သူ့တာကိုယ့်တာ လုံခြုံစွာ // ရွှေဒါးမောင်လေးရည် //

( ၁ )
 
လူသားနှင့် သဘာဝပတ်ဝန်းကျင်တို့၏ ဆက်သွယ်မှုတရားက တစ်ဦးနှင့် တစ်ဦး အပြန်အလှန် လေးစားမှုဖြင့် ဆက်ဆံကြမှ အဆင်ပြေချောမွေ့ နိုင်ကြမည် ဖြစ်ပါသည်။ လက်ရှိ ကြုံတွေ့ကြားသိ နေကြရသည့် သဘာဝဘေးဒဏ် တို့ကြောင့် ကမ္ဘာနှင့်အ၀ှမ်း ခံစားနေကြရသည့် ဘေးဒုက္ခတို့မှာ ရာသီဥတု ပြောင်းလဲခြင်း ဖြစ်စဉ်များကြောင့် ပါဝင်သလို လူသားမျိုးနွယ်စုများ၏ သဘာဝ ပတ်ဝန်းကျင်အပေါ် ဆင်ခြင်မဲ့ ပြုကျင့်မှုကြောင့်လည်း ပါဝင်နေပေသည်။ ဥပမာအားဖြင့် မြစ်ရေလျှံခြင်း၊ မြစ်ရေကြီးခြင်း ဖြစ်ရသည်မှာ မြစ်ချောင်းများ၏ ရေဝေရေလဲ အရပ်ရှိ သစ်ပင် သစ်တောများအား မဆင်မခြင် ခုတ်ထစ်ခြင်းက အဓိက တရားခံများ ဖြစ်ကြပေသည်။ ထိုအရပ်များရှိ သစ်ပင်သစ်တောတို့အား အတိုင်းအဆမဲ့ ခုတ်ထစ်ကြခြင်းဖြင့် မိုးရွာသည့်အခါ သစ်ပင်တို့၏ အကာအကွယ်များ ကင်းမဲ့ကြရပေသည်။ ထိုအခါ မိုးရေတိုက်စားခြင်း ကြောင့် မြေဆီလွှာများ မျောပါကာ မြစ်ကြမ်းပြင်များ မြင့်တက်ကြရပေ သည်။ ထိုမှတစ်ဆင့် မြစ်ရေကြီးခြင်း မြစ်ရေလျှံခြင်းတို့ဖြင့် ချောင်း ဘေး မြစ်ဘေးနေ ဒေသခံပြည်သူတို့ အတိဒုက္ခတို့ဖြင့် ရင်ဆိုင်ကြုံတွေ့ကြ ရပေသည်။
 
ရှမ်းပြည်နယ်တောင်ပိုင်းမှ သဘာဝရင်းမြစ် အင်းလေးကန်၏ ရေ၀င် ရောက်မှု အနေအထားဆီ မျှော်ကြည့်ကြပါစို့။ တစ်နှစ်ထက် တစ်နှစ် ရေ၀င်ရောက်မှု နည်းပါးရသည့် နည်းတူ အင်းလေးကန်ရေပြင်မှာလည်း နွေရာသီရောက် ပြီဆိုသည်နှင့် ခန်းခြောက်ခြင်းနှင့် စိုက်ပျိုးရေး၊ သွားရေး လာရေး အခက်အခဲများနှင့် ရင်ဆိုင်လာခဲ့ကြရသည်မှာ နှစ်ပရိစ္ဆေဒ အားဖြင့် မနည်းလှတော့ပေ။ ထိုကိစ္စ၏ ရင်းမြစ်အကြောင်းအရာကို စေ့ငုကြည့်တော့ ရေဝေရေလဲ ဒေသဆီမှ သစ်တောသစ်ပင်များ ပြုန်းတီးရခြင်းကြောင့် ဆိုသည့် အဖြေတစ်ခုကို တွေ့ရသည်ဟု ဆိုပါသည်။ လတ်တလော ဖြေရှင်းမှုအဖြစ် နှစ်စဉ် ကန်အတွင်းမှ နှုန်းမြေများကို ဆယ်ယူခြင်းများ ပြုလုပ်ပေးလျက် ရှိပေသည်။
 
တလောဆီကတော့ အင်းလေးကန်အရေး ကိစ္စများအား ထိန်းသိမ်း စောင့်ရှောက်ရေး အပါအ၀င် ဒေသတွင်း ပူးပေါင်းဆောင်ရွက်မှု အားကောင်းစေရန် ဆောင်ရွက်မည့် အင်းလေးကန်ဒေသ အုပ်ချုပ်ရေး ရုံးခန်း ဖွင့်လှစ်ဆိုသည့် သတင်းတစ်ပုဒ်ကို ဖတ်ရှုခဲ့ရပေသည်။ သည်ကိစ္စနှင့် ပတ်သက်ပြီး `အခုက ရုံးခန်းဖွင့်တာပေါ့၊ ဖွဲ့စည်းပုံကတော့ ရှမ်းပြည်နယ် အစိုးရရုံးမှာလုပ်ပြီးသားလေ။ ၀န်ကြီးချုပ်က ဥက္ကဋ္ဌလေ၊ ကော်မတီသုံးရပ် ခွဲထားတယ်။ အဖွဲ့ဝင်တွေက ၂၅ ဦးပေါ့။ လုပ်ငန်းစဉ်တွေကလည်း အရင်ကတည်းက လုပ်လာခဲ့တာ ကြာပါပြီ။ ခုထိလည်း လုပ်နေတုန်းပါပဲ´ ဟု အင်းဝန်ကြီး ဒေါက်တာထွန်းလှိုင်၏ စကားသံကို နားဆင်လိုက်ရပေသည်။ ကောင်းသော လုပ်ရပ်ပါပေ။ ဒေသခံတစ်ဦးကတော့ `ရုံးဖွင့်တာတော့ အများကြီး ကောင်းလာမယ်၊ နိုင်ငံတကာနဲ့ ချိတ်ဆက်ရာမှာလည်း အစိုးရအတွက် ၀န်ထုပ်ဝန်ပိုး မဖြစ်စေဘဲ တိုက်ရိုက်ချိတ်ဆက်ပြီးတော့ ဒေသအကျိုးအတွက် ကောင်းကျိုးတွေ ဖြစ်လာမယ်။ အရင်ကလည်း စောင့်ရှောက်ရေးတွေ အများကြီးလာလုပ်ပေမယ့် ပွင့်လင်းမြင်သာမှု မရှိဘူးပေါ့။ ခုလို ရုံးဖွင့်လိုက်ခြင်းအားဖြင့် ဥပဒေနည်းဥပဒေ ပေါ်လာချိန်မှာ ဌာနဆိုင်ရာနဲ့ ပူးပေါင်းဆောင်ရွက်တာတွေ အားကောင်းလာမယ်။ ဒေသတွင်း ပြည်သူတွေရဲ့ ပူးပေါင်းပါဝင်မှုလည်း ကျယ်ပြန့်လာမယ်လို့ ယူဆတယ်။ အဓိကကတော့ ကန်ရေရှည်တည်တံ့ ထိန်းသိမ်းကာကွယ် စောင့်ရှောက် ရေး အပိုင်းပေါ့။ အသုံးဝင်မယ်လို့လည်း မြင်တယ်။ ငါးမဖမ်းရနယ်မြေ သတ်မှတ်တာ ငါးဖမ်းနည်း စနစ်တွေ ထိန်းချုပ်တာ၊ လျှပ်စစ်ရှော့တိုက် တာတွေ ကာကွယ်နိုင်မယ်။ အရင်တော့ အရေးယူမှု အားနည်းတာပေါ့။ အင်းလေးမှာ အုပ်ချုပ်ရေးရုံး ဖြစ်လာရင် အခါအားလျော်စွာ ထုတ်ပြန်တဲ့ ဥပဒေ၊ နည်းဥပဒေအရ လုပ်ထုံးလုပ်နည်းအရ မှန်မှန်ကန်ကန် ဒေသခံ ပြည်သူတွေနဲ့ သွားမယ်ဆိုရင် တော်တော်များများတော့ လျော့ပါးမယ်လို့ ယူဆတယ်။ မြေအသုံးချတာတွေရောပေါ့။ ဥပဒေအတိုင်း ဆောင်ရွက်နိုင် မယ်လို့ ယူဆတာပေါ့´ ဆိုသည့် ဒေသခံတစ်ဦး၏ ကြိုဆိုစကားကိုလည်း နားဆင်ခဲ့ရပေသည်။
 
ဒေသခံများအနေကတော့ ကြိုဆိုကြမည် ဖြစ်သလို၊ မည်သို့သော အကျိုးကျေးဇူးများကို လက်တွေ့ခံစားကြမည် ဆိုတာကိုလည်း မျှော်လင့်နေကြမည်သာ ဖြစ်ပေသည်။ မကြာမီ မိုးကာလသည်လည်း ကုန်ဆုံးတော့မည် ဖြစ်သည်မို့ ခုလာမည့် နွေရာသီရောက်ခဲ့လျှင် အင်းလေးကန် အုပ်ချုပ်ရေးရုံးခန်း၏ စွမ်းဆောင်မှုများဖြင့် တို့တစ်တွေ မည်သို့သော ကောင်းကျိုးရလဒ်တွေဖြင့် ယခင်ကာလများဆီက အနိဋ္ဌာရုံခံစားမှုတို့ကို သူတို့တွေဘ၀ထဲက မောင်းထုတ်နိုင်ကြတော့မည်လား ဟူ၍လည်း တွေးတောနေကြမည်လား မသိနိုင်ပါပေ။ ဘာပဲဖြစ်ဖြစ် ယခုကဲ့သို့ အင်းလေးကန် အကျိုး၊ အင်းလေးဒေသခံ များ၏ အကျိုးတရားကောင်းများကို ဖော်ဆောင်ပေးမည့် ယခုလို `အင်းလေးကန် အုပ်ချုပ်ရေးရုံးခန်း´ ကိုတော့ ကျွန်တော်တို့ အားလုံးကလည်း ကြိုဆိုလိုက်ရပေသည်။
 
( ၂ )
 
အင်းလေးကန်ဒေသကဲ့သို့ပင် မြန်မာတို့၏ ကုန်းတွင်း ရေအိုင်တစ်ခု ဖြစ်သည့် ကချင်ပြည်နယ်အတွင်းမှ အင်းတော်ကြီးအိုင် ဒေသသည်လည်း အထင်ကရ နေရာတစ်ခု ဖြစ်ပေသည်။ အာဆီယံ အမွေအနှစ် ဆိုင်ရာ ဥယျာဉ်စာရင်းဝင် ဘေးမဲ့တောဖြစ်ပြီး ၂၀၁၆ ခုနှစ် ဖေဖော်ဝါရီ ၂ ရက်က မြန်မာနိုင်ငံ၏ ဒုတိယ ရမ်ဆာရေ၀ပ်ဒေသအဖြစ် သတ်မှတ်ခဲ့ပြီး ဖြစ်လေသည်။ ထိုဘေးမဲ့တောကို ဒေသမျိုးရင်း ရေကြက်နှင့် ၄င်းတို့ မှီခို ကျက်စားသည့် နေရာများ ကာကွယ်ထိန်းသိမ်းရေး အတွက်လည်း ၁၉၉၉ ခုနှစ်ကပင် တည်ထောင်ခဲ့ပြီးလည်း ဖြစ်ပါသည်။
 
လက်ရှိကာလ ထိုအင်းတော်ကြီးအိုင်အား သဘာဝအတိုင်း ရပ်တည်နေနိုင်ရေးအတွက် ခြောက်လှန့်မှုပေါင်းဖြင့် ရင်ဆိုင်နေရမှုများက စိတ်မချမ်းမြေ့ဖွယ် ရှိကြရပေသည်။ အင်းတော်ကြီးအိုင်မှာ သဘာဝရေချိုအိုင် တစ်အိုင်ဖြစ်ပြီး မြန်မာပြည်၏ အကြီးမား အကျယ်ပြန့်ဆုံး ရေအိုင်ကြီးလည်း ဖြစ်ပါသည်။ အင်းတော်ကြီး တောရိုင်းတိရစ္ဆာန် ဘေးမဲ့တောဖြစ်ပြီး ငါးမျိုးစိတ် ၆၄ ၊ ဆောင်းခိုငှက် အမျိုးပေါင်း ၄၄၈၊ ကုန်းနေရေနေ သတ္တ၀ါ ၃၄ မျိုး ကျက်စားလျက်ရှိကြောင်း ဇီဝမျိုးစုံ မျိုးကွဲနှင့် သဘာဝထိန်းသိမ်းရေး အသင်း (Banca)မှ ဆိုပေသည်။ လက်ရှိကာလ အင်းတော်ကြီးကန် ပျက်စီးရခြင်း အကြောင်းနှစ်ချက်ကို ဒေသခံ သဘာဝပတ်ဝန်းကျင်နှင့် သားငှက်ထိန်းသိမ်းရေး လုပ်ငန်းများ လုပ်ကိုင်လျက်ရှိသူ တစ်ဦးက အင်းတော်ကြီးကန်အတွင်း စီးဝင်လျက်ရှိသည့် ချောင်းကလေးအကြောင်းကို `ကျွန်တော်တို့ ငယ်ငယ်တုန်းက ဒီချောင်းရေဟာ ကြည်စိမ်းနေတယ်။ အခုတော့ ချောင်းရေဟာ သွေးရောင်လို ဖြစ်နေပြီး ချောင်းအထက်ဘက်မှာဆိုရင် တကယ့်ရွာကြီးလိုကို ရွှေတူးနေကြတာ။ ဒီရွှေတွင်း တူးတာကြောင့်ပဲ အင်းတော်ကြီးကန်ဟာ ပျက်စီးမယ့် အရေးကို စိုးရိမ်နေရပြီ´ လို့ ဆိုပါသည်။ ‘ချောင်းအထက်ဘက်မှာ ဆိုရင် တကယ့်ရွာကြီးလိုကို ရွှေတူးနေကြတာ။ အဲဒီနေရာမှာ မူးယစ်ဆေးကအစ အကုန်လုံးရတယ်။ ဥပဒေဆိုတာ ဘာမှန်းမသိတဲ့ နေရာဖြစ်နေပြီ’ လို့လည်း Farma & Flora International အဖွဲ့မှ ကိုရန်ခေါင်က ဆိုပါသည်။
 
အင်းတော်ကြီးအိုင်နှင့် ပတ်သက်ပြီး လွှတ်တော်တွင်းက အသံများမှာတော့ အင်းတော်ကြီးအိုင်ဒေသ ၀န်းကျင်၌ ရွှေသတ္တုတူးဖော် ထုတ်လုပ်ရန် တရားဝင်ခွင့်ပြုမိန့် ထုတ်ပေးထားသည့် လုပ်ကွက်များ မရှိကြောင်း၊ သယံဇာတနှင့် သဘာဝပတ်ဝန်းကျင် ထိန်းသိမ်းရေး ၀န်ကြီးက ဖြေကြားခဲ့သော်လည်း စက်ယန္တရား ၅၀ ခန့်ဖြင့် ရွှေတူးဖော်မှုများ ရှိနေကြောင်း ပြည်သူ့လွှတ်တော် ကိုယ်စားလှယ် ဒေါ်စန်းစန်းအိက ပြည်သူ့လွှတ်တော်သို့ တင်ပြခဲ့ပြီး ဆက်၍ `အင်းတော်ကြီးအိုင် ပတ်ဝန်းကျင် အတွင်း ရွှေတူးဖော်ထုတ်လုပ်နေမှုကို မည်ကဲ့သို့ အရေးယူဆောင်ရွက် ပေးနိုင်မည်ကို သိလိုခြင်း´ နှင့် ပတ်သက်သည့် မေးခွန်းအား ၀န်ကြီးက တရားဝင်ခွင့်ပြုထားသော လုပ်ကွက်မရှိကြောင်း ဖြေကြားခဲ့ပေသည်။
 
တရားမ၀င် ရွှေသတ္တုတူးဖော်ခြင်း လုပ်ငန်းများအား ဖယ်ရှားနိုင်ရန် သတ္တုတွင်း ဦးစီးဌာနက ကွင်းဆင်းစစ်ဆေးမည့် စီမံချက်ရေးဆွဲ၍ ကချင်ပြည်နယ် အစိုးရအဖွဲ့၏ လုံခြုံရေးဆောင်ရွက် ပေးနိုင်မှုအပေါ် မူတည်ပြီး ဒေသန္တရ အုပ်ချုပ်ရေး အဖွဲ့အစည်းများနှင့် ပူးပေါင်းဆောင်ရွက်နေပါကြောင်း ၀န်ကြီး၏အဖြေတစ်ရပ်ကိုလည်း နားဆင်လိုက်ရပေသည်။
 
ဝန်ကြီး၏အဖြေမှာတော့ သက်ဆိုင်ရာ ပြည်နယ်အစိုးရ အဖွဲ့၏ အထောက်အပံ့တို့နှင့် ပူးပေါင်း၍ ပုံဖော်မှုပြုမည့် အဖြေပေးထားခဲ့ပေသည်။ လက်ရှိအနေအထား ဘက်သို့ ငဲ့စောင်းကြည့်ရှုမိတော့မည်နှင့် မည်မျှအထိ၊ သဘာဝပတ်ဝန်းကျင် ထိခိုက်ပျက်စီးနေပြီ ဆိုသည်ကို ဒေသခံ ပြည်သူတို့၏ မချိတင်ကဲ နှုတ်ထွက်စကားသံများက သက်သေပြုနေသည်ဆိုသည်မှာ ခန့်မှန်းနိုင်ပေသည်။ သက်ဆိုင်ရာတို့က နှောင့်နှေးကြန့်ကြာလေလေ တရားမဲ့စွာ ပြုမူသူတို့အတွက် အကျိုးအမြတ်များ ရရှိလေလေ ဖြစ်ရသည်မှာ အားလုံးသော ပြည်သူများလည်း သိရှိကြပါသည်။ သက်ဆိုင်သူ အပေါင်းတို့ဘက်က လက်နှေးနေသမျှ သဘာဝပတ်ဝန်းကျင်နှင့် နိုင်ငံပိုင် သယံဇာတ အရင်းအမြစ်များသည်လည်း ဆက်၍ … ဆက်၍ ….။
 
ရွှေဒါးမောင်လေးရည်
The Ladies News
 
 

 

Vote: 
Average: 5 (1 vote)
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.