ညီညာမှ ပြည်သာမယ်၊ မညီညာရင်တော့ ပြည်ချာမှာပေါ့ // အေးလွင် ( ကသာ ) //

မိသားစုတစ်စုတွင် ချစ်ခင်ညီညွတ်မှုဖြင့် နေထိုင်ကြပါက အချိန်တန် လာသောအခါ ထိုမိသားစုသည် စားဝတ်နေရေး အဆင်ပြေလာပြီး ပျော်ရွှင်စရာကောင်းသော မိသားစုဖြစ်လာသည်ကို တွေ့ရမည်ဖြစ်၏။ စည်းလုံးညီညွတ်မှုနှင့် ငြိမ်းချမ်း သာယာသောကြောင့် မိသားစု စီးပွားတက်လာခြင်းဖြစ်၏။ မိသားစုပေါင်းများစွာဖြင့် ဖွဲ့စည်းထားသော ရပ်ရွာ၊ မြို့ပြ၊ နိုင်ငံ တို့သည်လည်း စည်းလုံးညီညွတ်မှုနှင့် ငြိမ်းချမ်းမှု ရှိပါက ဖွံ့ဖြိုးတိုးတက်ဖို့ အားသွန်ခွန်စိုက် အလုပ်လုပ်နိုင်သလို ပြင်ပရန် များကိုလည်း အလွယ်တကူ တွန်းလှန်ကာကွယ်နိုင်၏။ ထို့ကြောင့် စည်းလုံးညီညွတ်မှုနှင့် ငြိမ်းချမ်းမှုသည် မိသားစုတစ်ခုစီမှစ၍ နိုင်ငံအထိ အရေးပါသည်ကို တွေ့ရမည်ဖြစ်၏။
 
အမျိုးသားစည်းလုံးညီညွတ်စွာ တည်ရှိခြင်းသည် တိုင်းပြည်အတွက် အဖိုးမဖြတ်နိုင်အောင် တန်ခိုးရှိသည့် ခွန်အားတစ်ခုဖြစ်၏။ မြန်မာနိုင်ငံ သမိုင်းကိုကြည့်လိုက်လျှင် အမျိုးသား စည်းလုံးညီညွတ်မှု ပြိုကွဲချိန်များ၌ တိုင်းပြည်ပျက်သုဉ်းကြကြောင်း တွေ့ရမည်ဖြစ်၏။ အင်္ဂလိပ်တို့ မြန်မာပြည်ကို သုံးကြိမ်စစ်ခင်းပြီး သိမ်းပိုက်ခဲ့ရာ၌ အင်္ဂလိပ်တို့ လာရောက်တိုက်ခိုက်ချိန်တွင် သူတို့က အင်အားကောင်းချိန်ဖြစ်ပြီး မြန်မာတို့ဘက်၌ နန်းတွင်းရေး ရှုပ်ထွေးကာ ညီညွတ်မှု အားနည်းနေချိန် ဖြစ်နေသည်ကို တွေ့ရမည် ဖြစ်၏။ နန်းတွင်း အရှုပ်အထွေးများကြောင့် အင်အားများ ပြန့်ကျဲချိန်တွင် ပြည်ပအန္တရာယ်များကို မတွန်းလှန်၊ မခုခံနိုင်တော့ အရှုံးပေးရခြင်း ဖြစ်သည်။ လွတ်လပ်ရေး ဆုံးရှုံးခဲ့ရပြီး တစ်ပါးကျွန်ဘ၀ ကျရောက်ခဲ့ရသည့် သမိုင်းဆိုးမှာ မညီညွတ်မှုကြောင့် ပင် ဖြစ်၏။
 
အမျိုးသားစည်းလုံး ညီညွတ်မှု ပြိုကွဲချိန်တွင် လွတ်လပ်ရေး ဆုံးရှုံးခဲ့ရ၍ အကြိမ်ကြိမ် တွန်းလှန်ပုန်ကန်ကြသော်လည်း မအောင်မြင်ခဲ့ပေ။ သို့သော် မြန်မာပြည်သူ တစ်ရပ်လုံး နိုင်ငံရေး နိုးကြားလာပြီး တစ်မျိုးသားလုံးကို ညီညွတ်အောင် စုစည်းနိုင်သော ခေါင်းဆောင် ပေါ်ပေါက်လာသောအခါ လွတ်လပ်ရေးရှိခဲ့သည်ကို တွေ့ရမည်ဖြစ်၏။ လွတ်လပ်ရေးနှင့်အတူ အမွေအဖြစ် ရရှိခဲ့သည်က ပြည်တွင်းစစ် ဖြစ်၏။ ပြည်တွင်းစစ်ကြောင့် တိုင်းရင်းသား စည်းလုံးညီညွတ်ရေးဟု မည်သို့ပင် အော်နေစေကာမူ ယုံကြည်မှုကို တည်ဆောက်၍ မရနိုင်အောင် ဖြစ်နေ၏။ သက်တမ်းရှည်ကြာလှသော ပြည်တွင်းစစ်က မြန်မာနိုင်ငံကို အစစအရာရာ ဆုတ်ယုတ်ပျက်စီးစေခဲ့သည်။ ပြည်တွင်းအင်အားကို ချည့်နဲ့စေ၍ စစ်၏ဘေးထွက် ဆိုးကျိုး ဒဏ်များက ယခုထက်တိုင်အောင် ခံစားနေရဆဲဖြစ်၏။
 
လွတ်လပ်ရေးရပြီး ကတည်းက လုပ်ဆောင်ခဲ့ရမည့် ဖွံ့ဖြိုးတိုးတက်မှု လုပ်ငန်းများကို ပြည်တွင်းစစ်ကြောင့် မလုပ်ဆောင်နိုင်ရဘဲ အချင်းချင်း စစ်ခင်းရင်းသာ အချိန်ကုန်ခဲ့သည်ကို တွေ့ရသည်ဖြစ်၏။ စစ်ဘေး ကြောင့် ပြည်ပထွက်ပြေးရသည့် တိုင်းရင်းသားတို့၏ ဘ၀မှာ ကိုယ့်မြေ၊ ကိုယ့်ရေတွင် မနေနိုင်တော့ဘဲ ပြင်ပတိုင်းပြည်များ၌ အောက်ကျခံ၍ နေနေရသည်မှာ ရင်နာစရာ ကောင်းလှပေသည်။ မြန်မာနိုင်ငံ၌ မစည်းလုံး မညီညွတ်ခြင်းသည် နိုင်ငံထိပ်ဆုံး အဖွဲ့အစည်းများမှသည် အောက်ခြေ သာရေး၊ နာရေး၊ လူမှုရေး အသင်းအထိပါ ရှိနေသည်ကို တွေ့ရမည် ဖြစ်၏။ ရပ်ကွက်ထဲရှိ လူမှုရေးအဖွဲ့များကလည်း မှိုလိုပေါ နေပြီး လေး၊ ငါးယောက်နှင့် တစ်ဖွဲ့ ဖွဲ့ နေထိုင်ကြသည်ကို တွေ့ရမည် ဖြစ်၏။ မြန်မာနိုင်ငံ၌ အရေအတွက် အများဆုံးကတော့ ပါတီများဖြစ်၏ ၁၉၈၈ ခုနှစ် နောက်ပိုင်း ရွေးကောက်ပွဲ လုပ်ပေးမည်ဟု ဆိုသောအခါ မှတ်ပုံတင်သော ပါတီပေါင်း ၂၀၀ ကျော်သဖြင့် ကမ္ဘာ့အလယ်တွင် ရယ်ဖွယ်ဖြစ်ခဲ့ရ၏။ ယခုလက်ရှိလည်း မှတ်ပုံတင်ထားသည့် ပါတီများစွာ ရှိသည်ကို တွေ့ရမည်ဖြစ်၏။ နေရာယူချင်၍ အဖွဲ့ထဲဝင်ပြီး နေရာမရပါ က လူစုပြီး အဖွဲ့ခွဲထောင်သော အကျင့်ကြောင့် ပါတီလည်း များ၏။ သာရေး၊ နာရေး အသင်းလည်း များ၏ဟု ဆိုရမည်ဖြစ်၏။ ကျစ်လျစ်၍ အင်အားရှိပြီး ထိရောက်သော အဖွဲ့များဖြစ်ဖို့ မကြိုးစားကြဘဲ အချင်းချင်း စိတ်ဝမ်းကွဲကာ နေရာလုယူကြသော အကျင့်များက အသင်းအဖွဲ့များကို အင်အားလျော့စေသည်။
 
စာရေးဆရာကြီး တစ်ယောက်က စာပေဟောပြောပွဲ တစ်ခုတွင် ဟောပြောဖူး၏။ သူတို့မြို့တွင် ပရဟိတအသင်းများ၊ နာရေး အသင်းများ အပြိုင်ဖွဲ့ကြရင်း အဖွဲ့များက များလှသဖြင့် ၀န်ဆောင်မှုလုပ်ကြရစဉ် လူနာအိမ်ရှာရပြီး သေဆုံးပါက အပြိုင်အဆိုင် ကူညီကြကြောင်း ရယ်စရာအနေဖြင့် ဟောဖူး၏။ တစ်ဖက်တည်း တွေးမိသည်မှာ အသင်းအဖွဲ့များ အပြိုင်အဆိုင် ရှိနေခြင်းကြောင့် ရွေးချယ်မှုပြုနိုင်သည်ဟု ဆိုနိုင်သော်လည်း အသင်းအင်အားများမှာ စုစည်းမှု မရှိ ပြန့်ကျဲနေတတ်သဖြင့် ရေရှည် တည်တံ့အောင်မြင်သော အသင်းဖြစ်ဖို့ မလွယ်ကူခြင်းဖြစ်၏။ စိတ်ကူးပေါက်၍ အသင်းထောင်လိုက်ကြ၊ ပြန်ပျက်သွားလိုက်ကြသော အသင်းများစွာကို တွေ့ရမည်ဖြစ်၏။
 
လောကတွင် ကိုယ့်မိသားစုဝင် အချင်းချင်း အမြဲတစေ ရန်ဖြစ်နေပါက အခြားမိသားစုများက အထင်သေးခြင်းကို ပထမဦးစွာ ခံရမည်ဖြစ်၏။ စိတ်မချမ်းမြေ့မှုနှင့် အတူ ဘာလုပ်လုပ် အဆင်မပြေတော့ပေ။ တွေ့ဖူးသော မိသားစုတစ်ခုရှိ၏။ လူကြီးသုံးယောက်၊ ကလေးသုံးယောက် ရှိ၍ နေ့စဉ်ရန်ဖြစ်ကြသော အိမ်ဖြစ်၏၊ ရန်ဖြစ်ခြင်းမှာ သူတို့ မိသားစုအတွက် လုပ်ရိုးလုပ်စဉ် အလုပ်တစ်ခုဖြစ်၏။ နေ့စဉ် ဆူပူနေသော သူတို့အိမ်ကို ပတ်ဝန်းကျင်က အထင်အမြင်သေးကြသည်ကို ဂရုမစိုက်ကြဘဲ အချင်းချင်း ရန်ဖြစ်ဖို့သာ အားသန်ကြသူများဖြစ်၏။
 
အိမ်ကိုစိတ်ကုန်လာသော သားအကြီးက အဝေးတစ်နေရာသို့ ထွက်သွားပြီး အိမ်ထောင်ပြုနေလိုက်ကာ မိဘများ သေသော်လည်း ပြန်မလာတော့သည်အထိ သူ့အိမ်ကို စိတ်နာသွား၏။ ကျန်သူများကလည်း တစ်ယောက်ပြီး တစ်ယောက် ဆုံးကာ နောက်ဆုံး ကျန်သည့်နှစ်ယောက်က အိမ်ရောင်းပြီး ထွက်သွားကြမှ သူတို့အိမ်၏ရန်ပွဲ ပြီးဆုံးသွား၏။ အမြဲရန်ဖြစ်တတ်သော ထိုမိသားစု အကြောင်း စဉ်းစားမိတိုင်း ကျွန်တော်တို့ တိုင်းပြည်လည်း ထိုမိသားစုကဲ့သို့ ပုံတူဖြစ်နေသလားဟုပင် အတွေးရောက်မိ၏။ မြန်မာတို့၏ စည်းလုံးညီညွတ်မှု မရှိ၊ အကွဲကွဲ အပြားပြား ဖြစ်နေပုံနှင့် ဥာဏ်ရည်နိမ့်ပြီး ရန်လိုနေကြပုံတို့ကို facebook တွင် ကြည့်ပါက ထိတ်လန့်ဖွယ်ရာ ကောင်းအောင် တွေ့ရမည်ဖြစ်၏။ မိန်းကလေးချင်းလည်း ပက်ပက်စက်စက် ဆဲကြ၏။ မိန်းကလေးနှင့် ယောက်ျားလေး ဆဲကြ၏။ တစ်ဖွဲ့နှင့် တစ်ဖွဲ့လည်း အပြိုင်ဆဲရေးကြသည်။ ကိုယ့်ခေါင်းဆောင်များကို လော်ဘီလုပ်ကြရင်း ပြိုင်ဘက် ခေါင်းဆောင်များကို ကလော်တုပ်ကြ၏။ ရဟန်းသံဃာများလည်း သာသနာ့သမိုင်းတွင် မကြုံဖူးလောက်အောင် အဆဲခံကြရ၏။ ဘုရားခိုး၊ လူသတ်သမားကို သူရဲကောင်းပမာ အမွှမ်းတင်ချင်သူက ရှိသေး၏။ တိုင်းပြည် အကျိုးအတွက် အစစအရာရာ စွန့်လွတ် အနစ်နာခံလုပ်ဆောင် နေသည့် နိုင်ငံ့ခေါင်းဆောင်ကို ဆဲ၍ ထောင်ကျ၍ လွတ်လာသူကို သူရဲကောင်းပမာ ကြိုဆိုကြ၊ ဂုဏ်ယူသူ ရှိနေသမျှ မြန်မာပြည်ကြီး တိုးတက်ဖို့ မလွယ်ကူလှပေ။ ဘာသာတစ်ခုနှင့်တစ်ခု အမုန်းတရား ကြီးထွားစေရန် လှုံ့ဆော်ကြသူများ၊ တိုင်းပြည် မငြိမ်မသက် ဖြစ်စေရန် သတင်းအမှားကို စနစ်တကျ ဖြန့်နေသူများဖြင့် ပြည့်နေသော အခြေအနေသည် အလွန်စိတ်ပျက်ဖွယ်ရာ ကောင်းလှသည်ကို တွေ့ရမည်ဖြစ်၏။
 
ဆူပူမှုဖြစ်ရန် ငွေပေးစည်းရုံးသူများနှင့် ငွေအတွက် ဘာမဆို လုပ်မည့် လူမိုက်များ အားကောင်းနေခြင်းကလည်း စိုးရိမ်စရာ ကောင်းလှပေသည်။
 
လက်ရှိ မြန်မာနိုင်ငံတွင် ပြသ၁နာပေါင်းများစွာကို ရင်ဆိုင်နေရချိန်ဖြစ်၏။ စီးပွားရေး မပြေလည်မှုများမှသည် မြန်မာတို့၏ အသက်သွေးကြော ဧရာဝတီ၏ ရေရှည် တည်တံ့နိုင်ရေးနှင့် ရခိုင်ပြည်နယ်တွင် ဖြစ်ပွားနေသော ဘင်္ဂလီအရေးကိစ္စများသည် အကိုင်အတွယ် မတတ်ပါက မြန်မာပြည်မြေပုံ ပဲ့ထွက်သွားရမည့် အနေအထားများ ဖြစ်၏။ ရခိုင်ကိစ္စအတွက် ပြင်ပကမ္ဘာမှ ဖိအားများသည် ကြောက်မက်ဖွယ် ကောင်းလှပေ၏။ နည်းမျိုးစုံဖြင့် မြန်မာနိုင်ငံကို ဖိအားပေးနေချိန်တွင် မြန်မာပြည်သူတစ်ရပ် လုံး ညီညွတ်စွာဖြင့် တွန်းလှန်ရမည့် အချိန်၌ အစိုးရအခက်၊ တို့အဖွဲ့အချက် လုပ်ချင်ကြသော အဖွဲ့များလည်း ရှိနေသည်ကို ၀မ်းနည်းဖွယ်ရာ တွေ့နေရ၏။
 
စည်းလုံးညီညွတ်ခြင်းသည် ခွန်အားဖြစ်သည်ဟု ဆိုရိုးစကားရှိသော်လည်း မစည်းလုံး မညီညွတ်ဘဲ အချင်းချင်းရန်ဖြစ်၍ နေရာယူချင်နေကြခြင်းသည် မြန်မာပြည်၏ သင်္ကေတပုံရိပ်ဖြစ်နေပြီလားဟု ဆိုရမလောက်အောင် ပြည်တွင်း၌ ညီညွတ်မှု အားနည်းနေသည်ကို တွေ့ရမည် ဖြစ်၏။
 
ပတ်ဝန်းကျင်တွင် ဂုဏ်သိက္ခာ ရှိသော မိသားစုဖြစ်ဖို့ အိမ်သားအချင်းချင်း စည်းလုံး ညီညွတ်မှုက အရေးပါသကဲ့သို့ ကမ္ဘာ့အလယ်တွင် မြန်မာနိုင်ငံဟု ထည်ဝါစွာ ရပ်တည်နိုင်ပြီး ပြင်ပကျူးကျော်မှုများကို တွန်းလှန်နိုင်စွမ်းရှိစေရန် ပြည်တွင်း စည်းလုံးမှုနှင့် ငြိမ်းချမ်းရေး ရဖို့သည် အလွန်အရေးကြီးသည်ဟု ထင်မိပါသည်။
 
အေးလွင် ( ကသာ )
The Ladies News
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.