နိုင်ငံသစ်အတွက် အရေးတကြီးလိုအပ်နေသော ငြိမ်းချမ်းရေး // အေးလွင် ( ကသာ ) //

ကမ္ဘာ့အောက်တန်းအကျဆုံး နိုင်ငံတော်မှ ရုန်းကန်တိုးထွက်တော့မည့် မြန်မာပြည်အတွက် အရေးတကြီး လိုအပ်သော အချက်မှာ ပြည်တွင်းငြိမ်းချမ်းရေးပင် ဖြစ်၏။ ပြည်တွင်းစစ်နွံထဲတွင် ကြာရှည်စွာ နစ်နေခဲ့ရသော မြန်မာပြည်သည် ယခုလို အချိန်အခါ ရောက်ချိန်မှာမှ ငြိမ်းချမ်းရေးကို မတည်ဆောက်နိုင်ခဲ့လျှင်တော့ မြန်မာပြည်၏ အနာဂတ်အရေးမှာ ရင်လေးဖွယ် ဖြစ်သည်။ မငြိမ်းချမ်းမှုကို အကြောင်းပြု၍ တိုင်းပြည်ဖွံ့ဖြိုးမှုကို နှောင့်နှေးအောင်လုပ်မည့် အဖျက်သမားများကလည်း အင်အားကြီးစွာဖြင့် အဆင်သင့်ရှိနေခြင်းကြောင့် ဖြစ်သည်။
 
ကျွန်တော်တို့ မြန်မာပြည်၏ ရှည်ကြာလှသော ပြည်တွင်းစစ်တွင် အကျိုးအမြတ်ရှိသွားသူများစွာမှာ စစ်အုပ်စုများနှင့် အိမ်နီးချင်းတိုင်းပြည်တို့ဖြစ်၍ မြန်မာပြည် တစ်ပြည်လုံးကတော့ ဖွံ့ဖြိုးမှုနှောင့်နှေးခဲ့ရသည်။ ပြည်တွင်းစစ်ကြောင့် စစ်မက်ဖြစ်ပွားရာဒေသများတွင် တရားဥပဒေစိုးမိုးမှုမရှိဘဲ လက်နက်ဘေးဒဏ် ခံစားရသလို နောက်ဆက်တွဲ ရောဂါဘေး၊ အစာရေစာငတ်မွတ်မှုကပ်များကို အပိုရတော့သည်။ လက်နက်ကိုင်တို့၏ ဒဏ်ကို တိုင်းရင်းသား ပြည်သူများ လှိမ့်နေအောင်ခံရ၍ နိုင်ငံသား အခွင့်အရေး ဆုံးရှုံးရုံသာမက လူ့အခွင့်အရေး ချိုးဖောက်မှု၊ အဓမ္မပြုကျင့်ခံရမှု၊ အသက်ဆုံးရှုံးရမှုတို့ကို ဆိုးရွားစွာ ခံနေရမှုများမှာ မငြိမ်းချမ်းမှုတို့ကြောင့် ဖြစ်သည်။ စစ်ဖြစ်၍ ကြာလာသောအခါ စစ်၏ဘေးထွက်ဆိုးကျိုးသည် တစ်မျိုးပြီးတစ်မျိုး တိုး၍ လာခဲ့သော်လည်း မငြိမ်းချမ်းမှုအကြောင်းပြု၍ ကောင်းမှုအထွေထွေ ရရှိသော လက်တစ်ဆုပ်စာ လူတန်းစားကတော့ ပြည်တွင်း ငြိမ်းချမ်းမှုကို အလိုမရှိနိုင်ပေ။
 
ငြိမ်းချမ်းရေးသည် မိသားစုအတွင်းလည်း လိုအပ်သည်။ ရပ်ရွာအတွင်းလည်း လိုအပ်သည်။ မြို့ပြနိုင်ငံအတွက်လည်း လိုအပ်သည်။ အဘယ်ကြောင့်ဆိုသော် မငြိမ်းချမ်းလျှင် တည်ဆောက်မှု လုပ်ငန်းဟူသမျှ ဘာမှလုပ်၍မရသောကြောင့် ဖြစ်သဖြင့် မြန်မာပြည်အတွက် ငြိမ်းချမ်းရေးသည် အသည်းအသန် လိုအပ်နေသည်။ ငြိမ်းချမ်းမှုဆိုရာတွင် လမ်းပေါ်တွင် ငြိမ်းချမ်းစွာ ဆန္ဒပြသူများလည်း ငြိမ်းချမ်းရန် လိုအပ်လေသည်။ မြန်မာပြည်၍ ငြိမ်းချမ်းစွာ ဆန္ဒပြခြင်းကို စစ်မြေပြင်ပမာ သဘောထားကာ လက်နက်ဖြင့် တိုက်ခိုက် အနိုင်ယူခဲ့ခြင်းသည် မြန်မာ့သမိုင်းတွင် ရိုင်းလွန်း၍ ဖျက်မရသည့် အမည်းစက်ပမာ အမြဲတည်ရှိနေမည် ဖြစ်သည်။
 
ပြည်သူလူထု၏ လိုအပ်ချက်မှန်သမျှကို အမြဲလျစ်လျူရှု၍ မခံရပ်နိုင်လွန်းသဖြင့် လမ်းပေါ်တွင် ငြိမ်းချမ်းစွာ ဆန္ဒပြသော ရဟန်းရှင်လူအပေါင်းကို ရန်သူကဲ့သို့ သတ်မှတ်ကာ သေနတ်ဖြင့် ပစ်ခတ်သတ်ဖြတ်၍ ဖြေရှင်းခဲ့သည်မှာလည်း အကြိမ်ကြိမ်ဖြစ်၏။ သို့သော် ခေတ္တခဏသာ ငြိမ်ပြီးလျှင် အခွင့်သာသည်နှင့် ပြန်လည်ဆန့်ကျင်ကြသည်ကိုကြည့်၍ လက်နက်ဖြင့် ဖြေရှင်းနည်းသည် မမှန်ကြောင်း တွေ့ရမည်ဖြစ်သည်။ လက်နက်မရှိသည့်သူကိုပင် အကြမ်းဖက် အနိုင်ယူနည်းဖြင့် ရေရှည်မနိုင်သည်ကို ကြည့်ခြင်းအားဖြင့် လက်နက်ချင်း အပြိုင်ပစ်ခတ် တိုက်ပွဲဝင်ကြသူများ ဆိုလျှင်တော့ အပြီးသတ် ချေမှုန်း၍ မရနိုင်သည်က အသေအချာပင် ဖြစ်တော့သည်။ လက်နက်ကိုင်၍ အပြီးသတ် ချေမှုန်းပြီး ငြိမ်းချမ်းရေးကို တည်ဆောက်ရန် ကြိုးပမ်းမှုသည် ကုမရသော အနာဆွေးကို ဆေးမထည့်ဘဲ အမြဲကုတ်ခြစ်ဒဏ်ရာရအောင် လုပ်နေသည်နှင့် တူနေသည်ကို တွေ့ရမည် ဖြစ်သည်။
 
မြန်မာပြည်တွင်းစစ် လက်နက်ကိုင် ပဋိပက္ခကြောင့် ငြိမ်းချမ်းရေးနှင့် လုံခြုံမှုမရှိသော ဒေသများတွင် အစားအစာ မဖူလုံဘဲ ဆင်းရဲမွဲတေမှုကို ကပ်ရပ်လိုက်ပါလာခြင်းကြောင့် မူးယစ်ဆေးဝါးကို လုပ်ကိုင်ရန် တွန်းအားပေးသလို ဖြစ်နေသည်ကို တွေ့ရသည်။
 
ကချင်ပြည်နယ်၊ ရှမ်းပြည်နယ်၊ ကယားပြည်နယ်တို့တွင် ဘိန်းစိုက်ပျိုးမှု ကြီးထွားလာခြင်းမှာ ဒေသခံများ၏ ဆင်းရဲမွဲတေမှုက အဓိကတွန်းအားဖြစ်သည်။ ဆင်းရဲသား ဘိန်းစိုက်တောင်သူများသည် စားနပ်ရိက္ခာရှားပါးမှု ကြောင့် အခြေခံစားကုန်ပစ္စည်းများကို ၀ယ်ယူနိုင်ရန် ဘိန်းစိုက်ပျိုးမှုကို လုပ်ကိုင်ကြရသည်။ ဘိန်းစိုက်ပျိုးမှု နောက်ကွယ်မှ အလွန်ကြီးမား ကျယ်ပြန့်သော စီးပွားရေး ဈေးကွက်ကြီးသည် ပတ်သက်ရာ ပတ်သက်ကြောင်း သူတို့ကို အလွန်အကျိုးဖြစ်ထွန်း စေခဲ့သည်။ ထိုကဲ့သို့ အကျိုးဖြစ်ထွန်းစေခြင်းမှာလည်း မငြိမ်းချမ်း၍ တရားဥပဒေ မစိုးမိုးမှုများကြောင့် ဖြစ်သည်။ မငြိမ်းချမ်းမှုကို အမြတ်ထုတ်သူ လူတစ်စုကတော့ ဘယ်တော့မှ ငြိမ်းချမ်းရေး မရချင်ဖြစ်သဖြင့် ငြိမ်းချမ်းရေးနှင့် အလှမ်းဝေးအောင် လုပ်နေကြသည်မှာလည်း အမျန်ပင် ဖြစ်သည်။ မငြိမ်းချမ်းသော ဒေသမှ ထွက်ရှိသည့် မူးယစ်ဆေးဝါးများက ကမ္ဘာအရပ်ရပ်သို့ ပျံ့နှံ့သဖြင့် နိုင်ငံတကာတွင် နာမည်ဆိုးဖြင့် ကျော်ကြားသလို ပြည်တွင်း၌လည်း မူးယစ်ဆေးဝါးများကြောင့် အနာဂတ်လူငယ်များ မူးယစ်နွံအတွင်း ကျွံဝင်ရင်း တိုင်းပြည်၏ လူ့စွမ်းအားအရင်းအမြစ်များစွာ ဆုံးရှုံးနေရသည်မှာလည်း အရင်းစစ်တော့ အမြစ်မြေ ဆိုသလို မငြိမ်းချမ်းမှုကြောင့် ဖြစ်သည်ဟု ဆိုရမည်ဖြစ်၏။
 
လက်နက်ကိုင်သည့် အဓိကရည်ရွယ်ချက်ကတော့ အယူဝါဒ၊ လူမျိုးရေးရာ ကွဲပြားမှုများက အခြေခံခဲ့သော်လည်း နှစ်ပေါင်းများစွာ ကြာလာသောအခါ လက်နက်ကိုင်ပြီး မူးယစ်ဆေးဝါး၊ သစ်၊ ကျောက်မျက်ရတနာ သယံဇာတ လုပ်ငန်းများကို တရားမ၀င်လုပ်ရင်း ချမ်းသာသူများက ဘီလီယံချီ ချမ်းသာသလို ပြည်တွင်းမှ တိုင်းရင်းသား ဌာနေဒေသခံများကတော့ စစ်မက်ဝေးရာ ဒေသသို့ ပြေးရှောင်နေကြရပြီး မျက်နှာငယ်စွာ အခြားတိုင်းပြည်မှာ ခိုလှုံနေရသည်ကတော့ ရင်နာစရာ ဖြစ်သည်။ မြန်မာပြည် လွတ်လပ်ရေးနှင့်အတူ လက်ဆောင်အဖြစ် ရရှိခဲ့သော ပြည်တွင်းစစ်ကြောင့် တိုင်းပြည် မငြိမ်းချမ်းသလို မငြိမ်းချမ်းခြင်းကြောင့် စစ်အင်အား တိုးချဲ့ရပြီး စစ်အင်အားကြီးမားလာကာ စစ်ဖက်မှ အာဏာရယူနိုင်ခဲ့ခြင်းမှာလည်း တိုင်းပြည်ကို ချောက်ထဲကျစေခဲ့သည်။ မငြိမ်းချမ်းသော အခြေအနေတွင် နှစ်ပေါင်းများစွာ စစ်ကစားရင်း အမြတ်ထုတ်လာသော ကစားကွက်တွင် ချမ်းသာလာသော လူတစ်စုနှင့် ခရုဆံကျွတ် ပြည်သူများသာ ကျန်တော့သည်ကို တွေ့ရမည်ဖြစ်သည်။
 
ပြည်တွင်းစစ်အတွင်း မြေမြှုပ်မိုင်းများကို အဖွဲ့အစည်းပေါင်းစုံမှ အသုံးပြုကြသောကြောင့် မြေမြှုပ်မိုင်းဒဏ် အခံရဆုံးနိုင်ငံတွင် မြန်မာနိုင်ငံသည် တတိယအဆင့် ရသည်ဟု သိရသည်။ မြေမြှုပ်မိုင်းဒဏ်ကြောင့် ထိခိုက်ဒဏ်ရာ ရသူများစာရင်းကလည်း တိုးပွားလျက်ရှိသည်။ မိုင်းရှိသည့် နေရာများကလည်း ဥပဒေနှင့် လက်လှမ်းမမီသည့် တောကြိုအုံကြား ဒေသများဖြစ်သဖြင့် ထိုဒေသတွင် နေထိုင်သည့် တောသူတောင်သားတို့မှာ တောထဲသွား အလုပ်လုပ်ရင်း ဒုက္ခနှင့် ကြုံရတော့သည်။ ထိခိုက်ဒဏ်ရာ ရသည့် ပြည်သူများကလည်း မသေလျှင်လည်း မသန်စွမ်းဘ၀ ကျရောက်သွားရပြီး ဆင်းရဲဒုက္ခ တိုးလာရလေသည်။ မြန်မာနိုင်ငံမှ ထွက်ရှိသော သယံဇာတ မြောက်မြားစွာသည် လက်နက်ကိုင်ဆောင်၍ ပဋိပက္ခ ဖြစ်ပွားရာဒေသများကို ဖြတ်သန်းပြီး တစ်ဖက် အိမ်နီးချင်းနိုင်ငံများသို့ သူခိုးဈေးဖြင့် ရောက်ရှိသွားခဲ့ပြီး အိမ်နီးချင်းတိုင်းပြည်မှာ ချမ်းသာသထက် ချမ်းသာ၍ မိမိတို့တိုင်းပြည်မှာ ချွတ်ခြုံကျသထက် ကျလာတော့သည်မှာ အမှန်ပင်ဖြစ်တော့သည်။ မြန်မာပြည် မြောက်ပိုင်းမှ ထွက်ရှိသော ကျောက်စိမ်း၏ အကျိုးအမြတ်မှာ ပဋိပက္ခကိုအကြောင်းပြု၍ ပြည်သူများ ဘာတစ်ခုမှ ခံစားခွင့်မရှိဘဲ အကျိုးအမြတ်အားလုံးကို လက်တစ်ဆုပ်စာ လူနည်းစုသာ ရရှိခံစားနေခြင်းမှာ မငြိမ်းချမ်းမှုကြောင့် ဖြစ်သည်။ ထို့ကြောင့် တိုင်းပြည်အတွက် မရှိမဖြစ် လိုအပ်နေသော ငြိမ်းချမ်းရေးကို ပြည်သူများ အလိုရှိသလောက် မငြိမ်းချမ်းချင်သူများကလည် ငြိမ်းချမ်းရေး စကားပြောရင်း အပစ်ရပ်ဆွေးနွေးရင်း သေနတ်သံမစဲ၊ ဗုံးသံမစဲ၊ ယမ်းငွေ့ တဝေေ၀ ဖြစ်အောင် လုပ်နေကြခြင်း ဖြစ်သည်။
 
ယခုအခါ အသစ်တက်လာသော အစိုးရသစ်အနေဖြင့် ပြည်တွင်းငြိမ်းချမ်းရေး ရရှိအောင် မဖြစ်မနေ ဆောင်ရွက်တော့မည် ဖြစ်သည်။ ငြိမ်းချမ်းရေးမလိုအပ်သည့် အုပ်စုများကလည်း အခက်အခဲဖြစ်အောင် အဟန့်အတား အမျိုးမျိုးဖြင့် ဆန့်ကျင်မှာလည်း အမှန်ဖြစ်သည်။ သို့သော် ငြိမ်းချမ်းမှ တိုင်းပြည်ဖွံ့ဖြိုးတိုးတက်မည့် သမိုင်းဘီးကြီးက အရှိန်အဟုန်ပြင်းစွာဖြင့် လည်ပတ်လာပြီဖြစ်သဖြင့် မငြိမ်းချမ်းလိုသူများ ကျရှုံးပြီး ငြိမ်းချမ်းရေး အမှန်ရမည်ဟု မျှော်လင့်မိပါသည်။
 
အေးလွင်(ကသာ)
The Ladies News
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.