သယံဇာတကျိန်စာနဲ့ သစ် // ဒေါက်တာခင်မောင်ညို //

( ၁ )
 
သယံဇာတတွေ အင်မတန်ပေါတဲ့ မြန်မာပြည်ပါ။ ရွှေတွင်း၊ ငွေတွင်း၊ ပယင်းဒုတ္ထာဆိုပြီး သယံဇာတအားလုံး ရှိတဲ့နိုင်ငံပါ။ အစေ့ကို မြေပေါ်ချလိုက်တာနဲ့ အပင်ပေါက်တဲ့ မြန်မာပါ။ ဒီသယံဇာတတွေဟာ ကျိန်စာသင့်နေပါသလား။
 
မြန်မာတို့ရဲ့သစ်ကို လိုချင်လို့ အင်္ဂလိပ်က ကိုလိုနီလုပ်လိုက်တယ်လို့ ဆိုတယ်။ ဒီတော့ သစ်ဟာ ကျိန်စာရှိနေတယ်လို့ ဆိုကြတယ်။ ကျွန်တော်က သစ်နဲ့ အတော်လေး ယဉ်ပါးသူတစ်ယောက် ဖြစ်တယ်။ သယံဇာတ ကျိန်စာနဲ့ ပတ်သက်တဲ့ အကြောင်းကို တင်ပြချင်ပါတယ်။
 
( ၂ )
၁၉၇၃ ခုနှစ်က ကျွန်တော် အင်္ဂလန်မှာ ပညာသင်ခဲ့ရတယ်။ ကျွန်တော် ရောက်သွားတဲ့ တက္ကသိုလ်က မန်ချက်စတာ မြို့မှာရှိတဲ့ ဆဲလ်ဖို့ဒ်တက္ကသိုလ် ( University of Salford at Greater Manchester) ပါပဲ။ မန်ချက်စတာကိုတော့ လူအများသိတယ်။ မြန်မာတွေကြိုက်တဲ့ ယူနိုက်တက်ဘောလုံးအသင်း တည်ရာကိုး။ ဒါပေမဲ့ မန်ချက်စတာ တိုးချဲ့ မြို့ငယ်လေးတစ်ခုဖြစ်တဲ့ ဆဲလ်ဖို့ဒ်ကိုတော့ လူသိနည်းပါတယ်။ ဒါပေမဲ့ ဆဲလ်ဖို့ဒ်မှာ ကားလ်မတ်စ် (Karl Marx) က သူ့ရဲ့ အရင်းကျမ်းကို ဒီမြို့မှာ ရေးခဲ့တာဖြစ်တယ်။ ဒီ အရပ်မှာ ဆင်းရဲတဲ့သူတွေ အလွန်များတယ်။ ကျွန်တော်တို့က အဲဒီ တက္ကသိုလ်မှာ ကျောင်းတက်ရတယ်။ အဆောက်အအုံတွေ အများကြီးရှိတဲ့အနက် ၂၃ ထပ် ရှိတဲ့ အဲဒီကျောင်း အဆောက်အအုံတစ်ခုမှာ ကျွန်တော်တို့ သုတေသနလုပ်ရပါတယ်။
 
တစ်ခါတစ်ခါ လက်ချာတက်ရပေမယ့် အချိန် အတော်များများဟာ ဓာတ်ခွဲခန်းထဲမှာ သုတေသနလုပ်ရပါတယ်။ ကျွန်တော်တို့ အခန်းထဲမှာ စားပွဲကြီးတစ်လုံးသာ ရှိပြီး ကျောင်းသားလေးယောက် အလုပ်လုပ်ကြတယ်။ အဲဒီမှာ အင်္ဂလိပ်တစ်ယောက်၊ အီရန်က တစ်ယောက်၊ သီရိလင်္ကာက တစ်ယောက်နဲ့ ကျွန်တော်က မြန်မာက ဖြစ်တယ်။ အားလုံး အလုပ်ကြိုးစားရတယ်။ သုတေသန ကြီးကြပ်တဲ့ကထိကက အတွင်းခန်းမှာ ထိုင်တယ်။ ပါမောက္ခက တစ်ပတ်တစ်ကြိမ် လာရောက် စစ်ဆေးပါတယ်။
 
( ၃ )
 
သောကြာနေ့ ညနေ ၄ နာရီမှာ ပါမောက္ခ ရောက်လာတတ်တယ်။ ဒါကြောင့် ကျွန်တော်တို့ဟာ ပါမောက္ခ မရောက်လာမီ ၁၅ မိနစ်အလိုမှာ သန့်ရှင်းရေးလုပ်ရတယ်။ စားပွဲခုံပေါ်က ပစ္စည်းတွေကိုရှင်းပြီး စားပွဲကို ဖုံသုတ်တယ်။ ပြီးတော့ အရောင်တင်ဆီ တို့ ရပါတယ်။ ပါမောက္ခက လာကြည့်ပြီး `ကောင်းတယ်´ လို့ ပြောကာ ပြန်ထွက်သွားတတ်ပါတယ်။ ကျွန်တော်လည်း သုတေသနလုပ်ကာ ကျောင်းတက် စာမေးပွဲဖြေနဲ့ အလုပ်တွေ ရှုပ်နေပါတယ်။ ဒါပေမဲ့ တစ်ရက်မှာ အီရန်က ကျောင်းသား သုတေသန လုပ်ငန်း တန်းလန်းဖြစ်နေပါတယ်။ သူက သူ့ရဲ့ စမ်းသပ်ချက်ကို ၃၆ နာရီကြာ လုပ်ထားတာ အချိန်ပြည့်ဖို့ နာရီဝက်သာ လိုပါတော့တယ်။ ဒီတော့ သူလိုချင်တဲ့ Result ကို ရမှာကိုး။ ကျွန်တော်က စားပွဲရှင်း အရောင်တင်ဆီသုတ် နေချိန်မှာ သူ မပြီးသေးဘူး။
 
`ဟေ့ကောင်၊ ပါမောက္ခ လာတော့မယ်´
 
`ငါမပြီးသေးဘူး။ နောက်နာရီဝက်လောက် စောင့်ရဦးမယ်´
 
သူ့ရဲ့ ဖန်လင်းတွေမှာ အရည်တွေ လှုပ်ရှားနေတယ်။ တစ်ဖက်က အပူတိုက်ထားတယ်။ အငွေ့တွေလည်း ထွက်နေတယ်။ ဒါကို သူလုပ်လို့ အဖြေရမှ ဘွဲ့ရဖို့ နီးစပ်မှာဖြစ်တယ်။ သူ့ သုတေသန ကြီးကြပ်သူ ကထိက အခန်းထဲက ထွက်လာတယ်။
 
`ဂျက်ဖာ၊ သိမ်းတော့´
 
`ဆရာ ခု မိနစ် ၂၀ ပဲ လိုတော့တယ်´
 
ဒီလိုပြောနေချိန်မှာပဲ ပါမောက္ခရောက်လာတယ်။
 
အခန်းထဲဝင်ကြည့်တယ်။ ဘာစကားမှ မပြော၊
 
`Glass Bin သွားယူခဲ့´
 
Glass Bin ဆိုတာကတော့ ဖန်ကွဲတွေထည့်တဲ့ ပုံးဖြစ်တယ်။
 
`ဆရာ၊ ကျွန်တော် နာရီဝက်ဆို ပြီးတော့မယ် ဆရာ´
 
ပါမောက္ခက သူ့ကို ဘာမှပြန်မပြော။
 
ပါမောက္ခဟာ မီးကိုသတ်ပြီး အအေးခံစေတယ်။ ပြီးတော့ အရည်တွေကို ဘေစင်ထဲသွန်တယ်။ နောက်တော့ ဖန်သားနဲ့ လုပ်ထားတဲ့ ဓာတ်ခွဲခန်းသုံး ဘူးတွေ၊ ပုလင်းတွေ၊ ဓာတ်ခွဲခန်း ကိရိယာတွေ အားလုံးကို တံမြက်စည်းနဲ့ လှည်းကာ Glass Bin ထဲကို ထည့်လိုက်လေတယ်။
 
ဂျက်ဖာ မျက်ရည်တွေကျနေတယ်။
 
ဒီသုတေသနဟာ သူ့အတွက် အရေးကြီးတယ် မဟုတ်လား။
 
`မင်းတို့ကို စည်းကမ်းလုပ်ထားတယ်။ သောကြာနေ့ ညနေလေးနာရီဆိုရင် စားပွဲပေါ်က ဓာတ်ခွဲခန်းကိရိယာတွေ အားလုံးဖယ်ပြီး အရောင်တင်ဆီ သုတ်ရမယ်ဆိုတာ သိလား´
 
`သိပါတယ် ဆရာ´
 
`ဒီစားပွဲဟာ ကျွန်းစားပွဲကွ၊ Burma Teak နဲ့ လုပ်ထားတ။ ဒီအခန်းတစ်ခန်းလုံးရဲ့ တန်ဖိုးဟာ ဒီစားပွဲတစ်လုံးရဲ့ တန်ဖိုးနဲ့ ညီတယ်။ စောစောက သုတေသနမပြီးသူ ဘယ်သူလဲ´
 
`ကျွန်တော် ဂျက်ဖာပါ ။ အီရန်ကပါ´
 
`အေး၊ နောက်တစ်ခါဆို မင်း အီရန်ပြန်လို့ရပြီ။ ဒီတစ်ခါတော့ မင်းကို ဒုတိယအကြိမ် အခွင့်အရေး ပေးလိုက်မယ်´
 
( ၄ )
 
Burma Teak မြန်မာ့ကျွန်း ဂုဏ်ယူဖို့ ကောင်းလိုက်တာ။ အင်မတန် တန်ဖိုးကြီးတာပဲ။
 
ဟုတ်လည်းဟုတ်ပါတယ်။
 
ကျွန်တော်က တန်ဖိုးကြီးကြီး ပေးဆပ်လိုက်ရတယ် မဟုတ်လား။ ၁၈၂၀ ပြည့်နှစ်က အင်္ဂလိပ်တွေဟာ ဟိုင်းကြီးကျွန်းကို ရောက်လာတယ်။ ဘုံဘေဘားမား သစ်ကုမ္ပဏီက ဟိုင်းကြီးကျွန်းကနေ ကျွန်းသစ်တွေ ခိုးထုတ်တယ်။ ဒီကစပြီး ပထမ အင်္ဂလိပ်-မြန်မာ စစ်ဖြစ်တယ်။ အဲဒါက ၁၈၂၆ ခုနှစ်ပါ။ ၁၈၅၂ ခုနှစ်မှာ ဒုတိယ အင်္ဂလိပ်-မြန်မာ စစ်ပွဲ ဆက်ပြီး ၁၈၈၅ ခုနှစ်မှာ တတိယ အင်္ဂလိပ်-မြန်မာ စစ်ပွဲဖြစ်ခဲ့တယ်။ မြန်မာနိုင်ငံက သယံဇာတတွေကို အင်္ဂလိပ်တွေက သယ်ယူသွားတဲ့ထဲမှာ ကျွန်းသစ်ဟာ အတော်လေး အဓိကကျတာကို တွေ့ရမှာ ဖြစ်တယ်။
 
( ၅ )
 
၁၉၅၀ ပြည့်လွန်နှစ်လွန်တွေမှာ ကျွန်တော် ကလေးဘ၀ပါ။ မော်လမြိုင်ကို ရောက်ရင် ကမ်းနားမှာရှိတဲ့ သစ်စက်တွေကို သွားကြည့်လေ့ရှိတယ်။ ယနေ့ မော်လမြိုင် ကမ်းနားလမ်း တိုးချဲ့တွေမှာ သစ်စက်တွေရှိခဲ့တဲ့ နေရာဖြစ်တယ်။ သစ်စက်ထဲမှာ ဆင်တွေ သစ်လုံးတွေကို သယ်နေတာ တွေ့ရတယ်။ အဲဒီအရွယ်တုန်းက ဆင်ဆိုတာ အကြီးကြီးလို့ ထင်ခဲ့ပါတယ်။ လွှဝိုင်းတွေကလည်း အကြီးကြီးပေါ့။ သစ်တွေ လွှားခနဲ၊ လွှားခနဲ ကွာထွက်နေတာကို ကြည့်ပြီး စိတ်လှုပ်ရှားတယ်။ သစ်တွေကို ခွဲစိတ်ကာ ကမ်းနားရှိ ပင်လယ်ကူးသင်္ဘောတွေကို ပို့ရတယ်။
 
`ဒီသစ်စက်ကို မဘေဘီတို့ အဖေပိုင်တယ်´
 
ကျွန်တော့်အစ်မက ပြောပြပါတယ်။
 
မဘေဘီဆိုတာက ကျွန်တော့်အစ်မနဲ့ အရွယ်မတိမ်းမယိမ်း ရှာဒီဝတ် ကုလားမ ပါ။ ဒါကြောင့် သူ့အဖေကလည်း အိန္ဒိယသား ကုလားကြီးပါပဲ။ အမှန်တော့ မဘေဘီတို့ အဘိုး ဂွန်ဒူးဘာဘူက ပိုင်တဲ့ သစ်စက်ပါပဲ။ ဒါပေမဲ့ ဂွန်ဒူးဘာဘူက အခွန်တွေ မဆောင်ဘဲ ဒေ၀ါလီခံပြီး အဖမ်းခံလိုက်တဲ့ အတွက် မဘေဘီတို့ အဖေက သစ်စက်ကို ပိုင်သွားတာပါပဲ။ ဇာတ်လမ်းက အနည်းငယ်တော့ ရှုပ်ပါတယ်။
 
ကျွန်တော့်အဘိုးက -
`မှားယွင်းတဲ့လူသတ်မှု´ ကြောင့် ထောင်ထဲကို ရောက်သွားတယ်။ (သူမသတ်ပါ၊ သတ်သူ နောင်တွင် ၀န်ခံပါတယ်) အဘိုးက အဲဒီအချိန်က လူငယ်လေးပါပဲ။ အဘိုးက လူကြီးတွေကို ပြုစုရတယ်။ လူကြီးတွေက သူ့ကို အင်မတန် အားကိုးတယ်။ သစ်ကုန်သည်တစ်ဦးက အဘိုးကို သစ်တန်တွက်နည်းတွေကို သင်ပေးတယ်။ သစ်အကြောင်းတွေ ပြောပြတယ်။ အဘိုးက အမှုမှန်ပေါ်တော့ ပြန်လွတ်မြောက်လာတယ်။ ဒီအခါ ဂွန်ဒူးဘာဘူရဲ့ သားထံသွားပြီး သစ်တွေကို အကြွေးယူကာ ဘီလူးကျွန်းမှာ ရောင်းတယ်။
 
အဘိုးဟာ သစ်ကုန်သည်ကြီးဖြစ်ကာ သူဌေးဖြစ်လာတယ်။ စိတ်ကောင်းရှိတဲ့ အဘိုးဟာ သူကြီးလည်း ဖြစ်လာတယ်။ ကျွန်တော် ၉ တန်းရောက်တော့ အဘိုးဟာ အသက် ၉၀ ရှိပါပြီ။ သန်တုန်း မြန်တုန်း ပါပဲ။ လယ်ကိုဦးစီး လုပ်ကိုင်သလို သစ်လည်း ရောင်းပါတယ်။ ကျွန်တော့်ကို သစ်တွက်နည်းတွေ သင်ပေးတယ်။ ကျွန်တော်က အဘိုးကိုယ်စား သစ်ရောင်းရပါတယ်။ အင်၊ ကညင်၊ ပျဉ်းကတိုး၊ ကျွန်း စတဲ့ သစ်တွေကို ကျွန်တော် ငယ်ငယ်လေးကတည်းက ရင်းနှီးခဲ့တယ်။
 
( ၆ )
 
ကျွန်တော် တက္ကသိုလ်ရောက်တော့ အဘိုးက သစ်မရောင်းတော့ပါဘူး။ တော်လှန်ရေး ကောင်စီအစိုးရ တက်လာတော့ သစ်စက်တွေလည်း ပြည်သူပိုင် သိမ်းလိုက်ပါတယ်။ ကံအားလျော်စွာ အဘိုးရဲ့ သစ်ဆိုင်မရှိတော့လို့ ပြည်သူပိုင် အသိမ်းမခံရပါ။ သို့သော် အဘိုးရဲ့ ဘီလူးကျွန်း လယ်တွေတော့ ပြည်သူပိုင် အသိမ်းခံလိုက်ရပါတယ်။ ယနေ့ မော်လမြိုင်ဘက် ရောက်ရင် ကမ်းနားလမ်းကိုကြည့်လိုက်ပါ။ သစ်စက်တွေလည်း မရှိတော့ပါ။ အဘိုးအိမ်လည်း အခြားသူတွေ ၀ယ်သွားလို့ ပုံစံလည်း ပြောင်းသွားပြီဖြစ်တယ်။ ဘီလူးကျွန်းကို တံတားထိုးပြီးဖြစ်လို့ ခါတိုင်း ကူးတို့ သင်္ဘောစီးပြီး သွားနေကျဖြစ်တဲ့ နတ်မှော်လမ်းကိုလည်း မရောက်ဖြစ်တော့ပါ။
 
နတ်မှော်လမ်းမှာရှိတဲ့ အသိမ်းခံထားရတဲ့ အဘိုးရဲ့လယ်ကို ခါတိုင်းလို လှမ်းမကြည့်နိုင်တော့ပါ။ ယနေ့ ဘီလူးကျွန်းကတော့ အင်မတန် စိမ်းစိုနေဆဲ ဖြစ်တဲ့ ဒေသတစ်ခုပါ။ ဒါပေမဲ့ တံတားထိုးလိုက်တော့ ဒီကျွန်းသည်လည်း အပျိုရည် ပျက်သွားတော့မှာပဲလို့ စိုးရိမ်နေမိတယ်။ ဘယ်လိုဖြစ်ဖြစ် အရာရာ ပြောင်းလဲတာပါပဲလို့ သဘောပေါက်မိပါတယ်။
 
သို့သော် ကျွန်တော်တို့ နိုင်ငံ ဆင်းရဲဆဲပဲ၊ ဒါကြောင့်လည်း သဘာဝသယံဇာတတွေကို မှီခိုနေရဆဲပေါ့။ ခု ကျွန်တော် စာရေးဆရာ ဖြစ်နေပါတယ်။ ဒါကြောင့် ဟောပြောပွဲတွေက ဖိတ်လို့ နေရာအနှံ့ကို ရောက်ပါတယ်။ ကြို့ပင်ကောက်တို့၊ ဖဒိုတို့မှာ သစ်စက်ကြီးတွေ ရှိတယ်။ အဲဒီသစ်စက်တွေကို ရောက်တော့ လွှဝိုင်းကြီးတွေကို တွေ့ရပါတယ်။ သစ်လုံးကြီးတွေကို တွေ့ရတော့ ငယ်ဘ၀ သတိရပါတယ်။
 
( ၇ )
 
ဒီသစ်တွေ ဘယ်ကို ခရီးဆက်မှာလဲ။
 
`အင်္ဂလန်က ဓာတ်ခွဲခန်းကို ရောက်သွားမှာလား´
 
`အယ်လိဇဘက်ဘုရင်မရဲ့ ဘာကင်ဟန်နန်းတော်ထဲကိုပဲ ရောက်သွားမှာလား´
 
`ဒါမှမဟုတ် ဒေါ်နယ်ထရမ့် အပျော်စီးတဲ့ ရွက်လှေ (Yatch) ပဲ ဖြစ်လာလေမလား´
 
တန်ဖိုးမြင့်ခြင်း (Value Added) မလုပ်နိုင်သေးပါ။ ယနေ့ သစ်တွေ ရှားပါးနေပါပြီ။ အထူးသဖြင့် ကျွန်းသစ်တွေ ရှားနေပါတယ်။ ကျွန်တော် သစ်တွေကို မကြည့်မိတော့ပါ။
 
အတွေးတွေကိုသာ ပွားရင် မျက်ရည် လည်ခဲ့ပါတော့တယ်။ အနာဂတ် လူသားတွေဆီက လုယူထားတဲ့ အပင်တွေအတွက် လူကြီးတွေက အပင်တွေကို ပြုစုပျိုးထောင်ပေးကြပါလို့ မှာချင်ပါတယ်။
 
ဒေါက်တာခင်မောင်ညို
The Ladies News
 
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.