစ်ပေါ်သည့် နေ့မှစ၍ သုံးနှစ်အတွင်း လျော်ကြေး တောင်း ခံနိုင်မည်ဖြစ်ကြောင်း။ မိမိနိုင်ငံ၏ ရေပိုင်နက်အတွင်း သဘာဝ ပတ်ဝန်းကျင် ထိခိုက်ပျက်စီး ဆုံးရှုံးမှုများ အတွက် ထိရောက်သော လျော်ကြေး တောင်းယူမှုများနှင့် ပျက်စီးမှုများကို ကုစားရန် ကျင့်သုံးနိုင်မည် ဖြစ်ပြီး လုံလောက်သော နစ်နာကြေးများ သတ်မှတ်ရန်နှင့် တာဝန်ရှိမှု ပြဿနာများကို ဆုံးဖြတ်ရန်အတွက် အပြည်ပြည်ဆိုင်ရာ နည်းဥပဒေများနှင့် လုပ်ထုံး လုပ်နည်းများကိုလည်း အဖွဲ့ဝင် နိုင်ငံများနည်းတူ တစ်ပြေးညီ ချမှတ်နိုင်မည့် အကျိုး ကျေးဇူးများရရှိမည် ဖြစ်သည်။
 
မြန်မာ့ပင်လယ်ပြင်၌ သင်္ဘောများမှ မောင်းဆီ(ရေနံ)ယိုဖိတ်မှု ဖြစ်ပွားပါက ရေထုညစ်ညမ်းမှုကြောင့် ထိခိုက်နစ်နာ သူများ၊ ဆုံးရှုံးမှုများနှင့် စပ်လျဉ်း၍ လုံလောက်သော လျော်ကြေးများ ရရှိရန် အာမခံချက်များနှင့် ရပိုင်ခွင့်များ အပြည့်အ၀ ရရှိနိုင်ခြင်း၊ အဖွဲ့ဝင်မဟုတ်သည့် နိုင်ငံများအပေါ် သို့လည်း စာချုပ်အရ ပေါ်ပေါက်လာသည့် တာဝန်ရှိမှုများနှင့် ပတ်သက်၍ သက်ရောက်မှု ရှိမည်ဖြစ်ရာ မြန်မာ့ပင်လယ်ပြင်တွင် အဖွဲ့ဝင် နိုင်ငံ မဟုတ်သည့် နိုင်ငံများမှ သင်္ဘော မောင်းဆီများကြောင့် ဖြစ်ပေါ် လာသည့် ယိုဖိတ်မှု ဖြစ်စဉ်များတွင်လည်း ဤကွန်ဗင်းရှင်းအရ လုံလောက်သော လျော်ကြေးများ ရရှိနိုင်ခြင်း စသည့် အကျိုးကျေးဇူးများ ရရှိမည် ဖြစ်ကြောင်း ပြောကြားသည်။
 
မြန်မာ့ပင်လယ်ပြင်၌ သင်္ဘောများမှ ဆီများထုတ်ခြင်း သို့မဟုတ် ပေါက်ထွက် ခြင်း၊ ယိုဖိတ်ခြင်း တို့ကြောင့် ဖြစ်ပေါ်လာသော ဆီညစ်ညမ်းမှုကြောင့် ထိခိုက်နစ်နာမှုများ၊ ဆုံးရှုံးမှုများနှင့် စပ်လျဉ်း၍ သင့်လျော်သော လျော်ကြေးများ လျင်မြန်စွာ ရရှိရန်နှင့် ရေထုပတ်ဝန်းကျင် ညစ်ညမ်းမှုကို ကာကွယ်ခြင်း၊ လျော့ကျစေခြင်းနှင့် ထိန်းချုပ်ခြင်း အစီအမံများ ဆောင်ရွက်နိုင်မည် ဖြစ်ကြောင်း လည်း ဒုတိယ၀န်ကြီးက ရှင်းလင်းပြောကြားခဲ့သည်။
 
The Ladies News

 

Vote: 
No votes yet

Add new comment