နိုင်ငံရေး ပင်စင်ချီးမြှင့်ငွေကို မိမိတို့ကိုယ်စားလှယ် အားလုံးရယူမည်ဖြစ်ပြီး နိုင်ငံ အတွက် အကျိုးရှိမည့် စီမံကိန်းတစ်ခုအတွက် လှူဒါန်းသွားမည် ဟု ဒေါ်အောင်ဆန်းစုကြည် ဆို

လွှတ်တော် ကိုယ်စားလှယ်များအတွက် ပေးသည့် တစ်လုံးတစ်ခဲတည်း နိုင်ငံရေး
ပင်စင်ချီးမြှင့်ငွေကို အမျိုးသား ဒီမိုကရေစီအဖွဲ့ချုပ်မှ ကိုယ်စားလှယ် အားလုံး
ရယူမည်ဖြစ်ပြီး နိုင်ငံအတွက် အကျိုးရှိမည့် စီမံကိန်းတစ်ခုအတွက် လှူဒါန်းသွားရန်
သဘောတူညီ ထားကြပြီးဖြစ်ကြောင်း ဥက္ကဋ္ဌဖြစ်သူ ဒေါ်အောင်ဆန်းစုကြည်က
RFA သတင်းဌာန၏ ဒီမိုကရေစီခရီးကြမ်းနှင့် ဒေါ်အောင်ဆန်းစုကြည် အစီအစဉ်တွင်
ပြောဆိုခဲ့သည်။

"အဲ့ဒီဟာတော့ ကျွန်မတို့ ယူမယ်လေ၊ အားလုံးက ဥပဒေက ရတယ်ဆိုတော့
ကျွန်မတို့ လွှတ်တော် ကိုယ်စား လှယ်တွေလည်း ရတယ်၊ ကျွန်မတို့ လွှတ်တော်
ကိုယ်စားလှယ်တွေ အားလုံး သဘောတူပြီးပြီ၊ ဒီငွေတွေကို ပူးပေါင်းပြီးတော့
နိုင်ငံကို အကျိုးဖြစ်တဲ့ စီမံကိန်းတစ်ခုအတွက် လှူဖို့ဆိုပြီးတော့ ကျွန်မတို့ ဆွေးနွေး
ထားတယ်" ဟု ဒေါ်အောင်ဆန်းစုကြည်က ပြောသည်။

လွှတ်တော် ကိုယ်စားလှယ်များသည် လခရရှိနေခြင်းကြောင့် ပင်စင်ကို မလိုအပ်
ကြောင်း၊ အခြားနိုင်ငံများ တွင် ထိုကဲ့သို့ ချီးမြှင့်ခြင်းမျိုး ရှိသော်လည်း မတူညီ
ကြောင်း ဒေါ်အောင်ဆန်းစုကြည်က ပြောသည်။

ထို့အတူ စီးပွားရေး လုပ်ငန်းရှင်ကြီးများထံမှ အကူအညီရယူမှုများနှင့် ပတ်သက်၍
လည်း ဒေါ်အောင်ဆန်းစုကြည်က “ဘယ်လိုပုံစံအတွက် အကူအညီယူတာလဲ ဆိုတဲ့
အပေါ်မှာလည်း မူတည်တာပေါ့ ။ အကူအညီ လုံးဝမယူရဘူးဆိုတာလည်း
အင်မတန်မှ ကျဉ်းမြောင်းတဲ့ အမြင်ပါ။ ဒါပေမဲ့ ယူပုံယူနည်းကလည်း ဒီနိုင်ငံကို
အကျိုးဖြစ်ဖို့ အရေးကြီးတာတော့ ပွင့်လင်းမြင်သာမှု ရှိရမယ် ။ ပွင့်လင်းမြင်သာမှု ရှိမှ
ပြည်သူကလည်း သဘောပေါက်မယ် ။ ဘာ့အတွက် ဒါယူတာလဲ၊ ဒါဟာ
ကောင်းသလား ဆိုးသလား ပွင့်လင်းမြင်သာမှုဆိုတာ အစိုးရများကို အများကြီး
အထောက်အကူ ဖြစ်ပါတယ်”ဟု လည်း ပြောကြားသည်။

အချို့သော သူများက ပွင့်လင်းမြင်သာမှုဆိုသည် အစိုးရကို တိုက်ခိုက်ရန်ဟု
ထင်နေကြကြောင်း၊ အမှန်တကယ်တမ်းတွင် ပွင့်လင်းမြင်သာမှုရှိမှ စီမံကိန်းတစ်ခုကို
အကောင်အထည် ဖော်သည့်အခါ မည်သို့သော အကျိုးဆက်များ ဖြစ်နိုင်သည်ကို
အဘက်ဘက်မှ သိရသည့်အတွက် မှန်မှန်ကန်ကန် လုပ်ကိုင်နိုင်ရန်အတွက်
အထောက်အကူ ရကြောင်း ၊ ပွင့်လင်းမြင်သာမှုကို အခြေခံပါက နိုင်ငံနှင့် ပြည်သူ
အတွက် အကျိုးဖြစ်နိုင်သည်ကြောင်း ဒေါ်အောင်ဆန်းစုကြည်က ဆက်လက်
ပြောကြားခဲ့သည်။

သတင်း - ဇော်မင်းထွန်း
The Ladies News Journal
 

Vote: 
No votes yet

Add new comment