ကျွန်တော် စာအုပ်အရောင်းသမား // လင်းသက်ခိုင် //

( ၁ )
 
၁၉၉၆ ခုနှစ်ကဖြစ်ပါတယ်။ အဲဒီတုန်းက ကျွန်တော်ဟာ ဦးလေးဖြစ်သူရဲ့ စာရင်းကိုင် ကုမ္ပဏီမှာ အလုပ်ဝင်လုပ်နေတဲ့ အချိန်ပေါ့။ ဒါပေမဲ့ ဒီအလုပ်ကို ကျွန်တော် ရွေးချယ်တာ မဟုတ်ဘဲ မလွဲသာလို့ ၀င်လုပ်ရတဲ့အလုပ်ပါ။ ကျွန်တော်နဲ့ စာရင်းဇယားတွေဟာ ဘယ်လိုမှ မပတ်သက်တဲ့ အရာပါ။ တစ်နေ့မှာ ဦးလေးက ကျွန်တော့်ကို သွေးတိုးစမ်းရင်း မေးပါသေးတယ်။ မင်းက ဘာဝါသနာပါတာလဲပေါ့။ ကျွန်တော် ချက်ချင်း ဖြေလိုက်ပါတယ်။ စာဖတ်တာရယ်၊ စာရေးတာရယ် ၀ါသနာအပါဆုံးလို့ ပြောတော့ ကျွန်တော့်ဦးလေး စိတ်ပျက်သွားတာ တွေ့ခဲ့ဖူးပါတယ်။
 
အဲဒီအချိန်က ကျွန်တော့် ခန္ဓာကိုယ်ထဲမှာက စာပေကို စွဲလန်းတဲ့စိတ်တွေ စီးဆင်းနေတဲ့ ကာလပေ့ါ။ စိတ်က စာပေနယ်ထဲမှာပဲ ပျော်မွေ့ချင်ပေမယ့် ခင်တာက အဲဒီစာပေ ပရ၀ဏ်ဆိုတာမှာ အသိအကျွမ်း မရှိတော့ ခက်တယ်။ လူဆိုတာ ကိုယ်ဝါသနာပါတဲ့ အလုပ်နဲ့ ထိတွေ့နေမှာ ဘ၀ဟာ အဓိပ္ပာယ်ရှိတာလို့ ကျွန်တော် တွေးထားမိတာကိုး။ နောက်ဆုံးတော့ ကျွန်တော် ဆုံးဖြတ်ချက် ချလိုက်ပါတော့တယ်။ ဘ၀မှာ ကိုယ် စိတ်မ၀င်စားတဲ့ အလုပ်တွေချည်း လုပ်ခဲ့ရတယ်။ ဒီတစ်ခါတော့ ဘ၀ကို စာအုပ်စာပေနဲ့ ပတ်သက်တဲ့ အလုပ်ကလွဲရင် ဘာမှမလုပ်တော့ဘူး။ စာပေရပ်ဝန်းထဲမှာ ရအောင်နေမယ်၊ ရောက်အောင် သွားမယ်လို့ သန္နိဋ္ဌာန် ချလိုက်ပါတော့တယ်။
 
တစ်ခုတော့ ကံကောင်းတယ်။ ကျွန်တော့်မှာ စာပေအသိုင်းအ၀န်းနဲ့ ပတ်သက်တဲ့ နာမည်ကြီး စာအုပ်ဆိုင်ကြီး တစ်ဆိုင်နဲ့ ပတ်သက်တဲ့ ရှားရှားပါးပါး သူငယ်ချင်းတစ်ယောက်တော့ ရှိတယ်။ ဦးလေးရဲ့ ကုမ္ပဏီကနေ အလုပ်ထွက်ပြီးတာနဲ့ သူငယ်ချင်းဆီသွားပြီး သူတို့ရဲ့ ဆိုင်ခွဲတစ်ခုမှာ အလုပ်တစ်ခုရဖို့ ပြောတော့ မကြာခင်မှာပဲ သူတို့ရဲ့ စာအုပ်အရောင်းဆိုင် တစ်ခုမှာ ကျွန်တော် အလုပ်ရခဲ့ပါတယ်။
 
တကယ်တော့ အဲဒီအချိန်မှာ ကျွန်တော်ဟာ ကျွန်တော် နေချင်တဲ့နေရာကို ဘ၀ကြီးတစ်ခုလုံး ပစ်ချလိုက်တဲ့ အချိန်ပါပဲ။ ကျွန်တော် ပျော်ရပါတယ်။ စာအုပ်တွေနဲ့ ထိတွေ့ရတဲ့ ဘ၀ဟာ တကယ်တော့ ပျော်စရာကြီးပါ။ ကိုယ်တွေ့ချင် မြင်ချင်တဲ့ စာရေးဆရာတွေရဲ့ စာအုပ်တွေကို မြင်နေရတယ်။ ကိုယ်ဖတ်ချင်တဲ့ စာအုပ်တွေကို ရွေးချယ်ဖို့ အခွင့်အရေးတွေ ရှိတယ်။ စာအုပ်တွေရဲ့ လက်တစ်ကမ်းမှာ ကျွန်တော်ရှိနေပြီလေ။ စာအုပ်တွေ ဖတ်နေရတဲ့ ဘ၀ကို ကျွန်တော်နှစ်သက်ခဲ့တာလေ။ တကယ်တော့ ဘ၀မှာ စာအုပ်တွေ ဖတ်နေရတဲ့ အချိန်ဆိုတာ ပညာရှိတွေကြားထဲမှာ နေခွင့်ရတာနဲ့ အတူတူပဲလို့ ကျွန်တော် နားလည်ခဲ့မိပါတယ်။
 
စာဖတ်ခြင်းဟာ ဘ၀အတွက် လိုအပ်တယ်လို့ ပြောခဲ့တဲ့ ဗြိတိသျှ အက်ဆေးဆရာကြီး ဂျိုးဇက် အက်ဒီဆင်ဆိုသူ ပြောခဲ့တဲ့ စကားကို ကျွန်တော် မှတ်စုထဲမှာ မှတ်သားခဲ့ဖူးပါတယ်။ `စာဖတ်ခြင်းဟာ စိတ်အတွက် လိုအပ်တယ်။ ကိုယ်လက် လှုပ်ရှား လေ့ကျင့်ခြင်းဟာ ကိုယ်ကာယအတွက် လိုအပ်သလိုပင် ကိုယ်လက်လှုပ်ရှား လေ့ကျင့်မှုက ကျန်းမာရေး ဖြစ်စေတယ်။ အင်အားတိုးစေတယ်။ အားအင်ပြည့်ဖြိုး သန်စွမ်းတယ်။ စာဖတ်ခြင်းကတော့ အကျင့်စာရိတ္တ ကောင်းမွန်စေတယ်။ ချစ်မြတ်နိုးခြင်းကို ဖြစ်စေတယ်လို့´ ဆိုပါတယ်။
 
စာအုပ်ဆိုင် အရောင်းဝန်ထမ်းဘ၀ဟာ ကျွန်တော့်ကို တန်ဖိုးရှိတဲ့ အတွေ့အကြုံတွေကို ရစေပါတယ်။ တစ်လနဲ့တစ်လ ဘယ်စာအုပ်တွေ ထွက်တယ်၊ ဘယ်စာရေးဆရာက ကောင်းတယ်၊ ဘယ်စာအုပ် အရောင်းသွက်တယ်၊ ဘယ်မဂ္ဂဇင်း ပိုရောင်းရတယ်၊ ဘယ်စာအုပ်တိုက်က ဘယ်လို စာအုပ်ကောင်းတွေ ထုတ်တယ်ဆိုပြီး ကျွန်တော် လေ့လာခဲ့မိပါတယ်။ တစ်ခေတ် တစ်ခါတုန်းကတော့ `ပုဂံစာအုပ်တိုက်ဟာ စာအုပ်ကောင်းတွေ အတော်များများ ထွက်ခဲ့တယ်ဆိုတာလည်း အမှတ်ရမိပါတယ်´
 
စာအုပ်ဆိုင်မှာ စာအုပ်ရောင်းလိုက်၊ ရောင်းရင်းကနေ စာအုပ်ကောင်းလေးတွေ့ရင် မြည်းလိုက်၊ စိတ်ထဲမှာ လကုန်ရင် ဒီစာအုပ်ကို ၀ယ်မယ်၊ ဘယ်စာအုပ်တွေ ၀ယ်ရမယ်၊ ဘယ်စာအုပ်တွေက တစ်သက်လုံး အတွက် သိမ်းရမယ်။ မဖြစ်မနေ ၀ယ်ရမယ့် စာအုပ်က ဘာဆိုပြီး ခေါင်းထဲမှာ အကန့်တွေ ခွဲနေရတာပါ။ ဟိုတုန်းက စာအုပ်ဝယ်ဖို့ဆိုတာ လခထဲကဖဲ့ပြီး ၀ယ်စုရတာလေ။ ရတဲ့လခနဲ့ လိုချင်တဲ့စာအုပ်တွေ တစ်ခါတည်း ၀ယ်နိုင်တာမှ မဟုတ်တာ၊ ဖြည်းဖြည်းချင်း ၀ယ်စုခဲ့ရတာ။
 
( ၂ )
 
စာအုပ်တွေကို ကိုယ်ကသိချင်တော့ စင်ပေါ်က စာအုပ်အားလုံးကို မွှေတာပေါ့။ ဒီလိုနဲ့ကြာတော့ ဘယ်စာအုပ်က ဘယ်နားမှာ ရှိတယ်ဆိုတာ သိတာပေါ့။ စာအုပ်တွေကို များများ မှတ်မိနေခြင်းဟာလည်း အကျိုးရှိပါတယ်။ ၀ယ်သူမေးရင် ချက်ချင်းလက်ငင်း ရှာပြီးထုတ်ပေးနိုင်တာ အကောင်းဆုံး ၀န်ဆောင်မှု ပေးနိုင်တဲ့ အရည်အချင်းပါ။
 
တစ်နေ့တော့ ကျွန်တော်တို့ စာအုပ်ဆိုင်ကို ဦးပဉ္စင်းတစ်ပါး ကြွလာပါတယ်။ စာအုပ်ဝယ်ဖို့ပါ။ ဦးပဉ္ဇင်းက တည်တည်ငြိမ်ငြိမ် ပါပဲ။ သူ ဘယ်သူမှန်းလည်း မသိပါဘူး။ နောက်မှ အဲဒီဦးပဉ္ဇင်းက အရှင်ဆန္ဒာဓိက ဆိုတဲ့ ကိုယ်တော်ပါတဲ့။ သူ့စာအုပ်တွေ သုံးလေးငါးအုပ် ထွက်ထားပြီးတဲ့ အချိန်ပေါ့။ ကိုယ့်စိတ်ကိုယ်စစ် ဆိုတဲ့စာအုပ်ရယ်၊ တစ်ယောက်တည်းနေ တစ်စိတ်ထဲထား ဆိုတဲ့စာအုပ်ဟာ ဦးပဉ္ဇင်းကို လူသိများလာစေတဲ့ အစပထမ စာအုပ်တွေပါပဲ။
 
အရှင်ဆန္ဒာဓိက လိုချင်တဲ့ စာအုပ်တွေကို ကျွန်တော်က ရှာဖွေရွေးချယ်ပြီး သူ့ရှေ့မှာ ပုံလိုက်ပါတယ်။ ဦးပဉ္ဇင်းဟာ ကျွန်တော်ရွေးပေးတဲ့ စာအုပ်အသစ်တွေကို အကုန်ဝယ်သွားပါတယ်။ သဘောကျပုံလည်း ရပါတယ်။ နောက် အခေါက်တွေမှာလည်း ဆိုင်ကို လာရင် ကျွန်တော့်ကိုပဲ စာအုပ်တွေရွေးခိုင်းပါတယ်။ ကျွန်တော်ကတော့ အရှင်ဆန္ဒာဓိက ရဲ့ စာဖတ်နိုင်ပုံကို အားကျနေခဲ့ရပါတယ်။
 
စာအုပ်တွေကို ရောင်းရင်း၊ လေ့လာရင်းနဲ့ စာအုပ်အရောင်းဆိုင်မှာ လူမျိုးစုံနဲ့ တွေ့ခဲ့ပြီး စာအုပ် အရောင်းဆိုင်က ပေးတဲ့ သင်ခန်းစာတွေကိုလည်း ကျွန်တော် ရခဲ့ပါတယ်။ စာအုပ်ဆိုင်မှာ စာအုပ် အရောင်းဝန်ထမ်း ဘ၀နဲ့နေရင်း တစ်ဖက်မှာလည်း ကျွန်တော် ၀ါသနာပါတဲ့ စာတိုပေစနဲ့ ကဗျာတွေ ရေးပြီး နီးစပ်ရာ မဂ္ဂဇင်းတိုက်တွေ ပို့နေချိန်ပေါ့။
 
ဒီလိုနဲ့ နောက်တစ်ခါ ကံကြမ္မာရဲ့ အလှည့်အပြောင်းမှာတော့ ကျွန်တော်ဟာ သူငယ်ချင်းရဲ့ တူဖြစ်သူ လင်မယား နောက်ထပ်ဖွင့်မယ့် ပန်းဆိုးတန်းက စာအုပ်ဆိုင်အသစ်မှာ ကျွန်တော် တာဝန်ခအဖြစ် လုပ်ခွင့်ရခဲ့ပါတော့တယ်။
 
( ၃ )
 
ကျွန်တော်က အဲဒီအချိန်မှာ စာအုပ်ဆိုင် အကြီးကြီး ဖွင့်ချင်တဲ့ အိပ်မက်မျိုး မက်နေတာလေ။ တစ်ပြားမှမရှိဘဲ စိတ်ကူးယဉ် နေတာပါ။ ဒါပေမဲ့ အဲဒီအချန်မှာ လုပ်ခွင့်ရတာနဲ့ ကျွန်တော်ဟာ သူတို့ဆိုင်အတွက် စာအုပ်အမျိုးအစား စုံသည်ထက် စုံအောင် လက်လှမ်းမီသမျှ ရအောင်ရှာပြီး ဆိုင်ပေါ်တင်ရောင်းခဲ့ပါတယ်။ စာအုပ် အမျိုးအစား စုံအောင်ဆိုတာ အပင်ပန်းခံရပါတယ်။ နေရာစုံက စာအုပ်တွေကို သိထားရပါတယ်။ တကယ်လည်း အဲဒီအချိန်က ဆိုင်မှာ စာအုပ် အမျိုးအစား စုံလင်တာမို့ ပန်းဆိုးတန်းလမ်းက နာမည်ကြီး စာအုပ်ဆိုင်တစ်ဆိုင်အဖြစ် လူသိထင်ရှားခဲ့သလို အရောင်းအ၀ယ်တွေလည်း အလွန်ကောင်းခဲ့ကြပါတယ်။
 
ပန်းဆိုးတန်းဟာ ခေတ်အဆက်ဆက် စာပေရာဇ၀င် ရှိခဲ့တဲ့ လမ်းဆိုရင်လည်း မမှားပါဘူး။ ပန်းဆိုးတန်းဟာ တစ်ခေတ်တစ်ခါတည်းကပင် စာပေသမားတို့ မြတ်နိုးစုံမက်ရာ စာပေလမ်းအဖြစ် ရှိခဲ့ပြီးသားပါ။ ဒီတုန်းကဆို ပညာရွှေတောင်၊ စာပေလောက ၅၊ မြင့်မိုရ်၊ အမေ့အိမ် စတဲ့ စာအုပ်ဆိုင်တွေအကြားမှာ ပလက်ဖောင်းတစ်လျှောက်မှာ စာအုပ်အဟောင်းများ အစုံအလင် ခင်းကျင်းရောင်းဝယ်ခဲ့တဲ့ စာပေလမ်းမကြီး ရှိခဲ့ဖူးပါတယ်။
 
စာအုပ်အဟောင်း ရောင်းဝယ်သူတွေထဲမှာလည်း တကယ့်ကို စာပေ၀ါသနာကြီးလွန်းတဲ့ ကဗျာဆရာ၊ စာရေးဆရာ ၀ါရင့်ကြီးတွေလည်း ပါပါတယ်။ စာအုပ် အဟောင်းတစ်မျိုးတည်းကိုသာ ရောင်းချနေသော ၀ါရင်စာအုပ် အဟောင်း ရောင်းဝယ်သမားကြီးတွေလည်း ဆုံခဲ့ရပါတယ်။ ခုနေတော့ ပန်းဆိုးတန်းစာအုပ်ဆိုင်ကြီးမှာ ကျွန်တော် တာဝန်ကျခဲ့စဉ်က အဲဒီလမ်းက စာအုပ်အဟောင်းရောင်းတဲ့ ဘော်ဒါတွေနဲ့ ပျော်ရွှင်စွာ အဖွဲ့ကျခဲ့ဖူးတာ ကိုလည်း အမှတ်ရမိပါသေးတယ်။
 
တစ်ခေတ်တစ်ခါက စာအုပ်ဆိုင်မှာ ရောင်းအားဝယ်အားတွေ ကောင်းခဲ့ကြတာတွေကို ခုနေ ပြန်တွေးတော့ ရယ်စရာတောင် ဖြစ်ရပါတယ်။ တကယ်ပါ။ ခုလက်ရှိကာလမှာလို ထုတ်ဝေရေးတွေ၊ ဖြန့်ချိေ၇းတွေ၊ အရောင်းဆိုင်တွေ ညည်းညူနေသလို မဟုတ်ပါဘူး။ မဂ္ဂဇင်းတွေဆိုလည်း တစ်လ၊ တစ်လ ထွက်လိုက်တာ မနည်းပဲ။ မှတ်တောင် မမှတ်မိတော့ဘူး။ နက္ခတ္တရောင်ခြည် ဆိုတဲ့ ဆိုင်အတွက် အုပ် ၁၀၀ လောက် ၀ယ်ရတယ်။ မဟေသီ၊ ရွှေအမြုတေ ဆိုရင် တိုက်မှာ သွားထုတ်၊ အုပ်ရေကို လိုသလောက် ကြိုမှာ ထားရတာ။ အနည်းဆုံးတော့ တစ်လ အုပ်ရေ ၈၀၊ ၁၀၀ လောက် ၀ယ်ရောင်းရတာပါ။ ကျန် မဂ္ဂဇင်းတွေ ဆိုလည်း အုပ်လေးငါးခြောက်ဆယ်တော့ မှာရောင်း ရတာပဲ။ အဲဒီခေတ်က မဂ္ဂဇင်းတွေ ရောင်းအားကောင်းခဲ့သလို အငှားဆိုင်တွေလည်း ၀ယ်အားကောင်း၊ ငှားအားကောင်း တဲ့အချိန် လူတွေလည်း စာဖတ်ကောင်းတဲ့ အချိန်ပေါ့။
 
အပေါ်လိုင်းစာအုပ်လို့ ခေါ်တဲ့ သုတ၊ ရသ၊ ပညာပေး၊ တက်ကျမ်း ၀တ္ထု အစရှိတဲ့ စာအုပ်တွေကို စာအုပ်တိုက် ပေါင်းစုံကနေ မှာယူရင် တစ်မျိုးကို အုပ်လေးငါးဆယ် ပို့ပေးပါဆိုပြီး မှာယူခဲ့ရတာမျိုးလည်း ရှိခဲ့ပါတယ်။ ဒီတုန်းက ထုတ်ဝေသူတွေ အားရှိခဲ့သလို၊ ကျွန်တော်တို့လို စာအုပ်ရောင်းသူတွေလည်း ခါးချည့်အောင် ရောင်းခဲ့ရပါတယ်။
 
ခုနေခါမှာတော့ ဟိုတုန်းက စာအုပ်ဆိုင်တွေမှာ စာအုပ်တွေ ရောင်းအား ကောင်းခဲ့တာတွေကို ပြန်တွေးရင်း ကြည်နူးရပေမယ့် ဒီနေ့ ကျွန်တော်တို့ အနီးက စာပေရပ်ဝန်းထဲမှာတော့ ရဲဘော်ရဲဘက်တွေရဲ့ စိတ်ပျက်အားလျော့ ညည်းညူနေသံတွေကို ကြားနေရတာမို့ အားသစ်တွေ ပြန်ဖြစ်စေချင်ပါတယ်။ ဒီနေ့ လူငယ်တွေ စာမဖတ်ကြတော့ဘူးလား၊ စာအုပ်တွေကို လူငယ်တွေ စိတ်မ၀င်စားတော့ဘူးလား၊ ဂျာနယ်တွေ၊ မဂ္ဂဇင်းတွေ ပြုတ်ကုန်ပြီလို့ ညည်းညူသံတွေရဲ့ အကြားမှာပဲ ကျွန်တော် ကြည့်လိုက်တော့ စာအုပ်ဆိုင်တွေထဲကို လူငယ်တွေ ၀င်နေကြပါသေးတယ်။ စာအုပ်တွေ ၀ယ်ဖတ်နေကြပါသေးတယ်။ ခုခေတ်က ကိုယ်ပိုင်ဝယ်သိမ်း ဖတ်တဲ့ခေတ်ပါ။ စာဖတ်တဲ့ လူငယ်တွေ၊ စာပေကို စိတ်ဝင်စားတဲ့ လူငယ်တွေ ရှိပါသေးတယ်။
 
တစ်ခုတော့ရှိတယ်။ ဒီနေ့မှာ သူတို့ဖတ်ချင်တဲ့ စာပေမျိုး၊ သူတို့အာသီသရှိမယ့် စာအုပ်မျိုး၊ သူတို့ခေတ်နဲ့ ကိုက်ညီတဲ့ စာအုပ်မျိုးတွေကို ရွေးချယ်ထုတ်လုပ်ပေးဖို့လည်း လိုအပ်ပါလိမ့်မယ်လို့ ကျွန်တော်မြင်မိပါတော့တယ်။
 
လင်းသက်ခိုင်
The Ladies News

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.