ရန်ကုန်တိုင်းဒေသကြီးတွင် လျှပ်စစ်မီးအလုံအလောက်ပေးနိုင်ရန်အတွက် ကျပ်ငွေဘီလီယံ ၁၀၀ ခန့်သုံးစွဲရန် လိုအပ်မည်

ရန်ကုန်တိုင်းဒေသကြီးတွင် လျှပ်စစ်မီးအလုံအလောက် ပေးနိုင်ရန်အတွက် ကျပ်ငွေဘီလီယံ ၁၀၀ ခန့်သုံးစွဲရန် လိုအပ်မည်ဖြစ်ကြောင်း ရန်ကုန် လျှပ်စစ်ဓာတ်အားပေးရေး ကော်ပိုရေးရှင်း(YESC)၏ အထွေထွေမန်နေဂျာ ဦးသန့်ဇင်က ပြောကြားသည်။

ယင်းသို့ ကျပ်ငွေ ဘီလီယံ ၁၀၀ ခန့်သုံးစွဲရန် လိုအပ်မည်ဖြစ်သော်လည်း YESC အနေဖြင့် တစ်နှစ်လျှင် အများဆုံး ၂၀ ဘီလီယံ ခန့်သာ ဝင်ငွေရှိကြောင်း သိရသည်။

လတ်တလောတွင် YESB ၏ ငွေကြေးအသုံးစရိတ် လုံလောက်မှုမရှိသေးသောကြောင့် လာမည့် နွေရာသီတွင် လျှပ်စစ်မီးမပြတ်တောက်ရန် အာမ မခံနိုင်ကြောင်း အထွေထွေမန်နေဂျာ ဦးသန့်ဇင်က ပြောကြားသည်။

YESC အနေဖြင့် လိုအပ်သည့် အသုံးစရိတ် အတွက် ရန်ကုန်တိုင်း အစိုးရ အဖွဲ့ထံ တင်ပြထားသလို တိုင်းအစိုးရ အနေဖြင့်လည်း ယင်း ကိစ္စနှင့် ပတ်သက်ပြီး နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထံ ထပ်မံ တင်ပြထားကြောင်း သိရသည်။

ရန်ကုန် လျှပ်စစ် ဓာတ်အားပေးရေး ကော်ပိုရေးရှင်း(YESC) အနေဖြင့် ၂၀၁၆ခုနှစ် ဧပြီ၊ မေနှင့် ဇွန်လများ အတွင်း တရားမဝင် လျှပ်စစ်ဓာတ်အား သုံးစွဲမှု ၄၀ခုကို ဖော်ထုတ်နိုင်ခဲ့ကြောင်း လျှပ်စစ်နှင့်စွမ်းအင် ဝန်ကြီးဌာနမှ ဩဂုတ်လ ၁၁ ရက် သတင်း ထုတ်ပြန်ချက် တွင် ဖော်ပြထားသည်။

ဆက်လက်၍ ရန်ကုန်တိုင်း အတွင်း လျှပ်စစ်ဓာတ်အား အများဆုံးသုံးသည့် ပမာဏသည် ပြီးခဲ့သည့် ဧပြီလ အတွင်းတွင် ၁၂၀၀ မဂ္ဂါဝပ်အထိ ဖြစ်ခဲ့ကြောင်း သိရသည်။

ဝသန်
The Ladies News
 

 

 

Vote: 
No votes yet

Add new comment