တရုတ်က ဒေါ်အောင်ဆန်းစုကြည်ကို အသုံးချမလား၊ ဒေါ်အောင်ဆန်းစုကြည်က တရုတ်ကိုအသုံးချမလား // သရ၀ဏ်(ပြည်) //

နိုင်ငံရေးတွင် “ထာဝရရန်သူမရှိ ထာဝရမိတ်ဆွေမရှိ၊ ထာဝရ အကျိုး စီးပွားသာ ရှိသည်” ဟူသော ဆိုရိုးစကား တစ်ခုရှိသည်။ ထိုဆိုရိုး စကား ကြောင့် ရန်သူတွေ မိတ်ဆွေ ဖြစ်သွားကြသည်။ မိတ်ဆွေတွေ ရန်သူဖြစ် သွားကြသည်။ ထိုဆိုရိုးစကားကို တရုတ်ပြည်က လက်တွေ့ကျင့်သုံးသော အခါ ဗမာပြည်ကွန်မြူနစ်ပါတီ(ဗကပ) ကျဆုံးခန်းသို့ ရောက်သွားသည်။ ဗမာပြည်ကွန်မြူနစ်ပါတီကို ယခင်က တရုတ်အစိုးရ အဆက်ဆက် အားပေးထောက်ခံခဲ့သည်။ ထောက်ခံရာတွင် ၀ါဒရေးရာ စိတ်ဓာတ်ရေး ရာ၊ နိုင်ငံရေးရာတို့တွင် ထောက်ခံသည်သာမက စစ်ရေး အထောက်အပံ့ အကူအညီ များစွာပေးခဲ့သည်။
 
မြန်မာအစိုးရကို လက်နက်ကိုင် လမ်းစဉ်ဖြင့် ဖြုတ်ချကာ ကွန်မြူနစ်အစိုးရ အောင်ပွဲခံနိုင်ရန် တရုတ်ပြည် အစိုးရသည် လက်နက်အင်အား အပြည့် ပံ့ပိုးကူညီခဲ့သည်။ အချို့တိုက်ပွဲများတွင် တရုတ်တပ်သားများ ကို ဗကပ ၀တ်စုံ ၀တ်ပေးကာ ကိုယ်ထိလက်ရောက် ၀င်တိုက်ပေးခဲ့သည်။ သို့သော် ကြာကြာဝါးမှ ခါးမှန်းသိ ဆိုသလို ဗကပတို့သည် ဖြစ်ဖြစ်မြောက်မြောက် စစ်ရေး အောင်မြင်မှုကို ဘာမှမပြနိုင်။ မြန်မာပြည်တွင်းမှာလည်း လူထုထောက်ခံမှု ထိုးကျနေသည်။ နောက်ဆုံးတွင် တရုတ်အစိုးရသည် ဗကပတို့ကို ထောက်ပံ့ အားပေးနေခြင်းဖြင့် ငွေကုန်လူပန်း ဖြစ်ရုံကလွဲ၍ တရုတ်ပြည်အတွက် အကျိုးမရှိပုံကို သိမြင်လာပြီး ဗကပတို့အား ထောက်ပံ့မှုကို ရပ်စဲလိုက်သည်။
 
နှစ်ပေါင်းများစွာ လက်တွဲလာသော ဗမာပြည်ကွန်မြူနစ် ပါတီနှင့် လမ်းခွဲလိုက်ပြီး အာဏာရ အစိုးရဖြစ်သော မြန်မာ့ဆိုရှယ်လစ် လမ်းစဉ် ပါတီအစိုးရ၊ ထို့နောက် န.၀.တ/န.အ.ဖ စစ်အစိုးရနှင့် ပူးပေါင်း ဆောင်ရွက်မည့် လမ်းစဉ်ကို အကွက်ရွှေ့သည်။ ထိုအချိန်မှစကာ ဗကပအဖွဲ့ အင်အားချည့်နဲ့ လာကာ တဖြည်းဖြည်း လုံးပါးပါးသည်။ တကယ်တော့ မြန်မာနိုင်ငံမှ လက်နက်ကိုင် အဖွဲ့များသည် တရုတ်၏ အထောက်အပံ့မရဘဲ ကြာရှည် မရပ်တည်နိုင်၊ ၀အဖွဲ့နှင့် ကိုးကန့် အဖွဲ့များသည်လည်း တရုတ် အထောက်အပံ့ဖြင့် ရှင်သန်ကြီးထွား လာကြခြင်းဖြစ်သည်။ တရုတ်တို့က ဖိအားပေးလာပါက ထိုအဖွဲ့များ ရပ်တည်ရေးသည် ခက်ခဲသွားပေလိမ့်မည်။ နောက်ဆုံးတွင် ဗ.က.ပ လို ကျဆုံးရပေလိမ့် မည်။ တရုတ်သည် ဒါကို နိုင်ကွက်တစ်ကွက်အဖြစ် ကိုင်ထားသည်။ ထို့နောက် တရုတ်၏ အကျိုးစီးပွားများ မြန်မာအစိုးရနှင့် ပေါင်းကာ ပြည်တွင်းသို့ တစိမ့်စိမ့် ၀င်ရောက်လာသည်။
 
မြန်မာစစ်အစိုးရကလည်း နိုင်ငံရေး ထောက်ခံမှုတစ်ခု အတွက် တရုတ်အစိုးရကို အလွန်အကျွံ အားကိုး ခဲ့ကြသည်။ တရုတ်သည် နိုင်ငံရေးမှာ သာမက စီးပွားရေးမှာပါ မြန်မာနိုင်ငံကို လွှမ်းမိုးကြီးစိုးထား လေသည်။ ထိုစဉ်က တရုတ်အစိုးရ၏ မိတ်ဆွေမှာ စစ်အစိုးရဖြစ်သည်။ NLD နှင့် ဒီမိုကရေစီ ဘက်တော်သားများကို ရန်သူအဖြစ် မဟုတ်တောင် ခပ်စိမ်းစိမ်း ဆက်ဆံသည်။ အဆက်အဆံ မလုပ်သလောက်ဖြစ်သည်။
 
သို့သော် တရုတ်က အလွန်လည်သည်။ တရုတ်ပြည်သည် စီးပွားရေး အလွန်တိုးတက်လာမှုနှင့် အတူ စွမ်းအင် လိုအပ်ချက်၊ သယံဇာတ လိုအပ်ချက်၊ ကုန်ကြမ်း လိုအပ်ချက် အင်မတန်ကြီးမားလာသည်။ ထိုအခါ သယံဇာတ ကြွယ်ဝသော အိမ်နီးချင်းမြန်မာနိုင်ငံ၏ အရေးပါမှုကို ကောင်းကောင်းသိသည်။ စစ်အစိုးရ ကျဆုံးသွားခြင်း၊ စစ်အစိုးရ ကျောထောက်နောက်ခံ ပြုထားသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ လူထုထောက်ခံမှု ကျဆုံးကာ အစိုးရအဖြစ်မှ ဆင်းပေး လိုက်ရခြင်း တို့သည် တရုတ်၏ နိုင်ငံရေး ရပ်တည်ချက်ကို တစ်နည်းတစ်ဖုံ ပြောင်းစေသည်။ သူတို့ ပြောင်းလဲလိုက်တာက ရိုးရိုးလေးဖြစ်သည်။ နိုင်ငံရေးတွင် ထာဝရမိတ်ဆွေမရှိ ဆိုသည့်အတိုင်း စစ်သား လူထွက်များ ကြီးစိုးသော ကြံ့ခိုင်ရေးပါတီနှင့် အဆက်အဆံ ခပ်ကျဲကျဲလုပ်လိုက်သည်။ အစိုးရဖြစ်လာသော NLD ပါတီနှင့် ဒေါ်အောင်ဆန်းစုကြည် ခေါင်းဆောင်သော ဒီမိုကရေစီ ဘက်တော်သားများကို ချက်ချင်း မိတ်ဆွေ ကောက်တော်ပစ်လိုက်သည်။ ၈၈ မျိုးဆက် ကျောင်းသား ခေါင်းဆောင် များကိုပင် တရုတ်တို့က မိတ်ဆွေအဖြစ် ကောက်ကာငင်ကာ သတ်မှတ်၍ လေ့လာရေးတွေ ဘာတွေ ခေါ်ကာ ရင်းနှီးကျွမ်းဝင် ပြလိုက်သည်။
 
တကယ်တော့ တရုတ်၏ မူဝါဒမပြောင်းလဲပါ။ သူတို့မူဝါဒမှာ နိုင်ငံရေး အာဏာရှိနေသူ နှင့် မိတ်ဆွေဖြစ်ရေးဖြစ်သည်။ ထိုဝါဒအရ တ.စ.ည ပါတီတက်လာလျှင် တ.စ.ည ကိုလူရာသွင်းမည်ဖြစ်သည်။ NDF တက်လာ လျှင် NDF ကို မိတ်ဆွေဖွဲ့မည် ဖြစ်သည် ။ ၈၈ မျိုးဆက်တွေ အာဏာ ရလာလျှင် ကိုကိုကြီး၊ မင်းကိုနိုင်တို့နှင့် မဟာမိတ်ဖွဲ့ကာ ဆွေမျိုးပေါက် ဖော် ချစ်ကြည်ရေးတွေ ဘာတွေ ကြွေးကြော်ဦးမည် ဖြစ်သည်။ ကြံ့ခိုင်ရေးပါတီ ပြန်လည်အနိုင်ရလျှင် နဂိုကတည်းက ခင်မင်ခဲ့သော အစ်ကိုကြီး ညီလေးတွေ ဖြစ်ကြဦးမည်ဖြစ်သည်။ တက်လာတဲ့ အစိုးရ ငါ့အစိုးရဟူသော (မြန်မာအခေါ် သာကူး)မူဝါဒသည် တရုတ်နိုင်ငံ၏ မူဝါဒဖြစ်သည်။ အဘယ်ကြောင့် ဆိုသော် သူ၏ အမျိုးသား အကျိုးစီးပွား ကြောင့်ဖြစ်သည်။ မြန်မာသည် ဘာသယံဇာတမှ မရှိသော ကျွန်းနိုင်ငံ သေးသေးလေးသာဖြစ်လျှင် မြန်မာကို ဤသို့ တူတူတန်တန် အလေးထား ဆက်ဆံမည် မဟုတ်တာ သေချာပေသည်။
 
သေချာသည်ကတော့ တရုတ်နိုင်ငံအတွက် မြန်မာနိုင်ငံသည် မက်လောက် စရာ သယံဇာတတွေ၊ စွမ်းအင် အရင်းအမြစ်တွေ၊ စီးပွားရေး လုပ်ကွက် တွေ၊ ပင်လယ်ထွက်ပေါက်တွေ ရှိနေတာဖြစ်သည်။ မြန်မာနှင့် တရုတ်နယ်စပ် ကုန်သွယ်ရေးသည် ဒေါ်လာဘီလီယံ ၁.၄ ခန့်ရှိပါ၏။ ဤအရေအတွက်ကား မှောင်ခိုကုန်သွယ်ခြင်း မပါသေး။ တရားမ၀င် သစ်ခိုးခုတ်ခြင်းတို့ မပါဝင်သေးပါ။ တရုတ်သည် ရခိုင်ပြည်နယ် စစ်တွေ ကမ်းလွန် ဒေသတွင်ရှိသော မြန်မာ့ သဘာဝ ဓာတ်ငွေ့သိုက်ကို လည်း လက်ဝါးကြီး အုပ်ထားနိုင်သည်။ တရုတ်သည် မြန်မာအား ငွေများ ထုတ်ချေး၏။ အကြွေးများပေး၏။ အပြန်အလှန်အားဖြင့် တရုတ်နိုင်ငံ ယူနန်ပြည်နယ်မှ မြန်မာနိုင်ငံ ရခိုင်ကမ်းမြောင် အထိ ၂၃၈၀ ကီိလိုမီတာ ရှည်သော ပိုက်လိုင်းကြီးကို ဖြတ်သန်း တည်ဆောက်ခွင့်ရခဲ့၏။ ဧရာ ၀တီနှင့် သံလွင်မြစ်ပေါ်တွင် ရေကာတာများ ပိတ်ဆို့ တည် ဆောက်ခွင့် ရခဲ့၏။ China National Offshore Oil Corporation နှင်.China National Petroleum Corporation တို့သည် မြန်မာ့ရေနံများကို သန့်စင်မှု အဆင့်မြှင့်တင်မှု လုပ်ငန်းများတွင် လုပ်ဆောင်ရန် အရေးပါ သော လုပ်ခွင့်ကန်ထရိုက် ရခဲ့ပြီး ထွက်လာသော ရေနံများကိုပါ အချိုးကျ ခွဲဝေယူခွင့်ရရှိခဲ့သည်။ Patro China ကုမ္ပဏီသည် ရွှေသဘာဝဓာတ်ငွေ့ လုပ်ကွက် (၁) မှ တရုတ်နိုင်ငံ ယူနန်ပြည် အထိ ရေနံနှင့်သဘာဝဓာတ်ငွေ့ ပိုက်လိုင်း တည်ဆောက်ခွင့်ရခဲ့သည်။
 
ထိုအရာတွေကြောင့် တရုတ်သည် မြန်မာနှင့် ပတ်သက်လာလျှင် အဝေးမှ ဥရောပနိုင်ငံများလို မာမာကျောကျော မဆက်ဆံ၊ မြန်မာနှင့် ဆက်ဆံရေးကောင်းရန် အမြဲတမ်း ကြိုးစားလေ့ရှိသည်။ ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင် ငါးနိုင်ငံတွင် ပါဝင်သော တရုတ်နိုင်ငံသည် မြန်မာအတွက်ဆိုလျှင် အမြဲတမ်း ရှေ့တန်းမှ မားမားမတ်မတ် ရပ်တည်ခဲ့သည်။ သုံးခဲလှသော ဗီတိုအာဏာကိုပင် မြန်မာအတွက်ဆိုလျှင် ဖောဖောသီသီ သုံးပေးခဲ့သည်။ မကြာသေးမီ ကာလများက ရခိုင်အရေးနှင့် ပတ်သက်သော ကုလသမဂ္ဂ လုံခြုံရေးကောင်စီ ဆွေးနွေးပွဲများတွင် တရုတ်၏ ပြင်းထန်စွာ ကန့်ကွက်မှုကြောင့် မြန်မာနိုင်ငံကို ရှုတ်ချပြစ်တင်သော မည်သည့် ဆုံးဖြတ်ချက်မှ မချနိုင်ဘဲ ဖြစ်ခဲ့ရသည်။ Non binding ခေါ် ဥပဒေအရ စည်းနှောင်မှုမရှိသော (မလိုက်နာလည်း ဘာမှမဖြစ်သော ) ကြေညာချက်များသာ ထုတ်နိုင်ခဲ့သည်။ ထိုသို့ ကာကွယ်ပေးခြင်းသည် မြန်မာနိုင်ငံကို အနောက်တိုင်းသားများ၊ ကုလသမဂ္ဂတို့ ၀င်ရောက်ခြေရှုပ်မှာကို စိုးရိမ်၍ဖြစ်သလို တရုတ်တို့၏ အကျိုးစီးပွားအတွက် မြန်မာနှင့် ဆက်ဆံရေးကောင်းလိုသောကြောင့် ဖြစ်သည်။ တရုတ်တို့ မြန်မာထံမှ အမြဲတမ်း အလိုရှိနေသည်မှာ မြစ်ဆုံဆည် တည်ဆောက်ရေး စီမံကိန်းပြန်စဖို့ဖြစ်သည်။ ထိုစီမံကိန်းကို ပြန်လည်စတင်ဖို့ တရုတ်တို့ဘက်က ဖြစ်နိုင်သမျှ နည်းလမ်းပေါင်းစုံဖြင့် ကြိုးပမ်းသွားမည်ဟု ပြောထားခဲ့ဖူးသည်။ China Power Investment Corporation ကလည်း မြစ်ဆုံစီမံကိန်းအတွက် ဒေါ်လာ ၃.၆ ဘီလီယံ ရင်းနှီးမြှုပ်နှံထားသည်။ ထို့ကြောင့် စီမံကိန်းကို လွယ်လွယ်နှင့် အလျှော့ပေးမှာမဟုတ်။
 
နိုင်ငံရေးတွင် တိုက်ဆိုင်မှုဆိုတာ ရှိခဲသည် (ရှိလေ့မရှိ)။ ယခုရက်ပိုင်းအတွင်း တရုတ်နှင့်မြန်မာကြား ထူးခြားမှုသုံးခု ဆက်တိုက်ဖြစ်သည်။ ပထမတစ်ခုမှာ တရုတ်နိုင်ငံခြားရေး ၀န်ကြီး ၀မ်ယီ မြန်မာနိုင်ငံသို့ ရောက်ရှိလာသည်။ တရုတ်နိုင်ငံခြားရေး ၀န်ကြီးသည် နိုဝင်ဘာ ၂၁ နှင့် ၂၂ တွင် ကျင်းပမည့် အာရှ-ဥရောပ နိုင်ငံခြားရေးဝန်ကြီးများ အစည်းအဝေးသို့ တက်ရောက် လာခြင်းဖြစ်သည်။ သို့သော် မစ္စတာဝမ်ယီသည် မြန်မာနိုင်ငံတွင်ရှိစဉ် သမ္မတ ဦးထင်ကျော်၊ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအာင်လှိုင်တို့နှင့် ဆက်တိုက်တွေ့ ဆုံခဲ့သည်။ တစ်နည်းပြောရလျှင် မြန်မာနိုင်ငံတွင် အာဏာအရှိဆုံး လူသုံးဦးနှင့် နိုဝင်ဘာလ ၁၉ ရက် တစ်နေ့တည်းတွင် တစ်ယောက်ပြီး တစ်ယောက်တွေ့ဆုံခဲ့ခြင်းဖြစ်သည်။ တကယ်တော့ အာရှ-ဥရောပ အစည်းအဝေးက ၂၁ ရက်နေ့မှ စတင်သော်လည်း ၂ ရက်ကြို ရောက်လာခြင်းမှာ မြန်မာနိုင်ငံမှ အရေးအပါဆုံး ခေါင်းဆောင်သုံးဦးနှင့် တွေ့ ဆုံဖို့ဆိုတာ ထင်ရှားလေသည်။ နိုင်ငံတော်သမ္မတ ဦးထင်ကျော်နှင့် တရုတ်နိုင်ငံခြားရေး ၀န်ကြီး မစ္စတာဝမ်ရီတို့တွေ့ ဆုံစဉ် နှစ်နိုင်ငံချစ်ကြည်ရင်းနှီးမှုနှင့် စီးပွားရေးပူးပေါင်း ဆောင်ရွက်မှု တိုးမြှင့်ရေး၊ ငြိမ်းချမ်းရေး လုပ်ငန်းစဉ်များတွင် ပူးပေါင်းဆောင်ရွက်မှု မြှင့်တင်ရေးနှင့် ရခိုင်ပြည်နယ်အတွင်း လုံခြုံတည်ငြိမ် အေးချမ်းရေး လုပ်ငန်းများ တိုးမြှင့်ဆောင်ရွက်နေမှုများကို ဆွေးနွေးခဲ့သည်ဟု နိုင်ငံတော်သမ္မတရုံးက သတင်းထုတ်ပြန်သည်။ ဒေါ်အောင်ဆန်းစုကြည်နှင့်တွေ့ ဆုံရာတွင် နှစ်နိုင်ငံ ဆက်ဆံရေးနှင့် ပူးပေါင်းဆောင်ရွက်ရေး။ တစ်ခုတည်းသော ရပ်ဝန်း၊ တစ်ခုတည်းသော လမ်းကြောင်း( One Belt –One Road ) စီမံကိန်း၊ မြန်မာနိုင်ငံ၏ ငြိမ်းချမ်းရေး လုပ်ငန်းစဉ်၊ ရခိုင်ပြည်နယ်အရေး တို့ကို ဆွေးနွေးခဲ့ကြောင်း နိုင်ငံခြားရေးဝန်ကြီးဌာနက သတင်း ထုတ်ပြန် သည်။
 
“တရုတ်နိုင်ငံနဲ့ မြန်မာနိုင်ငံဟာ အရွယ်အစား၊ အင်အား အလွန်ကွာခြားပေမယ့် နှစ်ဦးနှစ်ဖက် နားလည်မှု ရှိတဲ့နေရာမှာ တူညီတဲ့ တန်ဖိုးတွေနဲ့အတူ မိတ်ဆွေနိုင်ငံတွေ ဖြစ်ကြပါတယ်” ဟု ဒေါ်အောင်ဆန်းစုကြည်က ပူးတွဲသတင်းစာ ရှင်းလင်းပွဲတွင် ပြောကြားခဲ့သည်။
 
ဒုတိယ ထူးခြားချက်မှာ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့်အဖွဲ့သည် တရုတ်နိုင်ငံခြားရေး ၀န်ကြီးနှင့် နေပြည်တော်တွင် တွေ့ဆုံပြီး နှစ်ရက်အကြာ နိုဝင်ဘာ ၂၁ ရက်နေ့တွင် တရုတ်နိုင်ငံသို့ ချစ်ကြည်ရေး အလည်အပတ်ခရီး ထွက်သွားခြင်းဖြစ်သည်။ တရုတ်ပြည်သူ့ သမ္မတနိုင်ငံ ဗဟိုစစ် ကော်မရှင် အဖွဲ့ဝင်နှင့် ပူးတွဲ စစ်ဦးစီးဌာန စစ်ဦးစီးချုပ် ဗိုလ်ချုပ်ကြီး Li Zuocheng ၏ ဖိတ်ကြားချက်အရ ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော် ချစ်ကြည်ရေး ကိုယ်စားလှယ်အဖွဲ့ သည် နိုဝင်ဘာ ၂၁ ရက်နေ့ နံနက်တွင် နေပြည်တော်လေဆိပ်မှ တရုတ်နိုင်ငံသို့ ထွက်ခွာသွားကြောင်း တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်ခဲ့သည်။ ထိုခရီးစဉ်တွင် တပ်ချုပ်သည် တရုတ်နိုင်ငံ အစိုးရနှင့် တရုတ်ပြည်သူ့ လွတ်မြောက်ရေး တပ်မတော်မှ အကြီးအကဲများနှင့် တွေ့ ဆုံဆွေးနွေးခြင်း၊ တရုတ်နိုင်ငံရှိ စစ်ဘက်ဆိုင်ရာ သင်တန်းကျောင်းများ၊ စက်ရုံးများနှင့် အထင်ကရနေရာများ အား လှည့်လည်ကြည့်ရှု လေ့လာခြင်း များ ဆောင်ရွက်သွားမည်ဟု သိရသည်။ ဗိုလ်ချုပ်မှူးကြီး မင်းအောင်လှိုင်ကို တရုတ် ခေါင်းဆောင်များက အလေးထား ကြောင်း ပြသသည့် အနေဖြင့် တရုတ် ဗဟိုစစ်ကော်မရှင် အဖွဲ့ဝင်နှင့် ပူးတွဲစစ်ဦးစီးဌာန စစ်ဦးစီးချုပ်က ပေကျင်း၌ ဂုဏ်ပြုတပ်ဖွဲ့ဖြင့် ကြိုဆိုခဲ့သည်။ တရုတ်ပြည် ခရီးစဉ်အတွင်း ဗိုလ်ချုပ်မှူးကြီး မင်းအောင်လှိုင်သည် တရုတ်နိုင်ငံ သမ္မတ စီကျင်းပင်နှင့်လည်း တွေ့ဆုံခဲ့သည်။ ခရီးစဉ်အတွင်း သတိထားမိသည်မှာ ဗိုလ်ချုပ်မှူးကြီး မင်းအောင်လှိုင် သည် တရုတ်နိုင်ငံရှိ မြစ်ကြီးသုံးသွယ် ရေကာတာ ( Three Gorges Dam) သို့ သွားရောက် လေ့လာခဲ့ခြင်း ဖြစ်သည်။ ဗိုလ်ချုပ်မှူးကြီး မင်းအောင်လှိုင် တရုတ်ပြည်မှ နိုဝင်ဘာလ ၂၆ ရက်နေ့တွင် မြန်မာပြည်သို့ ပြန်ရောက်လာ၏။
 
တတိယထူးခြားမှုအဖြစ် နောက်တစ်နေ့ နိုဝင်ဘာ ၂၇ ရက်နေ့တွင် ဒေါ်အောင်ဆန်းစုကြည် တရုတ်နိုင်ငံသို့ အလုပ်သဘော ချစ်ကြည်ရေးခရီး သွားရောက်မည် ဟူသော ကြေညာချက် ထွက်လာပါသည်။ ယခုခရီးစဉ်ပါ ထည့်တွက်လျှင် ဒေါ်အောင်ဆန်းစုကြည် တရုတ်နိုင်ငံသို့ သွားခြင်းမှာ တတိယအကြိမ် ဖြစ်သည်။ ၂၀၁၆ သြဂုတ်လအတွင်းက တစ်ကြိမ်၊ ၂၀၁၇ မေလက တစ်ကြိမ် ဒေါ်အောင်ဆန်းစုကြည် တရုတ်နိုင်ငံသို့ ချစ်ကြည်ရေးခရီး သွားပြီးသားဖြစ်သည်။ ၂၀၁၇ နိုဝင်ဘာလကုန် (သို့မဟုတ်) ဒီဇင်ဘာလဆန်းတွင် ထပ်သွားခဲ့လျှင် ရှားရှားပါးပါး တစ်နှစ်တည်း တရုတ်ပြည်သို့ နှစ်ခေါက်သွားသော မြန်မာခေါင်းဆောင် ဖြစ်လာပေမည်။ တရုတ်ကွန်မြူနစ်ပါတီနှင့် ပြည်ပနိုင်ငံရေး ပါတီများအကြား အဆင့်မြင့်ခေါင်းဆောင်များ ဆွေးနွေးပွဲသို့ တက်ရောက်ရန်နှင့် နှစ်နိုင်ငံ ချစ်ကြည်ရေး မြှင့်တင်ရန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် တရုတ်နိုင်ငံသို့ အလုပ်သဘော ချစ်ကြည်ရေးခရီး သွားရောက်မည်ဖြစ်ကြောင်း နိုင်ငံတော် အတိုင်ပင်ခံရုံးက သတင်းထုတ်ပြန်သည်။
 
ဤကိစ္စသည် စဉ်းစားဖွယ်ဖြစ်၏။ တရုတ်ကွန်မြူနစ်ပါတီက ပြည်ပနိုင်ငံရေးပါတီ အဆင့်မြင့် ခေါင်းဆောင်များနှင့် ဆွေးနွေးပွဲဟု ဆိုထားရာ ဒေါ်အောင်ဆန်းစုကြည်သည် လောလောဆယ် ၂၀၀၈ ဖွဲ့စည်းပုံအခြေခံဥပဒေအရ NLD ပါတီလုပ်ငန်းများကို ၀င်ရောက်လုပ်ကိုင်ခွင့် ရပ်နားထားရရာ NLD ပါတီ အဆင့်မြင့် ခေါင်းဆောင်အနေနှင့်သွားလျှင် ဖွဲ့စည်းပုံ အခြေခံဥပဒေကို ချိုးဖောက်ရာ ရောက်ပေလိမ့်မည်။ တကယ်ဆိုလျှင် ပါတီခေါင်းဆောင်များဖြစ်သော ဦးဝင်းထိန်၊ ဦးဥာဏ်ဝင်းတို့နှင့် ဗဟိုအလုပ်အမှုဆောင် အဖွဲ့ဖြစ်စေ၊ အတွင်းရေးမှူးများဖြစ်စေ သွားရမည်ဖြစ်သည်။ ဒေါ်အောင်ဆန်းစုကြည်သည် လောလောဆယ် ပါတီလုပ်ငန်းများ ၀င်ရောက်ဆောင်ရွက်ခွင့် မရှိသဖြင့် ပါတီ ခေါင်းဆောင် အနေနှင့် သွားခွင့်မရှိပေ။ ဖိတ်သည့် ခေါင်းစဉ်ကလည်း မရှင်းမရှင်း ဖြစ်နေသည်။ ပြည်ပမှ နိုင်ငံရေးပါတီ အဆင့်မြင့် ခေါင်းဆောင်များနှင့် တရုတ်ကွန်မြူနစ်ပါတီ တွေ့ ဆုံပွဲ ဟုလည်း အမည်တပ်ထားသည်။ အလုပ်သဘော ဟုလည်း ပါသေးသည်။ အကယ်၍ ဒေါ်အောင်ဆန်းစုကြည်သည် နိုင်ငံတော်တာဝန်ဖြင့် အလုပ် သဘောအရ နိုင်ငံတော်၏ အကြံပေးပုဂ္ဂိုလ်အဖြစ် တရုတ်ပြည်သို့ သွားခဲ့လျှင်တော့ အခြေခံဥပဒေကို ကျော်လွန်ခြင်း မရှိပေ။ ပါတီခေါင်းဆောင် အနေနှင့်သွားလျှင်တော့ အခြေခံဥပဒေကို ကျော်လွန်ဖောက်ဖျက်မှုအဖြစ် စွပ်စွဲခံရ နိုင်ပေသည်။ ဖြစ်နိုင်သည်မှာ တရုတ်ကွန်မြူနစ်ပါတီမှ ပြည်ပပါတီ ခေါင်းဆောင်များနှင့် တွေ့ ဆုံပွဲသို့ ဖိတ်သည်ဆိုခြင်းမှာ တရုတ်တို့ဘက်မှ အကြောင်းမရှိအကြောင်းရှာ ခေါင်းစဉ်တပ်ခြင်း ဖြစ်သည်။ ဖြစ်နိုင်သည် ကတော့ ဗိုလ်ချုပ်မှူးကြီး မင်းအောင်လှိုင်ကို မြစ်ကြီးသုံးသွယ် ရေကာတာခေါ်ပြပြီး မပြီးပြတ်သေးသော စကားများ အတွက် ဒေါ်အောင်ဆန်းစုကြည်ကို ထပ်ခေါ်ကာ မြစ်ဆုံရေကာတာ စီမံကိန်း ပြန်လည်စတင်ဖို့ နှပ်ကြောင်းပေး စည်းရုံးလို၍ ဖြစ်နိုင်သည်။ ထိုအတွက် တရုတ် နိုင်ငံခြားရေးဝန်ကြီး ၀မ်ယီ နေပြည်တော်သို့ ရောက်လာကာ ကြီးသုံးကြီး ဖြစ်သော ( သမ္မတကြီးဦးထင်ကျော်၊ နိုင်ငံခြားရေးဝန်ကြီးနှင့် နိုင်ငံတော် အတိုင်ပင်ခံပုဂ္ဂိုလ်ကြီးအမေစု၊ ဗိုလ်ချုပ်မှူးကြီး မင်းအောင်လှိုင်) ထင်၊ စု၊ လှိုင်ကို လာရောက်တွေ့ ဆုံသွားခြင်း ဖြစ်နိုင်သည်။ ၀မ်ယီလာပြီးနောက် တပ်ချုပ်ကြီး မင်းအောင်လှိုင် တရုတ်ပြည်သို့ ထွက်သွားသည်။ ထို့နောက် ဒေါ်အောင်ဆန်းစုကြည် ရက်ပိုင်းအတွင်း သွားမည်။ တိုက်ပဲ တိုက်ဆိုင်လွန်းလှသည်။
 
ဗိုလ်ချုပ်မှူးကြီး မင်းအောင်လှိုင်သည် တပ်ပိုင်းဆိုင်ရာကိစ္စများတွင် အဆုံးအဖြတ် ပေးနိုင်သော ( Decision Maker ) ဖြစ်သည်။ သို့သော် မြစ်ဆုံဆည် စီမံကိန်းပြန်စဖို့ဆိုလျှင် ဗိုလ်ချုပ်မှူးကြီး မင်းအောင်လှိုင် တစ်ယောက်တည်းနှင့် မပြီးနိုင်။ ထိုကိစ္စအတွက် အဆုံးအဖြတ် ပေးနိုင်သူ ( Decision Maker ) မှာ မြန်မာပြည်တွင် ဒေါ်အောင်ဆန်းစုကြည် တစ်ယောက်ပဲရှိသည်။ တစ်နိုင်ငံလုံးက ဆန့်ကျင်နေသော လက်ပန်းတောင်းတောင် ကြေးနီစီမံကိန်းတွင် ဒေါ်အောင်ဆန်းစုကြည် ကြားဝင်ပြီး ဆုံးဖြတ်ပေးလိုက်ရာ ကြီးမားသော လူထုဆန့်ကျင်မှု မရှိတော့ဘဲ ပြေလည် သွားဖူးသည် (တရုတ်တို့ အောင်ပွဲရဖူးသည်)။
 
ဒေါ်အောင်ဆန်းစုကြည်နောက်တွင် ပြည်သူလူထုရှိသည်။ အနည်းဆုံးအားဖြင့် ဒေါ်အောင်ဆန်းစုကြည် ဘာပဲ ဆုံးဖြတ်သည် ဖြစ်စေ ထောက်ခံမည့် NLD ပါတီဝင်များရှိသည်။ ဒေါ်အောင်ဆန်းစုကြည်ကသာ မြစ်ဆုံဆည် စီမံကိန်းကို အကြောင်းပြချက် ကောင်းကောင်းဖြင့် ပြန်လည် စတင်လိုသည်ဆိုလျှင် NLD ပါတီဝင်များက လက်ခံကြမှာ သေချာသည်။ ပြည်သူလူထုကလည်း လက်ခံကြလိမ့်မည်ဟု (လက်ပန်းတောင်းတောင် စီမံကိန်းကို အတုယူ၍) တရုတ်တို့ စဉ်းစားဟန်ရှိသည်။ မြစ်ဆုံရေကာတာ စီမံကိန်းကို လက်ခံခဲ့သူမှာ တပ်မတော် ခေါင်းဆောင်ဟောင်းများ ဖြစ်သည်။ ခေတ္တဆိုင်းငံ့သည်ဟု မရှုပ်မရှင်း လုပ်ခဲ့သူမှာလည်း တပ်မတော် ခေါင်းဆောင်ဟောင်း ဦးသိန်းစိန်အစိုးရ ဖြစ်သည်။ ဒီကိစ္စတွင် တပ်မတော် ခေါင်းဆောင်ဟောင်းများ ပါဝင်ပတ်သက်မှု ကြီးမားနေသည်။ တပ်ခေါင်းဆောင် ဟောင်းများနှင့် တရုတ်တို့ ချုပ်ဆိုခဲ့သော မြစ်ဆုံဆည်စီမံကိန်း စာချုပ်ကိုလည်း ပြည်သူလူထုသို့ ယခုတိုင် ချမပြသေးချေ။ ထို့ကြောင့် လက်ရှိ တပ်မတော်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကိုခေါ်၍ တိုင်ပင်ဆွေးနွေး ညှိနှိုင်းခြင်း၊ အကြံဥာဏ် တောင်းခြင်းတို့ ရှိနိုင်သည်။ ထိုမှတစ်ဆင့် တက်ကာ ဒေါ်အောင်ဆန်းစုကြည်ကို တစ်နှစ်အတွင်း နှစ်ကြိမ်တိတိ (မည်သည့်နိုင်ငံခြား ခေါင်းဆောင်ကိုမှ တစ်နှစ်အတွင်း တရုတ်ပြည်သို့ နှစ်ကြိမ် ချစ်ကြည်ရေးခရီး မဖိတ်ဖူးဘဲ) အဖိတ်ထူးကာ ဖိတ်ခေါ်တာလားဟု တွေးမိလေသည်။ ပြောရလျှင် ဒေါ်အောင်ဆန်းစုကြည်၏ နိုင်ငံရေးသြဇာနှင့် ပုဂ္ဂိုလ်ရေးအရှိန်အ၀ါကို တရုတ် ခေါင်းဆောင်များက မြစ်ဆုံဆည် ရေကာတာစီမံကိန်းအတွက် အသုံးချနေခြင်းလားဟု သံသယပွားမိပါသည်။
 
ယခုအခါ ဒေါ်အောင်ဆန်းစုကြည်တွင်လည်း နိုင်ငံတကာ ဆက်ဆံရေးနှင့်ပတ်သက်၍ အခက်အခဲပေါင်းစုံနှင့် ရင်ဆိုင်နေရသည်။ ဥရောပသမဂ္ဂ၊ အမေရိကန်ပြည်ထောင်စု အပါအ၀င် နိုင်ငံတကာနှင့် ကုလသမဂ္ဂက မြန်မာနိုင်ငံနှင့် ဒေါ်အောင်ဆန်းစုကြည်၊ မြန်မာ့တပ်မတော်တို့အား ဘင်္ဂလီကိစ္စ ရခိုင်ပဋိပက္ခနှင့် ပတ်သက်ပြီး ဖိအားများစွာ ပေးနေချိန် ဖြစ်သည်။ မကြာသေးမီရက်များက ရခိုင်ပြည်နယ် အခြေအနေနှင့် ပတ်သက်၍ အစ္စလာမ်မစ် ပူးပေါင်း ဆောင်ရွက်ရေးအဖွဲ့ ( OIC ) ဦးဆောင် တင်သွင်းသော မြန်မာနိုင်ငံ လူ့အခွင့်အရေး အခြေအနေဆိုင်ရာ မူကြမ်းကို ကုလသမဂ္ဂ အထွေထွေညီလာခံ လူမှုရေး၊ လူသားချင်းဆိုင်ရာ ထောက်ထားမှုနှင့် ယဉ်ကျေးမှုဆိုင်ရာ ကော်မမတီ (တတိယကော်မတီ)တွင် ထောက်ခံမဲ ၁၃၅ မဲ၊ ကန့်ကွက်မဲ ၁၀ မဲ၊ ကြားနေမဲ ၂၆ မဲ၊ မဲမပေးသောနိုင်ငံ ၂၂ နိုင်ငံ တို့ဖြင့် အတည်ပြုခဲ့ကြသည်။ လူ့အခွင့်အရေး ကောင်စီကလည်း မြန်မာနိုင်ငံအရေးကို လူ့အခွင့်အရေး ကော်မတီထံတွင် ယခုရက်ပိုင်းအတွင်း တင်ပြဆွေးနွေးကြပေဦးမည်။ ထိုအချိန်တွင် မြန်မာဘက်မှ အားကိုးစရာ မားမားမတ်မတ် ရပ်တည်မည့်နိုင်ငံမှာ တရုတ်နိုင်ငံ၊ ရုရှားနိုင်ငံနှင့် အိန္ဒိယနိုင်ငံများသာ ရှိတော့သည်။ ထိုအခြေအနေတွင်တရုတ်က သူ၏ကြီးမားလှသော အရေးပါ အရာရောက်မှုကို အသုံးချကာ ဒေါ်အောင်ဆန်းစုကြည် ထံမှ မြစ်ဆုံ သဘောတူညီချက်ကို ရဖို့ အသုံးချလာနိုင်ပေသည်။
 
စဉ်းစားကြည့်ပြန်တော့ ဒေါ်အောင်ဆန်းစုကြည်သည်လည်း ထိုအရေးကို မမြင်ဘဲနေမည်မဟုတ်။ သူသည် အလွန် လိမ္မာပါးနပ်သော နိုင်ငံရေးသမား တစ်ယောက်ဖြစ်သည်။ တရုတ်တို့နှင့် ပူးပေါင်းနေခြင်းသည် တိုင်းပြည်အပေါ် ကျရောက်နေသော နိုင်ငံတကာ ဖိအားများ၊ ပြစ်တင်ရှုတ်ချမှုများကို လျော့ပါး သက်သာအောင် တရုတ်တို့အား အသုံးချနေခြင်းလည်း ဖြစ်နိုင်သည်။ ဒေါ်အောင်ဆန်းစုကြည်သည် အနောက်တိုင်းတွင် ကြီးပြင်းနေထိုင်ခဲ့သူဖြစ်ရာ အချိန်တန်လျှင် အနောက်နိုင်ငံများနှင့် ပြန်လည် သင့်မြတ်ကာ သဟဇာတ ဖြစ်သွားမည်သာဖြစ်သည်။ ယခုပြသ၁နာ များမှာလည်း ဘင်္ဂလီအကြမ်းဖက်သမားများ ဂြိုဟ်မွှေသောကြောင့် တပ်မတော်အပေါ် အနောက်နိုင်ငံများ အမြင်မကြည်လင်ရာမှ ဒေါ်အောင်ဆန်းစုကြည်ကိုပါ ရောယောင်ပြစ်တင် ရှုတ်ချနေကြခြင်း ဖြစ်ပေသည်။ ဒါဆိုလျှင် နိုင်ငံတကာ ဖိအားများ လျော့ပါးအေးချမ်း သွားချိန်အထိ တရုတ်တို့နှင့် အပေါ်ယံဟန်ပြ ချစ်ကြည်ရေး လုပ်နေသလား ဟုလည်း တွေးမိပေ၏။ ဒေါ်အောင်ဆန်းစုကြည်က တရုတ်တို့ကို မြန်မာ့ နိုင်ငံအရေးအတွက် အသုံးချနေခြင်းလည်း ဖြစ်နိုင်ပေသည်။ မကြာမီသော ကာလတွင် မည်သူကမည်သူ့ကို အသုံးချနေသလဲဆိုတာ ကာယကံရှင်တို့၏ ကာယကံ၊ ၀ဇီကံတို့မှ တစ်ဆင့် ပေါ်ပေါက်လာပေလိမ့်မည်။ ဘာပဲပြောပြော “နိုင်ငံရေးတွင် ထာဝရမိတ်ဆွေ၊ ထာဝရရန်သူမရှိ၊ ထာဝရအကျိုးစီးပွားသာ ရှိသည်” ဆိုတာကို ယခုအချိန်တွင်တော့ တရုတ်သမ္မတ ရှီကျင့်ဖျင်ရော၊ မြန်မာဘက်မှ နိုင်ငံတော်အတိုင်ပင်ခံပုဂ္ဂိုလ် အောင်ဆန်းစုကြည်ရော ကောင်းကောင်း သဘောပေါက်ကြမှာတော့ အသေအချာပင် ဖြစ်ပါပေ၏။ (၁.၁၂.၂၀၁၇)
 
သရ၀ဏ်(ပြည်)
The Ladies News
 

 

Vote: 
Average: 2.5 (2 votes)
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.