သုံးစွဲရန်မသင့် အလှကုန်ပစ္စည်းများ အများပြည်သူသို့ အသိပေး၊ ဖြန့်ဖြူးရောင်းချသူကို အရေးယူမည်

ကျန်းမာရေးနှင့် အားကစားဝန်ကြီးဌာနက ကျန်းမာရေးအတွက် ဘေးအန္တရာယ်ဖြစ်စေမည့် သုံးစွဲရန်မသင့် အလှကုန်ပစ္စည်းများကို အများပြည်သူသို့ အသိပေးကြေညာထားသည်။
 
အဆိုပါ အလှကုန်ပစ္စည်းများတွင် ကျန်းမာရေးအတွက် အန္တရာယ် ဖြစ်စေနိုင်သည့် တားမြစ်ဓာတုပစ္စည်း (မာကျူရီ) ပါဝင်နေခြင်းကြောင့် ပြည်သူလူထု သုံးစွဲရန် မသင့်ကြောင်း ထုတ်ပြန်အသိပေးခြင်း ဖြစ်ကြောင်း သိရသည်။
 
ယင်း ထုတ်ကုန်ပစ္စည်းလေးမျိုးမှာ JIAOBI Whitening Make Up Base , JIAOBI WHITENING Night Cream , JIAOBI Whitening & Moisturizing 3 in 1 Sample Sack နှင့် JIAOLI Speckle- Removing And Nourishing Assembly တို့ဖြစ်ပြီး ယင်းထုတ်ကုန်များကို တရုတ် ဘာသာဖြင့် ရေးသားဖော်ပြထားကာ ၄င်းတို့တွင် လူကို အန္တရာယ် ဖြစ်စေ သည့် မာကျူရီ(ပြဒါး) ပါဝင်ခြင်းကြောင့် အဆိုပါ ထုတ်ကုန်ပစ္စည်းများ ထုတ်လုပ်ဖြန့်ဖြူး ရောင်းချသူတို့ကို ပြည်သူ့ကျန်းမာရေးဆိုင်ရာ ဥပဒေပုဒ်မ ၃၊ အပိုဒ် (၃) (ဃ)အရ အရေးယူ ဆောင်ရွက်သွားမည် ဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ ထုတ်ပြန် အသိပေးချက်အရ သိရသည်။
 
The Ladies News

 

Vote: 
No votes yet

Add new comment