မွေးမြူရေးငါးများ ပြည်ပဈေးကွက် လိုအပ်ချက် စံချိန်စံညွှန်းနှင့် အညီ တင်ပို့နိုင်ရေး ငါးလုပ်ငန်း ဦးစီးဌာနမှ ဓါတ်ခွဲစစ်ဆေးပေး

မွေးမြူရေးငါးများ ပြည်ပဈေးကွက် လိုအပ်ချက် စံချိန်စံညွှန်းများနှင့် အညီ တင်ပို့နိုင်ရေးအတွက် ငါးလုပ်ငန်း ဦးစီးဌာနမှ(ISO-17025)အဆင့်ရှိ ဓာတ်ခွဲခန်းတွင် ဓာတ်ခွဲစစ်ဆေးပြီး ထောက်ခံချက်များ ဆောင်ရွက်ပေး လျှက်ရှိကြောင်း စိုက်ပျိုးရေး၊ မွေးမြူရေးနှင့် ဆည်မြောင်း ဒု-ဝန်ကြီး ဦးလှကျော်က သြဂုတ် ၃၁ ရက်တွင် ပြောကြားသည်။

ပြည်သူ့လွှတ်တော် အစည်းအဝေးတွင် ခရမ်း မဲဆန္ဒနယ်မှ ဒေါက်တာဦးအေးမင်း က ခရမ်းမြို့နယ်အတွင်းရှိ တစ်နိုင်တစ်ပိုင် ကြက်၊ ငါး မွေးမြူရေးလုပ်ငန်းများ ဖွံ့ဖြိုးတိုးတက်စေရန် မည်သို့ ကူညီပံ့ပိုးပေးမည်ကို သိလိုခြင်း မေးမြန်းခဲ့မှုကို ဒုတိယ၀န်ကြီးက ပြန်လည်ဖြေကြားပေးခဲ့ခြင်း ဖြစ်သည်။

ထို့အတူ တစ်ပိုင်တစ်နိုင် ကြက်/ငါး မွေးမြူရေးလုပ်ငန်းများကို လယ်ယာမြေပေါ်တွင် လုပ်ကိုင်လိုပါက (၂၀၁၂)ခုနှစ် လယ်ယာမြေဥပဒေ၊ နည်းဥပဒေ၊ လုပ်ထုံး၊ လုပ်နည်းများနှင့် အညီ လိုက်နာဆောင်ရွက် ရမည်ဖြစ်ပြီး လယ်ယာမြေ ပေါ်တွင် လက်ရှိဆောင်ရွက် လျက်ရှိသည့် တစ်နိုင်တစ်ပိုင် (ကြက်/ငါး) မွေးမြူရေးကန် လုပ်ငန်းများသည် လယ်ယာမြေကို အခြားနည်းသုံးအဖြစ် ဥပဒေနှင့် အညီ တရားဝင် လုပ်ကိုင်ခွင့် မရသေးပါက တရားဝင်ဖြစ်စေရေး လျှောက်ထား ဆောင်ရွက်ရန်လိုအပ်သည်။

ခရမ်းမြို့နယ်အတွင်း ကြက်မွေးမြူရေးလုပ်ငန်းများသည် တစ်ပိုင်တစ်နိုင် မွေးမြူရေးလုပ်ငန်းဖြစ်၍ Cold Storage အဆင့် တည်ဆောက်ပါက ကုန်ကျစရိတ် များပြားနိုင်သဖြင့် ရန်ကုန်တိုင်းဒေသကြီး အတွင်း ပြည်သူများ ဈေးနှုန်းချိုသာစွာ ဝယ်ယူစားသုံးနိုင်ရေး၊ ကြက်သားဈေးနှုန်း တည်ငြိမ်ရေးများအတွက် ရန်ကုန်တိုင်းဒေသကြီးမှ ကြီးကြပ်၍ ကြက်သား အရောင်းဆိုင်များ ဖွင့်လှစ်ရောင်းချစေရေး ဆောင်ရွက်လျက်ရှိသည်။  ယခုအခါ ရင်းနှီးမြှုပ်နှံသူများကို ဖိတ်ခေါ်ပြီး ခေတ်မီသိုလှောင်ရုံများ တည်ဆောက်နိုင်ရေး အစီအစဉ်များ ချမှတ်ရေးဆွဲ ဆောင်ရွက်လျက် ရှိကြောင်း ဒုတိယ၀န်ကြီးက ပြန်လည်ဖြေကြားခဲ့သည်။

ဇော်မင်းထွန်း

The Ladies News

Vote: 
No votes yet

Add new comment