နယ်စပ်မှာဖွံ့ဖြိုးနေတဲ့ အခွန်လွတ်ကာစီနိုလုပ်ငန်း || စိုးရာဇာထွန်း ||

လူဝင်များ၊ ဝင်ငွေကောင်းလွန်တဲ့ နယ်စပ်လောင်းကစားရုံတွေက ပြည်တွင်းပြည်ပ ဧည့်သည်တွေကို ကြိုဆိုနေပါတယ်။
 
သြဂုတ်လလယ်ပိုင်း ကရင်ပြည်နယ်၊ မြဝတီမြို့ နယ်စပ်ဂိတ်တွေထဲက နာမည်ကြီး ကိုးသုံးလုံးဂိတ်ကို ကျွန်တော်တို့ ရောက်လာချိန်မှာ နယ်ခြား စောင့်တပ် ယူနီဖောင်းဝတ် သုံးလေးဦးခန့်က ကျွန်တော်တို့ စီးလာတဲ့ ကားကို ခေတ္တရပ်ဖို့ လက်ပြလိုက်ပါတယ်။ အချိန်ကတော့ ည ၈ နာရီကျော် ပါပြီ။ ကားအတွင်းမီးရောင်အောက်က ကျွန်တော်တို့ကို ခဏတာ ကြည့်ရှု စစ်ဆေးပြီး သွားကစားကြမယ့် လူတွေလားလို့ ယူနီဖောင်းဝတ်တစ်ဦးက မေးပါတယ်။ ကားထဲက မြဝတီမြို့ခံ လူငယ်တစ်ဦးက ဟုတ်တယ်လို့ ဖြေပြီးနောက်မှာတော့ သူတို့က ကားကို ဆက်မောင်းခွင့် ပြုလိုက်ပါတယ်။
 
အဲဒီဂိတ်ကနေ ၃ မိနစ်ခန့် အနှေးဆက်မောင်းပြီး ကိုးသုံးလုံး ကာစီနိုခြံ ဝင်းထဲ ချိုးကွေ့ဝင်လိုက်တော့ အဲဒီခြံဝန်းကြီးထဲမှာ ကားအရေအတွက် တစ်ရာကျော် တွေ့ရပါတယ်။ ဒီနေရာက လုပ်ငန်းတွေကို ထိုင်းလုပ်ငန်း ရှင်က ပိုင်တယ်လို့ သိရပါတယ်။ ဒီခြံနဲ့ကပ်လျက်မှာ သောင်ရင်းမြစ် ရှိနေပါတယ်။ ခြံထဲမှာ ကာစီနိုရုံအပြင် စတိုးဆိုင်၊ စားသောက်ဆိုင်၊ ဒေသခံတို့အဆို အမျိုးသား ဧည့်သည်တွေ သွားတတ်တယ်ဆိုတဲ့ အဆောက်အအုံတို့ကိုလည်း တွေ့ရပါတယ်။
 
ဝင်ပေါက်ဝအပေါ်ပိုင်း LED ဘုတ်ကြီးမှာတော့ အနောက်တိုင်း စတိတ် ရှိုးတွေ ပြသထားတယ်။ ဝင်ပေါက် လုံခြုံရေးဝန်ထမ်းတွေက ပစ္စည်း ရှာဖွေရေး စက်တွေနဲ့ စစ်ဆေးပြီးမှ အဆောက်အအုံထဲကို ဝင်စေပါတယ်။ ဝင်ပေါက်ကျော်တာနဲ့ တွေ့ရတဲ့ ဗဟို လောင်းကစားခန်းမကြီးထဲမှာတော့ လူတွေအားလုံး ကိုယ့်အလုပ်ကို သဲကြီးမဲကြီး လုပ်နေကြတယ်။ လောင်းကစားတဲ့သူတွေထဲမှာ မြန်မာပြည်သားက လူနည်းစုလောက်ပါပဲ။ အများစုကတော့ သစ်သစ်လွင်လွင် ဝတ်စားထားတဲ့ ထိုင်းတွေပါ။
 
ဒီနေရာမှာ ကျား-နဂါး၊ ရှမ်းကိုးမီး၊ ဂျက်ပေါ့၊ ငါးဂိမ်းဆိုတဲ့ ကစားနည်းတွေ ရှိပါတယ်။ ကစားသူအားလုံး ထိုင်းဘတ်ငွေသာ အသုံးပြုကစားနေတာ တွေ့ရတယ်။ မြန်မာကျပ်ငွေ အသုံးပြုကစားတာ ရှိပေမယ့် နည်းပါတယ်။ ကစားမယ်ဆိုရင် မြန်မာကျပ်ငွေကို ကောင်တာမှာ ထိုင်းငွေနဲ့ လဲလှယ်ပြီး ကစားရတာပါ။
 
ကစားဝိုင်းတွေမှာ အသားဖြူဖြူ ထိုင်းအမျိုးသမီးလေးတွေက ငွေအလျော် အစား ကြီးကြပ်သူတွေပါ။ ငွေအလျော်အစားပေးသူ ဝန်ထမ်းတွေကို စောင့်ကြည့်သူရှိသလို အဲဒီစောင့်ကြည့်သူတွေကို ကြီးကြပ်ဖို့ ဝန်ထမ်းတွေ လည်း ထပ်ရှိနေပါသေးတယ်။ ဖောက်သည်တွေ ထိုင်ရာမထ ကစားနိုင် ဖို့ ဝန်ထမ်းတချို့က အစားအသောက်၊ အဖျော်ယမကာတွေကို တွန်းလှည်း လေးပေါ် တင်ပြီး ကစားဝိုင်းနားအရောက် လိုက်လံ ဝန်ဆောင်မှု ပေးနေတာပါ။ ထမင်းချိန် ထမင်းစားမယ်ဆိုရင်လည်း ကစားဝိုင်းရဲ့ အနီးအနားလေးမှာပဲ စားသောက်ဆိုင်၊ စားသောက်အခန်း တွေက အဆင့်သင့်ပါ။ ဒီအစားအစာတွေ အကုန်လုံးကို အခမဲ့စားသောက် နိုင်ပါတယ်။ ကစားရုံကြီးကတော့ တော်တော်လေး သန့်ရှင်းသပ်ရပ်ပါ တယ်။
 
နေရာအနှံ့မှာ လုံခြုံရေးကင်မရာ မြောက်မြားစွာ တပ်ဆင်ထားပါတယ်။ မဟုတ်တာ လုပ်တတ်သူတွေအတွက် ဒီနေရာက လုံးဝခွင့်လွှတ်မယ် မထင်ပါဘူး။ ဒီရုံကြီးရဲ့ အခန်းတစ်နေရာမှာ ကပ်ထားတဲ့ အမည်စာရင်းက သက်သေပေါ့။ ဖုန်းခိုးသူ၊ ခါးပိုက်နှိုက်၊ ကစားဝိုင်းမှာ ပါဝင်ခြင်းမပြုဘဲ အစားအသောက်တွေကို လာရောက် စားသောက်သူတွေ ဖြစ်တယ်လို့ ဆိုပါတယ်။ ဒီလူတွေအတွက် ဒီလောင်းကစားခန်းမက အမြဲတံခါး ပိတ်ထားတယ်၊ လာလို့တွေ့ရင် ပြန်ခိုင်းတယ်လို့ ကာစီနိုကို ဝင်ထွက်နေတဲ့ ဒေသခံတစ်ဦးက ပြောပြပါတယ်။ ဒီကာစီနိုရုံရဲ့ ထူးခြားချက် တစ်ခုက ဘယ်သူ ငွေကျန်ကျန်၊ ပစ္စည်းတွေ ကျန်ကျန် ပြန်မရဘူးဆိုတာ မရှိစေရ ပါဘူး ဆိုတာပါပဲ။ ပိုင်ရှင်က မိမိပစ္စည်း ကျန်ခဲ့ကြောင်း ဆက်သွယ်မယ် ဆိုရင် ပြန်ရဖို့က သေချာပါတယ်လို့ ကာစီနို ကစားသူတစ်ဦးက ပြောပါ တယ်။
 
လုံခြုံရေးကင်မရာ၊ လုံခြုံရေးဝန်ထမ်းတွေနဲ့ တင်းတင်းကျပ်ကျပ် ရှိနေပေမယ့် ဒီနေရာလာဖို့ဆိုရင် နိုင်ငံသား စိစစ်ရေးကတ်၊ ယာဉ်မောင်း လိုင်စင်တို့ ယူလာစရာ မလိုပါဘူး၊ ယူလာရမှာကတော့ ဖောင်းနေတဲ့ ပိုက်ဆံအိတ်ပါပဲ။
 
၂၄ နာရီ ဖွင့်တဲ့ ဒီလောင်းကစားရုံက ညဘက်သာ ပိုစည်းကားတယ်လို့ လာကစားသူတွေက ဆိုကြပါတယ်။ ထိုင်းဘက်ကနေ သောင်ရင်းမြစ် ဖြတ်ပြီး လာကစားသူတွေ သွားရေးလာရေး ပိုမိုအဆင်ပြေစေဖို့ အခမဲ့ ကူးတို့လှေ ဝန်ဆောင်မှုလည်း စီစဉ်ပေးထားပါတယ်။
 
လောင်းကစားရုံမှာ ၃ လုံးထီလည်း ဖွင့်ပေးထားပါတယ်။ ထိုင်းပြည်တွင်း ၃ လုံးထီတော့ မဟုတ်ပါဘူး၊ ဒီကာစီနိုရုံက မနက်တစ်ကြိမ်၊ ညပိုင်း တစ်ကြိမ် ဖွင့်ပေးနေတဲ့ ၃ လုံးထီမျိုးပါ။ ပေါက်ဂဏန်းကိုတော့ ခပ်ချော ချော ဝန်ထမ်း မိန်းကလေးတွေက ဖွင့်ပေးကြတာပါ။ ဗဟို လောင်းကစား ခန်းမရဲ့ ညာဘက်မှာရှိတဲ့ ဒုတိယအကျယ်ဆုံးလို့ ဆိုနိုင်တဲ့ အခန်းမှာတော့ ကျား၊ နဂါး ကစားဝိုင်းတွေပဲ ရှိပါတယ်။ ဒီကစားဝိုင်းတွေမှာ အများဆုံး ပုံအောထိုးကြတာ တွေ့ရပါတယ်။ တစ်ဝိုင်းမှာ လူ ၂ဝ နီးပါး ရှိနေတတ်ပါ တယ်။ အဲဒီထဲမှာ လောင်းကစားမှုရဲ့ ထုံးစံအတိုင်း နိုင်သူက တစ်ဦး၊ နှစ်ဦးပါ၊ ကျန်လူတွေက လက်ဗလာနဲ့ ပြန်သွားတာချည်းပါပဲ။
 
ညပိုင်း ၉ နာရီကျော်လောက်မှာတော့ အခမဲ့ကျွေးမွေးတဲ့ ကာစီနိုရုံကြီးထဲ က စားသောက်ခန်းမှာ လိမ္မော်အချိုရည် တစ်ခွက်သောက်ပြီး ကျား-နဂါး ကစားဝိုင်းဘက် ပြန်လှည့်လိုက်ပါတယ်။ ထိုင်းဘတ် ၄ဝ ဆယ်ကို နှစ်ကြိမ် ခွဲထိုးလိုက်ပါတယ်။ မနိုင်ပါဘူး။ အဲဒီကစားနည်းက တစ်ကြိမ်ကို ၁ မိနစ်ကျော်လောက်သာ ကြာပါတယ်။ ကျားမဟုတ် နဂါးတစ်ခုခု ရွေးထိုးရ တာပါ။ တစ်ဝိုင်းမှာ တစ်ကြိမ်ကို ပျမ်းမျှ ဘတ် ၂ဝ,ဝဝဝ လောက်ထိုးရင် ပျမ်းမျှ ဘတ် ၈,ဝဝဝ လောက်သာ ဒိုင်ဘက်က ပြန်လျော်ရတာ တွေ့ရမှာ ပါ။ ငွေလျော်သူက တစ်ဝိုင်းမှာ မိန်းကလေး နှစ်ဦးစီ ရှိပါတယ်။ ခေါင်း မဖော်တမ်း လောင်းကစားနေသူတွေကို ကျောခိုင်းပြီး အပြင်ဘက် ထွက်လာတော့ လောင်းကစားရုံရှိရာကို ကူးလာတဲ့ ထိုင်းဘက်ကမ်းက လူတွေကို တွေ့ရသလို ကစားပြီး ပြန်ကြတဲ့ ထိုင်းတွေကိုလည်း တွေ့ရပါ တယ်။ အချိန်က ည ၁ဝ နာရီ ဝန်းကျင်ပါ။
 
ဘယ်ဒေသမှာပဲဖြစ်ဖြစ် လောင်းကစားရှုံးမှု နောက်ဆက်တွဲအဖြစ် ပေါ်ပေါက်လာတတ်တဲ့ ဆိုးကျိုးတွေထဲမှာ ရာဇဝတ်မှုလည်း ပါပါတယ်။ ဖြစ်တတ်တဲ့ ရာဇဝတ်မှုထဲမှာ ခိုးမှု၊ လုယက်မှု၊ ကိုယ့်ကိုယ်ကိုယ် သတ်သေမှုတွေကို တွေ့ရမှာပါ။
 
လောင်းကစား လုပ်ငန်းကြီးငယ် ပေါများတဲ့ နယ်စပ်မြို့ မြဝတီမှာ လောင်းကစားမိတဲ့အတွက် မြေကွက်၊ အိမ်၊ တန်ဖိုးးကြီး ပိုင်ဆိုင်မှု ကုန်ဆုံးသွားကြသူ ရှိကြတယ်လို့ စုံစမ်းသိရှိရပါတယ်။ လင်မယားနှစ်ဦး လုံး လောင်းကစားကြောင့် တိုက်အိမ်တွေ ကုန်ဆုံးကာ အကြွေးတင်မှု တွေဖြစ်ပြီး ကိုယ့်ကိုယ်ကိုယ် အဆုံးစီရင် သေဆုံးသွားတာ ရှိခဲ့ဖူးတယ်လို့ မြဝတီမြို့ခံတစ်ဦးထံက သိရပါတယ်။ ဒီပြောဆိုချက်ကို မြဝတီမြို့နယ်က ပြည်နယ်လွှတ်တော် အမတ်ဖြစ်သူ ဦးသန့်ဇင်အောင်ကလည်း ဟုတ်မှန်ကြောင်း ပြောဆိုပါတယ်။
 
"လောင်းကစားရုံတွေ၊ ကျွန်တော်တို့ ဒီမြစ်ကမ်းတစ်လျှောက်မှာ သွားကြည့်။ အများကြီးရှိတယ်" လို့ ဦးသန့်ဇင်အောင်က ပြောပြပါတယ်။ မြဝတီမြို့တွင်း လောင်းကစား လုပ်ငန်းလေးတွေကို အရေးယူတဲ့သတင်း မကြာခဏ ကြားနေရပါတယ်။
 
ဒေသတွင်းမှာ ကာစီနိုအပါအဝင် လောင်းကစားလုပ်ငန်းတွေ ပပျောက်ဖို့ ဆန္ဒရှိကြောင်း ပြောပြပါတယ်။ ဒါတွေနဲ့ ပတ်သက်ပြီး သူ့အနေနဲ့ ပြည်နယ်လွှတ်တော်မှာ တင်ပြခဲ့တယ်၊ ဒီနေ့အထိ ထူးခြားလာတာတော့ မတွေ့သေးပါဘူးတဲ့။ ဦးသန့်ဇင်အောင်ကတော့ ပိတ်ပင်ဖို့ ခက်နေတဲ့ လောင်းကစားလုပ်ငန်းကနေ နိုင်ငံတော်အတွက် အခွန်ငွေ ရဖို့ သီးသန့် ဥပဒေတစ်ခု ရှိသင့်ကြောင်း အကြံပြုချင်သူပါ။
 
နယ်ခြားစောင့်တပ် ဗိုလ်မှူးကြီးစောချစ်သူကလည်း ဒီလောင်းကစား ရုံတွေကနေ နိုင်ငံတော်က အခွန်ငွေ မရရှိကြောင်း သဘောပေါက်ပါ တယ်။ မြဝတီက ကာစီနိုလုပ်ငန်းကို တရားဝင်ဖြစ်စေချင်တယ်၊ ဒါဆိုရင် နိုင်ငံအတွက် အခွန်မနစ်နာတော့ဘူးလို့ သြဂုတ်လ ၂၃ ရက်နေ့က ပြောပါတယ်။
 
ကာစီနိုရုံတွေဟာ နိုင်ငံတကာမှာလည်း ရှိနေတဲ့အတွက် မြဝတီဒေသ မှာလည်း တရားဝင်အနေနဲ့ လုပ်ခွင့်ရဖို့ ခွင့်ပြုချက် တောင်းထားတယ်၊ နှစ်ဦးနှစ်ဖက် အဆင်ပြေမယ့် အခွန်ဆောင်မှုပုံစံ ဖြစ်ဖို့ အစိုးရ ဆောင်ရွက် ပေးနိုင်မယ်လို့ မျှော်လင့်နေတယ်လို့ ကရင်ပြည်နယ်မှာ နယ်ခြားစောင့်တပ်ကို ဦးဆောင် တည်ထောင်ခဲ့တဲ့ ဗိုလ်မှူးကြီး စောချစ်သူက ဆိုပါတယ်။
 
မြဝတီက ကာစီနိုလုပ်ငန်းကို ထိုင်းလုပ်ငန်းရှင်နဲ့ တွဲဖက်လုပ်ကိုင်နေ တယ်လို့ သူ့ဆီက သိရပါတယ်။
 
"အဲ့ဒီအဆောက်အအုံဟာ ကျွန်တော်တို့ ဆောက်တယ်။ နောက်ပိုင်း လိုအပ်တဲ့ဟာ သူတို့(ထိုင်း)လုပ်ပေးတာ" လို့ ကရင်ပြည်နယ် အတွင်း စီးပွားရေးလုပ်ငန်းမျိုးစုံကို စီမံနေတဲ့ ဗိုလ်မှူးကြီးစောချစ်သူက ဆိုပါတယ်။
 
ကာစီနိုရုံနားမှာ ဟိုတယ်လည်း ဖွင့်မယ်လို့ သူက ဆက်ပြောပါတယ်။
 
တနင်္သာရီတိုင်းက ဟိုတယ်လုပ်ငန်းရှင်များနဲ့ နီးစပ်တဲ့ စီးပွားရေးသမား တစ်ဦးက ကာစီနိုလုပ်မယ်ဆိုရင် ဟိုတယ်လုပ်ငန်းနဲ့ တွဲပြီးမှ ဖွင့်လှစ် ခွင့်ပေးမယ်လို့ ကြားထားကြောင်း ပြောပါတယ်။ နယ်စပ်မှာ ဆိုရင် ကာစီလိုလောင်းကစား လုပ်ပိုင်ခွင့် ရှိတယ်လို့လည်း သူက သဘောပေါက် ထားပါတယ်။
 
ကချင်၊ ရှမ်းပြည်နယ်တို့မှာရှိတဲ့ အသေးစား၊ အကြီးစား ကာစီနိုရုံများမှာ တရုတ်နိုင်ငံဘက်က စိတ်အပန်းဖြေသူတွေ၊ လုပ်ငန်းရှင်တွေ လောင်း ကစား လာလုပ်ကြပါတယ်။
 
မြဝတီက ကာစီနိုရုံအပါအဝင် ကရင်နဲ့ တနင်္သာရီတိုင်းဒေသကြီး တို့မှာရှိတဲ့ ကာစီနိုရုံတွေကလည်း ထိုင်းနိုင်ငံဘက်က လာသူများ အတွက် ဆိုရင် အချိန်မရွေး ကြိုဆိုလျက်ပါ။ အခမဲ့ သယ်ယူပို့ဆောင်ရေးကအစ လုံခြုံရေးအထိ ဝန်ဆောင်မှု ပေးနေပါတယ်။
 
တရုတ်၊ ထိုင်းတို့မှာ တရားဝင် ဖွင့်ခွင့်မရတဲ့အတွက် မြန်မာဘက်က နယ်စပ်မြို့တွေမှာ လာရောက် လောင်းကစားသူတွေ အများအပြားကို ကာစီနိုရုံတွေမှာ နေ့တိုင်း တွေ့ရပါလိမ့်မယ်။ ငွေကြေးစီးဆင်းမှု ကြီးမား များပြားတဲ့ ကာစီနိုလောင်းကစား လုပ်ငန်းကို ဆက်ပြီး ခွင့်ပြုမလား၊ ခွင့်ပြုမယ်ဆိုရင် အခွန်ငွေ တရားဝင် ရရှိဖို့ ဘယ်လို လုပ်ဆောင်မလဲ ဆိုတာကို သက်ဆိုင်ရာက မြန်မြန်ဆုံးဖြတ်ရင် တိုင်းပြည်အတွက် ပိုမို အကျိုးရှိမှာ ဖြစ်ပါတယ်။
 
စိုးရာဇာထွန်း
( သြဂုတ်လလယ်ပိုင်းက တွေ့ရတဲ့ မြဝတီမြို့ ကိုးသုံးလုံးနယ်စပ်ဂိတ်နားက ကာစီနိုရုံအတွင်းဘက် နဲ့ အပြင်ဘက် မြင်ကွင်းအချို့ ။ ဓာတ်ပုံ -စိုးရာဇာထွန်း)
The Ladies News
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.