ငွေ // လင်းသက်ခိုင် //

( ၁ )
 
`ငွေကို ဒုတိယဘုရားသခင်´ ဟု ပင် လူတချို့က ကင်ပန်းတပ်ကြလေ သည်။ အဘယ်ကြောင့် ဆိုသော် မိမိတို့ စိတ်ဆန္ဒထဲမှ အလိုရှိသမျှ အရာ အားလုံးကို ငွေဖြင့်သာ ဖန်ဆင်းနိုင်သောကြောင့် ဖြစ်၏။ လောကကြီးမှာ ငွေသာရှိလျှင် အားလုံးပြည့်စုံသည်။ ချမ်းသာသုခဖြင့် အတိပြီးသည်ဟု လည်း ဆိုပြန်ပါသည်။ ငွေမရှိလျှင် ဆင်းရဲသော ဘ၀သည် နိမ့်ကျသော လူနေမှုစနစ်အောက်တွင် နစ်မြုတ်ပျောက်ကွယ် ရလေသည်။ ငွေမရှိလျှင် လူလည်း မတင့်တယ်၊ ဂုဏ်လည်း ငယ်ရလေသည်။
 
`ဂုဏ်၊ ဂုဏ်၊ ဂုဏ် … ဂုဏ်ဆိုတာ ငွေကိုခေါ်တယ်၊ ငွေကိုသာ ရေလိုသုံး ရင်၊ တစ်ပြည်လုံးမှာ လုပ်သမျှတင့်တယ်´ ဟူ၍ပင် ဆရာဦးသုခက သီချင်း တစ်ပုဒ်မှာ စပ်ဆိုခဲ့ဖူးလေသည်။ လောကတွင် ငွေမရှိလျှင် မျက်နှာငယ်ရ၍ ငွေသည် လောကကြီးအတွက် မရှိမဖြစ် အရေးပါသော အရာတစ်ခု ဖြစ်လေသည်။
 
လူတချို့က `ငွေကို ဒုတိယ ဘုရားသခင်´ ဟုပင် တင်စားခေါ်ဝေါ်ကြ သလို၊ အချို့ကလည်း´ ငွေဆိုတာ လူတွေ အသက်ရှင်အောင် ရှူရှိုက် ရသည့် လေတစ်မျိုး´ ဟု တင်စားခေါ်ဝေါ်ကြလေသည်။ သည့်အတွက် လောကကို အရာရာပြီးပြည့်စုံအောင် ဖန်ဆင်းနိုင်ဖို့ ငွေရှိမှဖြစ်မည်။ ငွေရှိဖို့အတွက် ငွေရှာရမည်။ ငွေရမှဖြစ်မည်။ ကောင်းပြီ၊ ငွေကို မည်သို့ ရှာဖွေရမည်နည်း။ ငွေကို ရအောင်ရှာမှ ဖြစ်မည် ဆိုသည်က မှန်သည်။ ငွေကို သမ္မာအာဇီဝနှင့် ရှာမည်လား၊ မသမ္မာအာဇီဝနှင့် ရှာမည်လား။ ငွေက ရှာဖွေတိုင်းရော ရသည်ဟုတ်ပါရဲ့လား။
 
လူတွေအားလုံး နေ့စဉ်နှင့်အမျှ ငွေကို မရအရ ရှာကြသည်။ ငွေနောက် လိုက်ကြသည်။ လက်ထဲမှာ ငွေရှိမှ စားဝတ်နေရေး အဆင်ပြေမည်။ နေဖို့ အဆင်ပြေမည်။ စားဖို့ အဆင်ပြေမည်။ လူ့ခန္ဓာကိုယ် အသက်ဆက် ရှင်သန်ရေး အတွက် နေ့စဉ်နှင့်အမျှ အစာစားမှ အသက်ရှင်မည်။ အစာစားဖို့ ငွေရှိမှဖြစ်မည်လေ။
 
နေ့စဉ်နှင့်အမျှ လူတွေအားလုံး ငွေကိုရှာကြသော်လည်း ငွေက လူတွေဆီ လွယ်လွယ်ကူကူနှင့်တော့ ရောက်လာသည် မဟုတ်ပေ။ တချို့က ငွေကို နဖူးက ချွေး ခြေမကျသည်အထိ နေပူစပ်ခါးထဲမှာ တစ်နေကုန် ရုန်းကန် ပြီးမှ ပင်ပန်းစွာရရှိကြ၏။ အချို့က ပညာနှင့်ရှာ၏။ အချို့က ကာယ အားဖြင့် ရှာရ၏။ ထိုက်တန်သည့် ရင်းနှီးမှုတော့ ပေးဆပ်ရမြဲဖြစ်သည်။ ဘာတစ်ခုမျှ မပေးဆပ်ဘဲနှင့်တော့ အလွယ်တကူ ရလာသည်မဟုတ်။
 
သို့သော်လည်း သူတစ်ပါး မျက်ခုံးမွေးပေါ် စင်္ကြံ လျှောက်တတ်သူတို့ကား လွယ်ကူသော ငွေရှာနည်းမျိုးဖြင့်သာ လူပေါ်လူဇော်လုပ်၍ ငွေရှာကြလေ သည်။ အများပြောနေကြသော သမ္မာအာဇီဝ ဆိုသောနည်းက ရိုး၏၊ ပင် ပန်း၏။ ငွေရှာရခက်၏။ အားစိုက်ထုတ်မှုများ၍ ငွေအရနည်း၏။ မသမ္မာ အာဇီဝ သို့မဟုတ် မိစ္ဆာအာဇီဝနည်းကမူ ဘယ်သူသေသေ ငတေမာဖို့ ပဲဖြစ်၍ ကျန်တာဘာမျှ အရေးမကြီး ငွေရဖို့တစ်ခုသာ သိသည်။ ကုသိုလ်၊ အကုသိုလ်၊ အကောင်းအဆိုး ခွဲခြားနေရန်မလို။ မိမိအတွက်၊ မိသားစု အတွက် အတ္တကို ဗဟိုပြု၍ ရသမျှ တူးဖော်ကြလေသည်။ နိုင်ငံပိုင်လည်း မသိ၊ ပြည်သူပိုင်လည်း မသိ ရဖို့သာလိုသည်။ မည်သည့်နည်းနှင့် ရှာရှာ တရားတာ၊ မတရားတာ လာမပြောနဲ့ ငွေရဖို့လိုရင်း ဖြစ်၏။
 
သည်ယုန်မြင်၍ သည်ချုံထွင်တတ်ကြသည်။ ငွေသာရမည်ဆို လောကမှာ ဘနဖူးသိုက်တူးမည့် လူစားတွေ မနည်းမနောဖြစ်သည်။ ဤအရာသည် သင့်တော်၏၊ မသင့်တော်၏ မစဉ်းစားနိုင်၊ ကောင်းကျိုးပြုလား၊ မကောင်း ကျိုးလား ဝေခွဲဆန်းစစ်ချိန်မရ၊ ငွေသာမြင်သည်။ ငွေသာကြည့်သည်။ ငွေသာရပါစေ ဘနဖူးသာမက တစ်ကိုယ်လုံးကိုပင် တူးမည့်လူစားတွေ လောကကြီးမှာ အများကြီးရှိကြလေသည်။
 
( ၂ )
 
ငွေသည် လူသားအားလုံး၏ သည်းခြေကြိုက်ဖြစ်သည်။ ငွေမရှိ မျက်နှာငယ်ရသည်။ အချို့က ငွေမြင်မှ လူခင်သည်။ ငွေမရွှင်လျှင် လူမခင်တတ်ကြ၊ ငွေရှိမှ အခြေတင့်သည်။ ငွေနိုင်မှ အခြေခိုင်သည်။ ငွေကို ရေလိုသာသုံး အကုန်တင့်တယ်သည်။ လက်ဖျား ငွေသီးသူ တစ်ယောက်အတွက် ငွေကို ခေါင်းခေါက်၍ ရွေးချယ်နိုင်သည် မဟုတ်ပါလား။ တစ်ခတ်တစ်ခါကမူ ငွေကိုလေလိုသုံးသည့် မိုးကုတ်သူဌေးကြီး ဦးမြမောင် အကြောင်း ကြားဖူးခဲ့လေသည်။
 
ယနေ့ခေတ်ကာလတွင် ငွေစကား အလွန်ပြောကြလေသည်။ လူနှင့်ခိုင်းစေ၍ မရသည်ကို ငွေဖြင့် အသာတို့ထိ၍ ခိုင်းစေလေသည်။ ကြားဖူးခဲ့သည်က ငွေများ တရားနိုင်ဟု ဆိုပါသည်။ သို့သော်လည်း ငွေသာ များများရှိလျှင် မတရားသော အကြောင်းအရာ တို့သည်ပင် အောင်ပွဲခံလေသည်မို့၊ အမှန်တရားကို ငွေဖြင့်ဖုံးကွယ်ခြင်းသည် အလွန်စက်ဆုပ်ရွံရှာဖွယ် ကောင်းသောအရာ ဖြစ်ပေသည်။
 
ငွေကိုလိုချင်သည်၊ ငွေကို တပ်မက်လွန်းသည်၊ ငွေနောက်လိုက်သည်၊ ငွေကို ရအောင်ရှာသည်။ တစ်ငွေတည်း ငွေ၊ ငွေ လုပ်ရင်းဖြင့် ငွေက လူကို လွှမ်းမိုးအနိုင်ယူသွားသည်မျိုးလည်း ရှိတတ်သဖြင့် ငွေကို လူကနိုင်နင်းအောင် ထိန်းသိမ်းဖို့ လိုပေမည်။
 
လူအများက လောကတွင် ငွေရှိလျှင် ပြီးပြီ။ ငွေရှိလျှင် ချမ်းသာပြီ။ ငွေသာရှိလို့ကတော့ အရာရာကို ငွေနှင့်ပေါက်၍ ဖန်တီးနိုင်သည်။ ငွေပေးလျှင် ဘာမဆိုဖြစ်သည်။ ငွေနှင့် အရာအားလုံးကို ၀ယ်ယူနိုင်သည်ဟု စိတ်အမှတ်မှားကြလေသည်။ အမှန်တကယ်၌ ငွေမရှိသူသည် မဆင်းရဲပေ။ ငွေကိုပို၍ လိုချင်တပ်မက်သူသာလျှင် ဆင်းရဲ၏ဟု ရောမပညာရှင် ဆဲန်ကားက ဆိုခဲ့လေသည်။
 
( ၃ )
 
ငွေကို တမ်းတမ်းစွဲလိုချင်လွန်း၍ ငွေနောက်ကို တကောက်ကောက် လိုက်သော်လည်း ငွေကာ ကိုယ့်ထံသို့ မလာပေ။ ထို့ကြောင့်လည်း စကားပုံက ငွေသည် ခြေလေးချောင်းနှင့်ပြေး၍ လူက ခြေနှစ်ချောင်းနှင့် နောက်ကလိုက်သဖြင့် ဖမ်းမမိနိုင်ပေ။ သို့သော် ထိုလူအား ငွေကတွေ့၍ ခြေလေးချောင်းနှင့် အပြေးနောက်ကလိုက်ဖမ်းလာလျှင်ကား ခြေနှစ်ချောင်းသမား လူပြေး၍ မလွတ်နိုင်တော့ပေဟု ဆိုပါသည်။
 
ငွေကြောင့် လူတွေ စိတ်ပြောင်းသွားတတ်ကြသည်။ ငွေအရှိန်နှင့် မူလဘ၀ကိုမေ့သွားတတ်ကြသည်။ ငွေကြောင့် မော်ကြွားလိုစိတ်များလာသည်။ ငွေကြောင့်ပင် ချစ်ခင်သူချင်းလည်း သစ္စာတရားတွေ ပျက်ယွင်းကြ၊ အမှန်တရားတွေ ကွယ်ပျောက်ရသည်အထိ ဖြစ်ကုန်ကြသည်။
 
ငွေဆိုတဲ့ အရိပ်ဟာ လူအပေါ်ကို လွန်စွာလွှမ်းမိုးလာပြီ ဆိုရင်တော့ ပြောပုံဆိုပုံ ဆက်ဆံပုံစံအစကွဲပြီး ငွေနှင့် တိုင်းတာကာ လူ့ အဆင့်အတန်းတွေ ခွဲခြားလာတတ်သည်။
 
အချို့လူတွေကမူ ငွေဆိုသည့် လောဘအတ္တစိတ်ကြောင့် ထိန်းသိမ်းခဲ့သည် သီလ၊ သမာဓိသိက္ခာတွေကို အပျက်ခံကြသလို ပညာအသိတရား တွေကိုလည်း အညံ့ခံလိုက်ရတာမျိုး ရှိကြသည်။
 
တစ်ခါတစ်ရံမှာ ငွေဆိုသည့် တရားပြိုင်က မတ်တပ်ရပ်လိုက်တာနဲ့ အမှန်တရားတွေ အလိုလို ငုတ်တုတ်ထိုင် ပေးလိုက်ရသည့် အဖြစ်များကတော့ ဆိုးလှပါသည်။
 
ဇာတ်နိပါတ်တော်လာ ပုံဝတ္ထုသာဓက များတွင်လည်း မြတ်စွာဘုရားရှင် ကိုယ်တိုင်ကပင် ငွေကိုငွေဟုမဖြစ်၊ မြွေဟုသာမြင်၍ မြွေပေါက်လျှင် သေတတ်သကဲ့သို့ ငွေနှင့်ပေါက်လည်း အသက်ဆုံးရှုံးနိုင်သည်ကို ညွှန်ပြခဲ့လေသည်။
 
လောကကြီးတွင် ငွေသည် အရေးကြီးသော အရာတစ်ခုဖြစ်သည်မှာ မှန်သော်လည်း ငွေထက်အရေးကြီး၍ တန်ဖိုးမဖြတ်နိုင်သည့် အရာများစွာ ဤကမ္ဘာမြေ၀ယ် ရှိနှင့်ပါသည်။ ငွေမပါရင်မပြီး၊ ငွေမရှိရင် ဘာမျှမဖြစ်၊ မအောင်မြင်နိုင်ဟု ဆိုကြသော်လည်း နေရာတကာတိုင်း ငွေပါမှ ကိစ္စပြီးမြောက်သည် မဟုတ်ပါ။
 
လောကတွင် အရာရာ အားလုံးကို ငွေပေး၍ ရနိုင်သည်ဟု ဆိုကြသော်လည်း ငွေဖြင့် ၀ယ်ယူ၍မရနိုင်သည့် အရာများစွာ ရှိလေသည်။ ငွေရှိသော်လည်း လူလူချင်း တန်ဖိုးထားတတ်မှုကို ၀ယ်မရနိုင်ပါ။ ထို့အတူ တစ်ဦးပေါ်တစ်ဦး ထားရှိသော မေတ္တာ၊ စေတနာ၊ ကရုဏာ စသည့် စာနာနားလည်မှုများ အားလည်း ငွေပေးဝယ်၍မရပါ။ နွေးထွေးမှုကို ငွေပေး၍မရ၊ အချိန်ကို ၀ယ်လို့မရပါ။ ဒါ့အပြင် လူတစ်ဦး၏ စိတ်ချမ်ားမှုကိုလည်း ၀ယ်မရနိုင်ပါ။ လူတစ်ဦးတစ်ယောက်၏ ကာလရှည်ကြာစွာ ထိန်းသိမ်းခဲ့ရသည့် မြင့်မြတ်မှန်ကန်သော ကိုယ်ကျင့်တရားကိုလည်း အလွယ်တကူ ငွေပေးဝယ်ယူ၍ ရမည်ဟု ကျွန်တော် မယုံကြည်ပါချေ။
 
သည်လောကကြီးထဲက ငွေနှင့်ပတ်သက်သည့် ငွေအကြောင်းများစွာ စဉ်းစားတွေးတောရင်းမှ အဆိုတော် ပလေးဘွိုင်းသန်းနိုင် ဆိုခဲ့သော သီချင်းလေးတစ်ပုဒ် ကျွန်တော့်အတွေးထဲ ရောက်လာလေသည်။
 
`ငါဆိုတဲ့ အတ္တစွဲတွေ မကင်းရင်၊ ငါကိုယ်တိုင် အမှားလုပ်မိမှာပဲ၊ လူကိုလူချင်း ချစ်တဲ့စိတ်လေး မမြင်၊ ငွေခင်ရင် အရူးအမူး ဖြစ်တာပဲ၊ မာန်မာနတက်တယ်၊ ထင်တာလေးလုပ်မယ်၊ မှန်တယ်လို့ ထင်သော်လည်းကွယ် ၀န်ခံဖို့ခက်တယ်၊ လူသားဟာ အမှား ၀င်္ကန္တနဲ့ အစဉ်ရှုပ်ထွေး အမှားများသမို့´
 
`ဟေး၊ ဟေ့ ... ဗုဒ္ဓတရား ဟောလေသည်မှာ၊ မွန်မြတ်စိတ်ထားကြ၊ ကူညီခြင်းအလှ၊ အစဉ်ထာဝရပေးဆပ်ပါ´
 
လင်းသက်ခိုင်
The Ladies News
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.