စိတ်ကောင်းရှိဖို့ ကြိုးစားကြ // ဒေါက်တာခင်မောင်ညို //

( ၁ )
 
လတ်တလော၊ မီးအတော်ပျက်တော့ တရုတ်စကားပုံ တစ်ခုကို သတိရသည်။
 
`မှောင်နေရကာကို အပြစ်တင်က ကျိန်ဆဲမနေပါနဲ့။ ဖယောင်းတိုင် ထွန်းညှိ လိုက်ပါ´ တဲ့။
 
မီးထွန်းဖို့ ဖယောင်းတိုင် မရှိရင်ကော။
 
စွမ်းအင် (Resorce) တွေ များစွာရှိပါသည်။ ရေအား၊ နေရောင်ခြည် စသည့် စွမ်းအင်တွေလည်း ရှိပါသည်။ မြို့နယ် ၁၂၀ ကျော် (Solar Energy) နေရောင်ခြည်ဖြင့် မီးလင်းနေပါသည်။
 
`တစ်ယောက်ယောက်က ကူညီရမှာပေါ့။ ကမ္ဘာမှာ လူတွေအများကြီး၊ လူတွေမှာ အသိုင်းအ၀ိုင်းတွေ ရှိတယ်´
 
`အဲဒီအသိုင်းအ၀ိုင်းတွေမှာ စိတ်ကောင်းရှိရင်တော့ အဆင်ပြေတာပေါ့။ ဒါပေမဲ့ စိတ်ကောင်းမရှိတဲ့ သူတွေ အတော်လေးများလို့ ကမ္ဘာကြီးဟာ အမိုက်တိုက်ဖြစ်နေတယ်။ မှောင်မည်းနေတယ်။ ဒီလိုဖြစ်တာ ဘယ်သူ့ လက်ချက်လဲ´
 
( ၂ )
ကိုဘသစ်သည် ကျွန်တော့်သူငယ်ချင်းပေမယ့် ဆရာပါပဲ။ လောကကြီးမှာ ကြားဆရာ၊ မြင်ဆရာ၊ သင်ဆရာဆိုပြီး ရှိသည်။ ကိုဘသစ်ကတော့ ဒီဆရာသုံးမျိုးထဲတွင် ပါသည့်အပြင် ယနေ့ခေတ်စကားဖြင့် ပြောနေကြ သည့် ကူညီသောသူ (Mentor) လို့လည်း သူ့ကိုခေါ်နိုင်ပါသည်။ လွန်ခဲ့သောနှစ်များက လျှပ်စစ်မီးနှင့် ပတ်သက်၍ ဆန္ဒပြမှုတွေ ဖြစ်သည်။ သမ္မတအကြံပေးတစ်ယောက်က ဖယောင်းတိုင်ထွန်းပြီး ဆန္ဒပြနေမယ့် အစား အိမ်ပြန် ဖယောင်းတိုင်ထွန်းပါ´ ဟု ပြောခဲ့ပါသည်။ သူ့စေတနာ ကောင်းပါသည်။ စေတနာဖြင့် ပြောတာပါ။
 
သို့သော် ပြည်သူတွေက ဒီထက်မက ခံစားနေရပါသည်။
 
ကမ္ဘာတွင် နှစ် ၂၀၀ ကျော် မီးတွေထိန်လင်းနေပါသည်။ သယံဇာတ အလျှံအပယ်ပေါသော ဒီနိုင်ငံတွင် ပြည်သူတွေက အဲဒီ ပြည်သူ့အခွင့် အရေးများ လုံးဝမရသည့်အတွက် ဆန္ဒပြခြင်းသာ ဖြစ်သည်။
 
ကျွန်တော်တို့ အမှောင်ထဲမှာ မနေချင်ကြပါ။
 
အမှောင်ဆိုသည်မှာ အ၀ိဇ္ဇာဖြစ်ပါသည်။ ကြောက်စရာ ကောင်းပါသည်။ ကိုဘသစ်က ဆက်ဆွေးနွေးသည်။
 
`အာရပ် နိုင်ငံတွေမှာ စစ်ပွဲတွေနဲ့ ရုန်းရင်းဆန်ခတ်မှုတွေ ဖြစ်နေတယ်´
 
`ဒါပဲလား´
 
`မြောက်ကိုရီးယားနဲ့ တောင်ကိုရီးယား ရန်စောင်နေတယ်။ အမေရိကန်၊ ဂျပန်တို့ ပူပန်နေတယ်´
 
`ဒါပဲလား´
 
`အစ္စရေးနဲ့ ပါလက်စတိုင်း စစ်ဖြစ်နေတယ်´
 
`ဒါပဲလား´
 
`ကမ္ဘာအနှံ့ အကြမ်းဖက်မှုတွေ ဖြစ်နေတယ်´
 
`ဆိုးတယ်´
 
`လက်ပံတောင်းတောင် ကိစ္စ မအေးသေးဘူး´
 
`ဟုတ်ပါတယ်။ ဒါဟာ ဘယ်သူ့မှာ တာဝန်ရှိလဲ။ ဘယ်သူ့ကို အပြစ် တင်ရမလဲ´
 
`ဘယ်သူ့ကိုမှ အပြစ်မတင်ပါနဲ့။ ဒါဟာ အ၀ိဇ္ဇာလို့ခေါ်တဲ့ အမှောင်ထဲ ရောက်နေတာတွေကြောင့် ဖြစ်ရတာပါ´
 
`အမှောင်ထဲကနေ ထွက်ဖို့ ဘာလိုလဲ´
 
`မေတ္တာပါ။ မေတ္တာမီးရောင် ဆောင်ကြဉ်းပေးဖို့ လိုပါတယ်´
 
( ၃ )
 
မေတ္တာကို သဘောပေါက်ကြပါမယ်။ မေတ္တာဟူသည် အကျိုးကို လိုလားခြင်း ဖြစ်ပါသည်။ ကိုဘသစ်က ထောက်ခံပါသည်။
 
`ဟုတ်ပါတယ်။ မေတ္တာဆိုတာ အကျိုးကို လိုလားတာပါ။ ဒါပေမဲ့ ဘယ်သူ့ အကျိုးကို လိုလားတာလဲ´
 
`ရန်သူပဲဖြစ်ဖြစ်၊ မိတ်ဆွေပဲဖြစ်ဖြစ်ပေါ့ ဟုတ်လား´
 
`ဟုတ်ပါပြီ။ ပါးစပ်က ရွတ်ရုံနဲ့ ဖြစ်တာပဲလား။ စိတ်က မေတ္တာပို့ရုံနဲ့ ထိရောက်ပါသလား´
 
`လက်တွေ့လည်း လုပ်ရမှာပေါ့။ ဒါပေမဲ့ လက်ရခက်မယ်ထင်တယ်´
 
`ခက်တာပေါ့။ မေတ္တာသုတ်ထဲမှာ `ဖမ်း´ ထားတဲ့ အချက်တစ်ချက် ပါတယ်´
 
`ပြောပြပါလား´
 
`လူလူချင်း တစ်ဖက်သားအပေါ် အထင်မသေးရဘူးဆိုတာ ပါတယ်´
 
`ကောင်းပါတယ်´
 
`အထင်မသေးဘူးဆိုတာ လေးစားတာကို ပြောတာပေါ့´
 
`ဒါက လူမှုဆက်ဆံရေးနဲ့ ဆိုင်တာပဲ´
 
`အမှန်ပဲပေါ့။ လူတွေဟာ တစ်ယောက်ကို တစ်ယောက် အထင်သေးရင် ဘာမှ လက်တွဲလို့မရဘူး´
 
`ဟုတ်ကဲ့၊ လေးစားကြရင်တော့ အတူတူတွဲပြီး အလုပ်လုပ်နိုင်တာပေါ့´
 
`ဟုတ်တယ်။ လေးစားတယ်ဆိုတာ ကိုယ်ပြောတဲ့အတိုင်း ကိုယ်လုပ်တာမျိုးပေါ့။ တစ်ယောက်ကို မနက် ၉ နာရီလာပါလို့ ချိန်းလိုက်ရင် မနက် ၉ နာရီမှာ ကိုယ်စောင့်ဖို့လိုတယ်´
 
`ကိုယ် ချိန်းထားတာပဲလေ။ ကိုယ်က တစ်ဖက်သားကို လေးစားတယ်ဆိုတာ ပြောတဲ့အတိုင်း လုပ်တာပေါ့ ဟုတ်လား´
 
`ဟုတ်တယ်လေ။ ကတိပေးထားရင်လည်း ကတိအတိုင်း ဆောင်ရွက်တာဟာ လေးစားတာပဲ´
 
`မလေးစားတဲ့ ဆန့်ကျင်ဖက် နောက်တစ်ခု ရှိသေးတယ်။ အဲဒါက စော်ကားတာကို ပြောတယ် မဟုတ်လား´
 
`ဟုတ်ပါတယ်။ မလေးမစား လုပ်တာဟာ စော်ကားတာပါပဲ´
 
( ၄ )
 
`ဒါဆိုရင် အလုပ်ဖြစ်အောင် ဆိုတဲ့ သဘောကို မြင်ပြီထင်တယ်´
 
`မြင်လာပါတယ်။ အလုပ်ဖြစ်ဖို့ဆိုတာ မလေးမစား မလုပ်ရဘူး။ မစော်ကားရဘူးပေါ့´
 
`ဆွေးနွေးပွဲတွေမှာ အများကြီးတွေ့ရတယ်။ စေ့စပ်ညှိနှိုင်းတဲ့အခါတွေမှာ အောင်မြင်ဖို့အတွက် ပထမဦးဆုံး လေးစားရမယ်´
 
`ခုမှပဲ မေတ္တာ ထားတယ်ဆိုတာကို သဘောပေါက်လာတော့တယ်။ ကျွန်တော်တို့က တစ်ယောက်ကို တစ်ယောက် ချစ်ခင်တာဟာ မေတ္တာပဲလို့ ယူဆခဲ့တယ်´
 
`ဒါလည်းမှန်ပါတယ်။ ဒါပေမဲ့ လူတွေဟာ အသိုင်းအ၀ိုင်းနဲ့ နေကြတယ်။ (Social Animals) တွေပေါ့။ တစ်ယောက်ထဲ လုပ်လို့မရတာတွေ အများကြီးဖြစ်တယ်။ မိမိစားနေတဲ့ ထမင်းတစ်ပန်းကန်ကို စားရဖို့ဟာ လူအများကြီးက ပါဝင်ပတ်သက်နေတယ်´
 
`ရှင်းပါဦးဆရာ´
 
`ခင်ဗျားစားနေတဲ့ ထမင်းဖြစ်လာဖို့ စပါးမင်းစိုက်လား´
 
`မစိုက်ဘူး´
 
`ရိတ်ရော ရိတ်လား´
 
`ဟင့်အင်း၊ ကျွန်တော်တို့က ၀ယ်လိုက်တာပဲ´
 
`အေး၊ ၀ယ်လိုက်ဖို့ တစ်ယောက်ယောက်ကတော့ စိုက်ပျိုးထားရတာပဲ မဟုတ်လား´
 
`သူလည်း စပါးစိုက်မယ်၊ သူစားမယ်၊ အချို့ကို ရောင်းတာပေါ့။ ဒါမှလည်း သူလိုအပ်တာတွေကို ၀ယ်ယူနိုင်မှာပေါ့´
 
`အဲဒါကိုပဲ ပြောတာ။ စိုက်တဲ့သူမရှိရင် မင်းပိုက်ဆံ ဘယ်လောက်ရှိရှိ ၀ယ်စားလို့မရဘူး။ ပြင်သစ်က ဘုရင်မမာရီယိုအန် တိုနက် ပြောသလို `ပေါင်မုန့်မရှိရင် ကိတ်မုန့်စား´ ဆိုတာမျိုးတော့ မပြောပါနဲ့။ မိမိက ဘာမှ မလုပ် မစိုက် မပျိုးဘဲ စားသောက်နိုင်တာ ပတ်ဝန်းကျင်က လူတွေ ကောင်းလို့ပေါ့။ ဒါကို ကိုယ်တိုင် နားလည်ရမယ်။ ကိုယ်ကလည်း တတ်နိုင်တာကို လုပ်ပေးတယ်၊ သူလည်း သူ တတ်နိုင်တာတွေ လုပ်တယ်။ လူ့ဘောင်ဆိုတာ အဲဒီသဘောပဲ´
 
`ဒါဆိုရင် ဘုရင်တွေ ၊ အာဏာရှင်တွေ ၊ အစိုးရတွေ ၊ လွှတ်တော် ကိုယ်စားလှယ်တွေ ၊ တရားသူကြီးတွေ ၊ စစ်ဗိုလ် စစ်သားတွေလည်း ဒါကို သိသင့်တာပေါ့´
 
`ဒါပေါ့။ သူတို့ကို ပြည်သူက ကျွေးထားပေးထားတယ်ကွ။ ပေးတဲ့ လက်နဲ့ ခံတဲ့လက် ဘယ်သူက အပေါ်ကလဲ´
 
`ပေးတဲ့လက်က အပေါ်ကပေါ့´
 
`အဲဒါကို ပြောတာပေါ့။ အပေါ်အောက်ဆိုပြီး အထင်မသေးပါနဲ့ လေးလေးစားစား ဆက်ဆံဖို့ပါ´
 
( ၅ )
 
`ခု တို့တစ်တွေ အလင်းရောင်မြင်စ ပြုနေတဲ့ ကာလပေါ့´
 
`လင်းရောင်မြင်လာတော့ မိုးသောက် အလင်းရောက်တော့မှာပေ့ါ´
 
`ညဘက် (နေ၀င်ဆည်းဆာ) မဟုတ်ရင်တော့ အရုဏ်ပေါ့လေ။ မိုးသောက်တော့မှာပေါ့။ ဒီအခါ လူတွေဟာ အသိပညာရှိထားဖို့ လိုတယ်။ ပညာမရှိရင်တော့ တိုးတက်ကြီးပွားဖို့ နှေးနေဦးမှာပဲ´
 
`ဆိုးတယ်နော်´
 
ဟုတ်ပါတယ်။ လူအားလုံးဟာ အတူတူပဲ။ လူတွေဟာ အုပ်စုဖွဲ့ပြီး နေကြတယ်။ အချို့က ဘုရင်၊ အချို့က ဆင်းရဲသားပေါ့။ ဒါပေမဲ့ ဒီလူတွေဟာ အတူတူပါပဲ။ ဒါကို ဗုဒ္ဓက ဦးစွာမြင်ခဲ့တယ်။ ဘုရားသားတော်တွေဖြစ်တဲ့ သံဃာတွေဟာ ဘယ်မျိုးနွယ်စုက လာလာ အတူတူပဲလို့ ဆိုထားတယ်´
 
`ဟုတ်ပါတယ်။ အိန္ဒိယမှ ဇာတ်ပြသ၁နာက အကြီးကြီးပဲ´
 
`တကယ်တော့ ဘုရင်နဲ့ ဆင်းရဲသား အတူတူပဲဆိုတာကို အဲဒီခေတ်က ဘယ်သူပြောရဲမှာလဲ´
 
`ဘယ်လိုလုပ်ပြောမလဲ၊ သက်ဦးဆံပိုင် ခေတ်လေ။ ပြောမှားဆိုမှားနဲ့ သေသွားနိုင်တယ်´
 
`အားလုံး တန်းတူရည်တူဆိုရင် တစ်ယောက်အလုပ်ကိုလည်း တစ်ယောက် အထင်မသေးတော့ဘူး။ ကိုယ်ချင်းစာစိတ် ရှိလာမယ်ထင်တယ်´
 
( ၆ )
 
အ၀ိဇ္ဇာသည် ကြောက်စရာကောင်းသည်။ ဒါကို မောဟလို့လည်း ခေါ်နိုင်ပါသည်။ အမှောင်ထဲနေရခြင်း၊ မြင်နိုင်စွမ်းမရှိခြင်း တို့ကြောင့် လူအများ ဆင်းရဲနေကြသည်။
 
မျှပါ၊ ဝေပါ။
 
ပေးကြပါ။
 
ယူဖို့သာ မကြိုးစားပါနဲ့။
 
မှောင်နေရင်း ကျိန်ဆဲမနေပါနဲ့။ ဆိုလာမီးလေး တပ်လိုက်ပါ။ လိုအပ်ရင် မီးခလုတ်လေးကို ဖွင့်လိုက်ပါ။
 
ဒေါက်တာခင်မောင်ညို
The Ladies News
 

 

Vote: 
Average: 5 (1 vote)
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.