သစ်ပင်မရှိသောနေရာ // အေးလွင် (ကသာ) //

ဤကမ္ဘာပေါ်အတွင်းရှိ လူသားနှင့် သတ္တ၀ါအပေါင်းတို့၏ မှီခိုအားထားရာသည် သစ်ပင်များသာ ဖြစ်သော်လည်း မိမိကျေးဇူးရှင်ကို မိမိသတ်သည့် သူယုတ်မာကဲ့သို့ လူသားတို့သည် သစ်ပင်များကို နေ့စဉ်နှင့်အမျှ ခုတ်ထွင် ရှင်းလင်းနေကြသည်မှာ နေထိုင်ရာအိမ်ကို နေ့စဉ်ဖျက်ဆီးနေသလိုသာ ဖြစ်နေသည်နှင့်တူ၏။
 
မိမိ၏တည်မှီရာကို ဖျက်ဆီးခြင်းသည် မိမိ၏ဘ၀ကို ဖျက်ဆီးခြင်းနှင့် တူသော်လည်း ဖျက်လိုဖျက်မှန်း မသိဘဲ ဖျက်ခဲ့ရာမှ ယခုအခါ ပျက်လို့ပျက်မှန်း သိသာလာသည်မှာ အထင်အရှား ဖြစ်လာသည်ကို တွေ့ရပြီဖြစ်၏။
 
ကျွန်တော်တို့ ပတ်ဝန်းကျင်၌ နေ့စဉ်နှင့်အမျှ သစ်ပင်ကို ခုတ်နေကြသော်လည်း သစ်ပင် စိုက်ပျိုးမှုတော့ ဟန်ပြအလုပ်မျိုးဖြင့်သာ စိုက်ပျိုးခဲ့ကြသဖြင့် သေဆုံးသွားသော သစ်ပင်များမှာ အနန္တဖြစ်ခဲ့သော်လည်း ရှင်သန်ခဲ့ကြသည့် သစ်ပင်အရေအတွက်ကတော့ အလွန်အချိုးမညီစွာ နည်းနေပြန်သည်ကို တွေ့ရမည်ဖြစ်၏။ သစ်ပင်ကို မခုတ်သင့်ဟူသော အသိတရား အလွန်နည်းပါးစွာဖြင့် ခုတ်ချင်တိုင်းခုတ်၊ လုပ်ချင်တိုင်း လုပ်ခဲ့ကြသောကြောင့် ကျွန်တော်တို့ တိုင်းပြည်၏ သစ်တောများသည် လျင်မြန်စွာ ပျောက်ဆုံးသွား၍ အစားပေး နိယာမ၏ တရားစီရင်မှု (သို့) သဘာဝတရား၏ ဒဏ်ခတ်ခြင်းကို ယခုအခါ အလူးအလိမ့် ခံနေရပြီဖြစ်သည်။
 
သစ်ပင်သည် လူ့လောကတွင် အကျိုးကျေးဇူးသာပေး၍ အကျိုးမယုတ်စေသော်လည်း သစ်ပင်များစွာကတော့ ကျိန်စာသင့်သူပမာ တ၀ုန်းဝုန်းဖြင့် ပြိုလှဲခြင်းခံရသည်က ရင်နာစရာဖြစ်တော့သည်။
 
လူ့လောကကြီး၏ သဘာဝတရားကို ထိန်းညှိပေးနိုင်၍ လူသား၊ သတ္တ၀ါတို့အတွက် လိုအပ်သမျှ ပေးစွမ်းနိုင်သည့် သစ်ပင်များကို လူသားတို့ ထိန်းသိမ်းနိုင်မှသာ လူ၊ သတ္တ၀ါတို့အတွက် အကျိုးကျေးဇူးများသည် အဆက်မပြတ် ရမည်သာ ဖြစ်တော့၏။
 
ဖွံ့ဖြိုးမှုဟူသော ခေါင်းစဉ်အောက်၌ သစ်ပင်များစွာ အသတ်ခံနေရ၏။ မုံရွာ- ရွှေဘိုကားလမ်း တိုးချဲ့ရန် အကြောင်းပြချက်ဖြင့် သက်တမ်းရင့် သစ်ပင် ၂၀၀ ကျော်ကို လမ်းတိုးချဲ့ရန်အတွက် ခုတ်ပစ်ရမည်ဟု သတင်းကြားရပြီး ကန့်ကွက်သူက ကန့်ကွက်နေပြီ ဖြစ်၏။ အပူပိုင်းကန္တာရ ရာသီဥတုရှိသော ဒေသ၏ ကားလမ်းဘေးဝဲယာရှိ သက်တမ်းရင့် အပင်များ၏ သဘာဝကို ထိန်းညှိမည့် ဟန်ချက်ကို ရိုက်ချိုးသလို ဖြစ်နေသည်ကို သတိမပြုဘဲနေသည်ကို တွေ့ရမည်ဖြစ်၏။ ကန့်ကွက်သူများ အောင်မြင်ခဲ့သည့် သတင်းကိုလည်း ကြားသိခဲ့ရ၏။
 
မြန်မာနိုင်ငံကို ကိုလိုနီကျွန်ပြုခဲ့သော အင်္ဂလိပ်တို့က ကားလမ်းဖောက်လုပ်ပြီး ဘေးဘက်များတွင် အရိပ်ရသစ်ပင်များစွာ စိုက်ပျိုးခဲ့ကြသည်။ ဘယ်လို ရည်ရွယ်ချက်နှင့် စိုက်ခဲ့သည်ကို မပြောဘဲနှင့် ရရှိသော အကျိုးကျေးဇူးများမှာ လမ်းတစ်လျှောက် သစ်ပင်များစွာ တည်ရှိသည့်အတွက် ကားစီးရင်းလည်း အရိပ်ရသည်။ လမ်းလျှောက်လာသူလည်း မောလျှင် သစ်ပင်ရိပ်၌ အနားယူနိုင်သည်။ မြန်မာတို့၏ စေတနာအရ သစ်ပင်အောက်တွင် ရေချမ်းစင်လေး တည်ထားပေးသဖြင့် အမောပြောရေအေးအေးကို သောက်သုံးရင်း ရေကုသိုလ်ရှင်ကို သာဓုခေါ်နိုင်သည်။
 
ကားမှထွက်သော ကာဗွန်ဒိုင်အောက်ဆိုဒ်ကို သစ်ပင်များက စုပ်ယူ၍ သန့်ရှင်းလတ်ဆတ်သော လူတို့အတွက် အလွန်အရေးကြီးသော အောက်စီဂျင်ကို ထုတ်လွှတ်ပေးသော သစ်ပင်များစွာကို ကားလမ်းတိုးချဲ့ရန်အတွက် အဆင်ခြင်မဲ့စွာ ခုတ်လှဲပစ်နေကြခြင်းသည် တွေးမိလေ ရင်နာလေဖြစ်သည်။ ယနေ့ခေတ်ကာလ၌ စက်ရုံ၊ အလုပ်ရုံ၊ ယာဉ်ယန္တရား များစွာမှ ကာဗွန်ထုတ်လုပ်မှုက မြင့်တက်လာသော်လည်း ကာဗွန်ကို လျော့ချမည့် သစ်ပင်များစွာကတော့ နေ့စဉ်နှင့်အမျှ သေဆုံးနေကြသည်။ ရှင်သန်ခွင့်ရသည့် သစ်ပင်များကတော့ အရေအတွက် နည်းနေသည်။
 
မြို့ပြစီမံကိန်း ဆွဲတိုင်း မြန်မာပြည်၌ သစ်ပင်စိုက်ပျိုးရန်မပါဘဲ ရှိနေသော သစ်ပင်များကို ဘယ်လို ခုတ်လှဲရမလဲသာ ထည့်သွင်းစဉ်းစားနေသည်ကတော့ လက်ရှိ အမှန်တရားဖြစ်၏။ မြို့ပြပဲဖြစ်ဖြစ် တောရွာပဲဖြစ်ဖြစ် သစ်ပင်ရှိပါက အပူဒဏ်သက်သာမည်။ လွင်တီးခေါင်၌ နေရသော ဒုက္ခကင်းဝေးမည်ဖြစ်သည်။ လွင်ပြင်ထဲမှ မြန်မာ့ကျေးရွာများတွင် ရွာဦးထိပ်၌ ညောင်ပင်ကြီးရှိနေတတ်သလို ရွာထဲ၌လည်း အရိပ်ရအပင်များစွာ ရှိနေတတ်သဖြင့် အဝေးမှလာသူများမှာ ရွာထဲသို့ဝင်လိုက်လျှင် အေးမြမှုက ဆီးကြိုလို့ အမောဖြေရတော့သည်။
 
ရွာထိပ်ညောင်ပင်အောက်တွင် အမောဖြေ၍ အမောပြေတော့မှ ရွာထဲဝင်ကြသည်။ ရွာထဲရှိ ကလေးများကလည်း အားလပ်ချိန်များတွင် ညောင်ပင်အောက်၌ လာရောက်ဆော့ကစားကြသည်။ ကျွန်တော်တို့ ငယ်စဉ်က ရွာထိပ်ညောင်ပင်ကြီးအောက်တွင် ညအချိန်ခါဆိုပါက လေနွေးနွေးကြီး ဖြစ်နေသည်ကို ဘာဖြစ်မှန်းမသိသဖြင့် လူကြီးများကို မေးကြည့်ရာ သစ်ပင်များ၏ လေဖလှယ်သော သဘောကို နားလည်ရ၏။ ရွာလမ်းတစ်လျှောက်လည်း သစ်ပင်များစွာရှိခဲ့သော ကျေးရွာအများစုမှာ မီးလင်းရေးစီမံချက်ဖြင့် ဓာတ်တိုင်စိုက်ရန် သစ်ပင်များစွာ ခုတ်လှဲပြီး ဖြစ်တော့သည်။ သစ်တစ်ပင်ဖြစ်ဖို့ နှစ်များစွာ ကြာမြင့်သော်လည်း သစ်တစ်ပင် လှဲဖို့ ချန်းဆောဖြင့် မိနစ်ပိုင်းသာကြသည်။ သစ်ပင်များသည် လူသားတို့အတွက် ဆေးဝါးလည်းဖြစ်သည်။ အစာလည်း ဖြစ်စေသည်။ ကချင်ပြည်နယ် တောထဲ၌ ရွှေကျင်လုပ်ငန်းလုပ်ခဲ့စဉ်က သူငယ်ချင်းဖြစ်သူနှင့် တောထဲသို့ လိုက်သွားရင်း သူငယ်ချင်းပြောပြသော အရာများကို မှတ်မိသေးသည်။ ခေါင်းမူး၊ ခေါင်းကိုက်ပါက သူပြသော သစ်ရွက်ကို ခူးပြီး ခေါင်းအုံးအောက်ထားအိပ်လျှင် မနက်မိုးလင်းသောအခါ ခေါင်းကိုက်ပျောက်သည်ဟု ပြောပြသဖြင့် သဘောကျမိသည်။ နောက်သစ်ပင်တစ်မျိုးမှာ သစ်ရွက်ကလေးကို လုံးပြီး မျိုချပါက ချက်ချင်းဝမ်းသွားသဖြင့် ဒေသခံများက ၀မ်းချူရွက်ဟု ခေါ်ကြောင်း ပြောပြသဖြင့် မှတ်သားရသေးသည်။ နောက်တော့ သူငယ်ချင်းက သူ့အလုပ်သမား၏ ကလေးငယ် ရင်ကျပ်နေသဖြင့် တောထဲမှ သစ်ပင်တစ်မျိုး၏ အမြစ်ကိုတူးပြီးယူခဲ့ကာ ရေဆေးပြီး ပြုတ်တိုက်လေသည်။ ကလေးကို ရေအစား ပြုတ်ရေအေးလေး တိုက်ကျွေးရာ နောက်တစ်နေ့တွင် ကလေး၏ ချောင်းဆိုးရင်ကျပ်ရောဂါမှာ ယူပစ်သလို ပျောက်သွားသည်ကို မျက်မြင်ကိုယ်တွေ့ ကြုံတွေ့လိုက်ရသောအခါ ဘုရားရှင်လက်ထက် သမားတော်ကြီး ဇီဝကကို သူ့ဆရာကြီးက ဆေးဖက်မ၀င်သော အပင်ကို ရှာခိုင်းရာ မတွေ့ကြောင်း ပြန်ပြောတော့မှ သမားတော်အဖြစ် အသိအမှတ်ပြုကာ အိမ်ပြန်ခွင့်ပြုသည့် အကြောင်းကို သတိရမိတော့သည်။ ယခုတော့ သစ်ပင်မျိုးပေါင်းများစွာ သေဆုံးကုန်ပြီဖြစ်သဖြင့် ဆေးဖက်ဝင်သော အပင်များစွာလည်း လူမသိသူမသိဖြင့် မျိုးတုံးလာပြီဖြစ်သည်။
 
သစ်ပင်များစွာ ရှိသောအရပ်နှင့် သစ်ပင်မရှိသော အရပ်တို့၏ အခြေအနေသည် များစွာကွာခြားပါသည်။ လေကောင်းလေသန့်နှင့် အေးမြမှုကို ရရှိသော တောထဲ၊ တောင်ထဲမှ တိုင်းရင်းသားတို့မှာ အသက်ရှည်ကြသည်။ သဘာဝဆေးမြစ်၊ ဆေးဥများဖြင့် ရောဂါကုသကြ၏။ သစ်ပင်မှပေးသော အကျိုးစီးပွားများကား အလွန်ပင် များပြားလှပေသည်။ လူနှင့် သတ္တ၀ါ အသက်ရှင်နေထိုင်ဖို့ ခိုလှုံမှီတင်းနေထိုင်ရာ ဖြစ်သလို အစားအစာ ဆေးဝါးအဖြစ် ထုတ်လုပ်ပေးသည်။ သစ်တောကြီးများကို အမှီပြု၍ သတ္တ၀ါပေါင်းစုံ ကျင်လည်ကျက်စားရာတွင် သူ့ဟာနှင့်သူ ဂေဟစနစ်ကို ထိန်းညှိသွားပေသည်။
 
သစ်ပင်ရှိသော အရပ်များတွင် လေပြင်းမုန်တိုင်းဒဏ်ကို ကာကွယ်သလို အချိန်အခါမဟုတ် မိုးရွာခြင်းကိုလည်း တားဆီးနိုင်သည်။ မိုးသည်းထန်မှုကြောင့် တောင်ပြိုကျမှုကို လျော့နည်းစေလို ရေများသွန်ချသလို ကောင်းကင်မှ ကျလာခြင်းကိုလည်း မြေပြင်တွင် ဒလဟော မစီးဆင်းနိုင်စေရန် စွမ်းဆောင်ပေးနိုင်သည်။
 
မြန်မာပြည်၏ သစ်တောများ အလွန်အကျွံ ပြုန်းတီးမှုတွင် အိမ်နီးချင်းနိုင်ငံမှ ကားကြီးကားငယ် အသွယ်သွယ်ဖြင့် သူတို့ ဘိုးဘွားပိုင်ပစ္စည်း လာသယ်သလို သယ်ယူသွားသည်ကို တားဆီးကာကွယ်မှု မရှိနိုင်ခဲ့ခြင်းကလည်း အရေးပါသော အချက်တစ်ချက်ဖြစ်သည်။ သစ်ပင်ကို အမြစ်ပါမကျန် သယ်ယူသွား၍ သူတို့နိုင်ငံ၌ ရွှေ့ပြောင်းသစ်တော စိုက်ခင်း ပြုလုပ်ထားသည်ကို ကြားသိရသောအခါ ရင်နာမဆုံးဖြစ်ရ၏။
 
သဘာဝသယံဇာတကို အတိုင်းအဆမရှိ အလွန်အကျွံ ထုတ်ယူမှုကြောင့် သစ်ပင်များစွာ ပျောက်ဆုံးသွားသလို တောင်ကုန်းတောင်တန်းများ၌လည်း ဧရာမကျင်း၊ ချိုင့်ဝှမ်းကြီး ဖြစ်လာသလို မိုးရွာသော အခါ ရေလှောင်ကန်ဖြစ်လာ၍ ကျိုးကျလာပြီး တောင်ခြေသို့ ရေများ ဒလဟော ထိုးဆင်းမှုကြောင့် လူနေအိမ်ခြေများစွာ ပျက်စီးဆုံးရှုံးရသည်ကိုလည်း ကြုံလာရပြီဖြစ်သည်။
 
မြန်မာနိုင်ငံ၏ ပထ၀ီအနေအထားအရ တောင်မြောက် ရှည်လျားသည့် အခြေအနေတွင် မြောက်ဘက်ဒေသသည် တောင်တန်းဒေသဖြစ်နေသည်။ မြောက်ဘက် တောင်တန်းဒေသမှ သစ်တောများ ပြုန်းတီးသောအခါ ရေများကို ထိန်းသိမ်းနိုင်စွမ်းမရှိ၍ တောင်ဘက်ဒေသသို့ စီးဆင်းသောအခါ မြန်မာပြည် တစ်ဝန်းလုံး ရေဘေးသင့်ရတော့သည်။
 
သစ်ပင်နှင့်လူ၊ လူနှင့်သစ်ပင်တို့တွင် သစ်ပင်သည်သာ လူတို့အတွက် တစ်ဖက်သတ် အဖြည့်ခံဖြစ်သော်လည်း လူတို့သည် သစ်ပင်ကို ချစ်ရကောင်းမှန်း မသိဘဲ မိမိကိုယ်ကျိုးအတွက်သာ သုံးစွဲရုံသာမက သစ်ပင်များ မျိုးတုံးလုနီးနီးအထိ ဆင်ခြင်မဲ့စွာ ခုတ်လှဲသတ်ဖြတ်ခဲ့သဖြင့် ဟန်ချက်မညီမှုကို လူသားတို့ ခံစားနေရပြီဖြစ်သည်။ သတ္တ၀ါများစွာလည်း မှီခိုရာ သစ်တောများ လျော့နည်းလာသည်နှင့်အမျှ သတ္တ၀ါမျိုးစိတ် များစွာ ဤလောကမှ ပျောက်ကွယ်လာသည်ကို တွေ့ရပြီဖြစ်သည်။
 
ရာသီဥတုဖောက်ပြန်၍ သဘာဝဘေးဒဏ်အမျိုးမျိုး ကျရောက်လာခြင်းကို အလူးအလိမ့် ခံစားရသော နိုင်ငံများစာရင်းတွင် မြန်မာနိုင်ငံက ထိပ်ဆုံးစာရင်းတွင် ပါလာရခြင်းမှာ သစ်ပင်ကို မချစ်၍ သစ်ပင်ကပေးသော ကျိန်စာသင့်သည်ဟု ဆိုရမည်ဖြစ်၏။
 
တစ်ချိန်က သစ်ပင်များအောက်၌ ကျန်းမာပျော်ရွှင်စွာဖြင့် နေထိုင်ခဲ့ရသော မြန်မာတို့၏ ကျန်းမာရေးသည် ယခုတော့ ပြင်းထန်သော ရာသီဥတုနောက်ကွယ် အကျိုးဆက်ကို ခံစားနေရပြီဖြစ်သည်။ လူသားမရှိဘဲ သစ်ပင်များ ရှင်သန်နိုင်သော်လည်း သစ်ပင်များမရှိဘဲနှင့်တော့ လူသားများ ရှင်သန်ဖို့ မလွယ်ကူပါ။ သဘာဝ၏ အခမဲ့လက်ဆောင် သစ်တော၊ သယံဇာတများကို အကုန်အပြောင်ရှင်းအောင် ရောင်းစား၍ အကျိုးကျေးဇူးရှိသူက လက်တစ်ဆုပ်စာသာဖြစ်၍ သဘာဝတရား၏ ဒဏ်ခတ်မှုကို ခံစားရသူများကတော့ လူအများဖြစ်နေရသည်မှာလည်း တရားမျှတမှုမရှိဟု ဆိုနိုင်ပါသည်။
 
ကျွန်တော်တို့ဘ၀များသည် သစ်ပင်မရှိလျှင် ရှင်သန်ဖို့မလွယ်ပါ။ သစ်ပင်များရှိမှသာ ကျွန်တော်တို့ အနာဂတ် လှပပါမည်။ သစ်ပင်များရှင်သန်ဖို့ရာ ပြုစုပျိုးထောင်ရမည်။ ကျွန်တော်တို့အားလုံး၏ နှလုံးသားတွင် သစ်ပင်ကို ချစ်သော စိတ်ဝင်လာပြီဆိုပါက အစစအရာရာ အဆင်ပြေမည်ဖြစ်၏။
 
အေးလွင် (ကသာ)
The Ladies News
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.