အရက်ချက်စက်ရုံများ ရပ်ဆိုင်းထားသည့်အချိန်တွင် လည်ပတ်ခွင့်ရသည့် စက်ရုံများမှ အရက်ပြင်း ဈေးနှုန်း နှစ်ဆတင်ရောင်းချနေဟုဆို

အရက်ချက်စက်ရုံများ ရပ်ဆိုင်းထားသည့် အချိန်တွင် လည်ပတ်ခွင့်ရသည့် စက်ရုံများမှ အရက်ပြင်း (OP) ဈေးနှုန်း နှစ်ဆတင် ရောင်းချနေခြင်းများ ရှိကြောင်း မြန်မာနိုင်ငံ အဖျော်ယမကာ ထုတ်လုပ်ရောင်းချသူများ အသင်း ဥက္ကဋ္ဌ ဦးသိန်းဝင်းကပြောသည်။
 
အဆိုပါကိစ္စပတ်သက်ပြီး အောက်တိုဘာ ၁၂ ရက်တွင် ကုန်သည် စက်မှုအသင်းချုပ်က ကြီးမှူးကျင်းပသည့် “ကုန်ထုတ်လုပ်မှု လုပ်ငန်းများမှ ထွက်ရှိသော စွန့်ပစ်ရေဆိုးများကြောင့် ပတ်ဝန်းကျင် ညစ်ညမ်းမှု လျော့နည်းစေရေး အလုပ်ရုံဆွေးနွေးပွဲ (၂၀၁၇)” ဆွေးနွေးရာတွင် ထည့်သွင်း ပြောကြားသွားခြင်းဖြစ်သည်။
 
လက်ရှိ သဘာဝပတ်ဝန်းကျင် ရေးဆိုးစွန့်ပစ်ခြင်းနှင့် ပတ်သက်ပြီး စည်းကမ်းများ ထုတ်လိုက်သည့်အတွက် နှစ်ပေါင်းများစွာ လည်ပတ်နေ သည့် စက်ရုံများသည် ခေတ်မီ ရေဆိုးသန့်စင်သည့် ခေတ်မီ့စနစ် မရှိသည့်အတွက် ခေတ္တရပ်ဆိုင်းထားရခြင်းများ ရှိနေကြောင်းဆိုသည်။ လက်ရှိ လည်ပတ်ခွင့်ရသည့် စက်ရုံအချို့သည် သဘာဝပတ်ဝန်းကျင် ဥပဒေထွက်ရှိပြီး ၂-၃ နှစ်ကာလ တည်ထားသည့်အတွက် ခေတ်မီရေဆိုး သန့်စင်သည့် စနစ်ပါမှသာ တည်ဆောက်ခွင့် ရှိမည်ဖြစ်သည့်အတွက် လည်ပတ်ခွင့် ရနေခြင်းဖြစ်ကြောင်း ထိုသို့ လည်ပတ်ခွင့်ရသည့် စက်ရုံများအချို့သည် အရက်ပြင်း(OP)အား ဈေးတင်ရောင်းချနေခြင်း ဖြစ်ကြောင်း ပြောခြင်းဖြစ်သည်။
 
ဦးသိန်းဝင်းက”အခုစက်ရုံတွေ အများစု ပိတ်လိုက်ရတယ်။ ပိတ်လိုက်တဲ့ အတွက်လည်ရတဲ့ ၄-၅ ရုံက ၀ိသမ လောဘနဲ့ဈေးနှုန်း နှစ်ဆခန့် မြင့်တက်ပြီး တင်ရောင်းနေတယ်ဆိုတာ ဒါလည်း အားလုံးအသိပဲ ဖြစ်ပါတယ်။ ဒီလိုမြင့်ပြီး တင်ရောင်းတဲ့အတွက် ဘာဖြစ်သလဲဆိုရင် အိုပီစက်ရုံတွေက ထွက်တဲ့ အရက်ပြင်းတွေကို တစ်ဆင့် ပုလင်းသွင်း aရာင်းချတဲ့ လုပ်ငန်းများဟာ ရပ်သွားပါတယ်။ ဈေးနှုန်းတွေ မြင့်တက်လို့ ရပ်သွားတယ်။ ရပ်သွားတဲ့ အတွက် နောက်ဆက်တွဲ ဘာဆိုးကျိုး ဖြစ်လာ သလဲဆိုရင် အရက်ပုန်းတွေ ထွက်လာနိုင်ပါတယ်။ နောက်ပြီးတော့ မြန်မာနိုင်ငံမှာ အလွယ်ဝယ်ယူ ရရှိနေတဲ့ မူးယစ်ဆေးဝါး လမ်းဘက် ကိုသာ လူတွေထွက်ပြီး ပြောင်းလဲ သုံးစွဲမယ်ဆိုရင် အများကြီး ဆိုးကျိုးနဲ့ ထပ်ပြီးရင်ဆိုင်ရမယ့် အနေအထားကို ရောက်သွားနိုင်ပါတယ်” ဟု ဆွေးနွေးရာတွင် ပြောသည်။
 
၎င်းက ဆက်လက်ပြီး အစိုးရ၏ စက်မှုဌာနပိုင် စက်မှုလုပ်ငန်း ၁၀၀ ကျော်ရှကြောင်း၊ အဆိုပါ ၁၀၀ ကျော်ထဲမှ ရေဆိုးစနစ်ကို ထည့်သွင်း တည်ဆောက်ထားသည့် စက်ရုံ ၁၀ ရုံပဲရှိကြောင်း၊ အဆိုပါ ၁၀ ရုံထဲမှ သာပေါင်း စက္ကူရုံက တည်ထားတာသည် စံနမူနာယူလောက်သည့် စက်ရုံလို့ ပြောဆိုသွားသည်ကို သိရကြောင်း ဦးသိန်းဝင်းက ”အဲ့ဒီစက်ရုံရဲ့ ရေဆိုးစနစ် ထုတ်မယ်ဆိုရင် လက်ရှိပြဋ္ဌာန်းထားတဲ့ ဘောင်အတွင်းကို မ၀င်သေးပါဘူး။ ကျနော်တို့ နိုင်ငံတော် အဆင့်ကနေ မလုပ်နိုင်သေးတဲ့ အဆင့်ကို ပုဂ္ဂလိကအဆင့်ကနေ ချက်ချင်း နေချင်းညချင်း တည် ဆောက်ပြီး ဒီစနစ်ထဲကို ဘောင်မ၀င်တဲ့ စက်ရုံတွေကို အကုန်ပိတ်သိမ်း ပါလို့ ပြောခြင်းသည် လည်ပတ်နေတဲ့ လုပ်ငန်းတွေကို မမြင်လို မတွေ့လို မရှိစေလိုဘူးလို့ အကြမ်းဖျဉ်း သုံးသပ်မိပါတယ်”ဟု ပြောကြားသွားသည်။
 
အဆိုပါ အလုပ်ရုံဆွေးနွေးပွဲတွင် အဓိကအားဖြင့် ကဏ္ဍ သုံးရပ် -- နိုင်ငံတော်အစိုးရ အပိုင်းက လုပ်ဆောင်ချက်များ၊ လက်ရှိ စွန့်ပစ်ရေဆိုး များကြောင့် သဘာဝ ပတ်ဝန်းကျင် ထိခိုက်နေမှုများ၊ စက်ရုံများ၏ ဘေးထွက် စီမံခန့်ခွဲမှုဆိုင်ရာ လုပ်ဆောင်မှု အခက်အခဲများ ဟူပြီး ဆွေးနွေးခဲ့ကြသည်။
 
သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၊ စက်မှုဝန်ကြီးဌာန၊ ရန်ကုန်မြို့တော် စည်ပင် သာယာရေး ကော်မတီတို့က အစိုးရကဏ္ဍ အပိုင်း၊ JICA, စိမ်းလန်း အမိမြေ ဖွံ့ဖြိုးတိုးတက်ရေး အသင်းနှင့် မြန်မာအစိမ်းရောင် ပုံရိပ်များအဖွဲ့ တို့က လက်ရှိ ဘသာဝ ပတ်ဝန်းကျင် ထိခိုက်နေမှုများ အကြောင်း၊ စက်မှုဇုန်စီမံခန့်ခွဲမှု ကော်မတီများနှင့် မြန်မာနိုင်ငံ ယမကာထုတ်လုပ် ဖြန့်ဖြူးရောင်းချသူများ အသင်းတို့က ဘေးထွက် စီမံခန့်ခွဲမှုဆိုင်ရာ လုပ်ဆောင်မှု အခက်အခဲများ အကြောင်းကို ဆွေးနွေးခဲ့ကြသည်။
 
ဆွေးနွေးခဲ့ကြသူ အားလုံးအနေဖြင့် ရေဆိုးစွန့်ပစ်မှုများကြောင့် သဘာဝ ပတ်ဝန်းကျင် ထိခိုက်နေရတယ်ဆိုတဲ့ အခြေအနေဟာ ပြည်သူလုထု အတွက်ရော လုပ်ငန်းရှင်များ အတွက်ပါ ခက်ခဲတဲ့ အခြေအနေဖြစ်နေ တယ် ဆိုတာ တစ်လုံးတစ်ဝတည်း လက်ခံကြကြောင်း ကုန်သည်စက်မှု လက်မှုအသင်းချူပ် သတင်းထုတ်ပြန်ချက်တွင် ဖော်ပြထားသည်။
 
ဆွေးနွေးရာတွင် နိုင်ငံတော်က ချမှတ်ထားတဲ့ စံချိန်စံညွှန်းတွေဟာ နိုင်ငံတကာ စံနှုန်းများအတိုင်း သတ်မှတ် ထားတာကြောင့် ပြည်တွင်း လက်ရှိအခြေအနေနဲ့ ပြည့်မီအောင် ဆောင်ရွက်နိုင်ဖို့ အလွန်ခက်ခဲနေကြောင်း ဆွေးနွေးကြသည်။
 
တစ်ဖက်တွင် မြန်မာ့ထုတ်ကုန်များ အနေဖြင့် နိုင်ငံတကာ ဈေးကွက်ကို တင်ပို့ရောင်းချနိုင်ရန် သဘာဝ ပတ်ဝန်းကျင် ထိန်းသိမ်းမှု စံချိန်စံညွှန်းများ (ISO 14000 စသည်ဖြင့်) လိုက်နာမှု အခြေအနေ၊ ပြဌာန်းထားသည့် ဥပဒေ နည်းဥပဒေများ၏ စံချိန်စံနှုန်း စသည်တို့ဟာ နိုင်ငံတကာနှင့်အညီ ပြည့်စုံမှ နိုင်ငံတကာ ဈေးကွက်ကို တင်ပို့နိုင်မှာ ဖြစ်ပြီး ဈေးကောင်းရရှိမှာ ဖြစ်ကြောင်း သိရသည်။
 
စံချိန်စံညွှန်းများအား စက်မှုလုပ်ငန်းတွေ ပြည့်မီအောင် ဆောင်ရွက်နိုင်ဖို့ အချိန်ကာလ တစ်ရပ် လိုအပ်နေကြောင်း စံချိန်မမီခြင်းအတွက် အရေး ယူခြင်း မပြုမီ နိုင်ငံတော် အစိုးရက ကြားကာလတစ်ရပ် ပေးထားရပါမည် ဖြစ်ကြောင်း UMFCCI ၏ သတင်းထုတ်ပြန်ချက်အရ သိရသည်။
 
ထို့အတူ ကုန်ထုတ်လုပ်ငန်း/ စက်ရုံ အသီးသီးအလိုက် စွန့်ထုတ်မှုအလိုက် ရှိသင့်ရှိထိုက်သော သန့်စင်မှုလုပ်ငန်းကို သတ်မှတ်ထားတဲ့ အချိန်ကာလ အလိုက် ဆောင်ရွက်မည်ဖြစ်ကြောင်း ကတိပြုဖို့လိုအပ်ပြီး ကတိပြုထား သည့် ကာလအတွင်း ပြည့်မီအောင် ဖော်ဆောင်ရပါမည် ဖြစ်ကြောင်း၊ ပြည့်မီအောင် ဆောင်ရွက်ခြင်း မရှိမှသာ အရေးယူမှုများ ပြုလုပ်သင့်တယ် လို့ ဆွေးနွေးခဲ့ကြသည်။
 
စွန့်ထုတ်ပစ္စည်း စီမံခန့်ခွဲမှုပြုလုပ်ရာမှာ စက်ရုံလုပ်ငန်းတွေ အတွက် ရင်းနှီးမြှုပ်နှံမှု အခက်အခဲ၊ မြေနေရာ အခက်အခဲ၊ နည်းပညာ အခက်အခဲတွေ ရှိနေကြောင်း လုပ်ငန်းရှင်များ၏ ပြောပြချက်အရ သိရသည်။
 
စက်မှုဇုန်ပြင်ပရှိ စက်ရုံတွေအနေနဲ့ ကိုယ်ပိုင် သန့်စင်စနစ် (Individual Treatment) တည်ထောင်ကာ မဖြစ်မနေ ဆောင်ရွက်ရမှာဖြစ်ပြီး၊ စက်မှုဇုန်အတွင်း စက်ရုံတွေအနေနဲ့ အတိုင်းအတာ တစ်ခုအထိ ကိုယ်တိုင်သန့်စင်ပြီး ၊ အပြီးသတ် သန့်စင်မှုကို စက်မှုဇုန် ဘုံသုံး သန့်စင်စနစ် (Centralized Treatment System) ဖြင့် ပူးပေါင်း လုပ်ဆောင်သင့်ကြောင်း ဆွေးနွေးကြသည်။ ဘုံသုံးစနစ်ဖြင့် ဆောင်ရွက်လျှင် ရင်းနှီးမြှုပ်နှံမှု စရိတ် သက်သာပြီး ဈေးကွက်အတွင်း ယှဉ်နိုင်မည် ဖြစ်ကြောင်း ဆိုကြသည်။
 
မြေနေရာ အခက်အခဲအတွက် နိုင်ငံတော်အစိုးရနှင့် ညှိနှိုင်း ဆောင်ရွက် ရမှာ ဖြစ်ကြောင်း၊ နည်းပညာ အခက်အခဲ များအား ပုဂ္ဂလိက အသင်းအဖွဲ့များက ဆောင်ရွက်ပေးနိုင်တာ ဖြစ်ကြောင်း ဆိုသည်။
 
နည်းပညာ စုဆောင်းခြင်း၊ ဖြန့်ဝေခြင်းကို နိုင်ငံတကာ အကူအညီနှင့် ပြည်တွင်း အသင်းအဖွဲ့များက ထိထိ ရောက်ရောက် လုပ်ဆောင်နိုင် ကြောင်း ဆွေးနွေးကြပါတယ်။ ဒီအတွက် သက်ဆိုင်သူ (Stakeholders) များပါဝင်တဲ့ ကွန်ရက်တစ်ခု ဖွဲ့စည်းပြီး တိကျတဲ့ လုပ်ငန်းစဉ်ချမှတ် ဆောင်ရွက်သင့်တယ်လို့ ဆွေးနွေးခဲ့ကြသည်။
 
စက်မှုလုပ်ငန်းများ၏ လက်တွေ့ဆောင်ရွက်မှုကို ထိန်းကြပ်ကွပ်ကဲမယ့် စနစ်တည်ထောင် နိုင်ဖို့ရန် ဆွေးနွေးကြသည်။ ထိန်းကြပ်မယ့် အဖွဲ့တွင် ပညာရှင်တွေပါ ပါဝင်ဖို့လိုသလို စစ်ဆေးခြင်း လုပ်ငန်းစဉ်များကို အတိအကျချမှတ်ပြီး၊ တစ်သဝေမတိမ်း လိုက်နာဖို့လိုတယ်လို့ ယနေ့ အလုပ်ရုံဆွေးနွေးပွဲက အထူးအလေးပေး ဆွေးနွေးခဲ့ကြသည်။ အောက်တိုလာလ ၁၃ ရက် (ယနေ့)တွင် ဆက်လက်ကျင်းပမည့် အလုပ်ရုံဆွေးနွေးပွဲမှာ ယနေ့ ဆွေးနွေးချက်တွေကို ပြန်လည်စုစည်းသုံးသပ်ပြီး ပိုမိုထိရောက်တဲ့ အဖြေရှာကြမည်ဖြစ်ကြောင်း သိရသည်။
 
စိုင်းဟန်
The Ladies News
 

 

Vote: 
No votes yet

Add new comment