ဒီမိုကရေစီနှင့် ပါတီ // ရဲစွမ်းလက် //

ကျွန်တော်တို့ ဒီမိုကရေစီခေတ်ထဲမှာ အပြေးပြိုင်နေကြသူတွေ ဖြစ်တယ်။ မောပန်းပေမယ့် ရပ်နားလို့ မဖြစ်ဘူး။ အသက်ခိုးရှူပြီး အမောဖြေကြရမယ်။ မကျွမ်းကျင်တဲ့ အရာတိုင်းမှာ အခက်အခဲဆိုတာ လက်ခမောင်း ခတ်နေတာ မဆန်းဘူး။ အခက်အခဲကို ညည်းတွားနေတာဟာ အခက်အခဲကို အားပေးနေတာ ဖြစ်တယ်။ ကျွန်တော်တို့ အခက်အခဲကို အားပေးလို့ မဖြစ်ဘူး။ အခက်အခဲကို အားပေးတာဟာ ကျွန်တော်တို့ ဘ၀ကို ကျွန်တော်တို့ တူးဖြိုနေတာ ဖြစ်တယ်။ ကျွန်တော်တို့ အခက်အခဲကို ညည်းတွားမယ့်အစား ဖြေရှင်းကြရမှာ ဖြစ်တယ်။ ဖြေရှင်းနည်းကို ရှာတဲ့အခါ လက်ညှိုး ငေါက်ငေါက်ထိုးပြီး မရှာသင့်။ ကျွန်တော်တို့ကိုယ် ကျွန်တော်တို့ လက်ညှိုးထိုးနေဖို့ အချိန်မရှိဘူး။ ကျွန်တော်တို့ရဲ့ အတိတ်ကို ကျွန်တော်တို့ လက်ညှိုးထိုးနေဖို့ အချိန်မရှိဘူး။ ပစ္စုပ္ပန်ကို ဖျက်ဆီးနေတာဟာ ကျွန်တော်တို့ အနာဂတ်ကို နာကျင်စရာတွေနဲ့ တည်ဆောက်နေတာ ဖြစ်နေလိမ့်မယ်။ ကျွန်တော်တို့ အားလုံး မလိုချင်တာတွေကို ကျွန်တော်တို့ အားလုံး လုပ်မနေဖို့ဘဲ လိုအပ်တယ်။ ဟန်ဆောင်မှုဆိုတာ ပြေလည်မှုကို မဖန်တီးပေးနိုင်ဘူး။ ဟန်ပြဟာ ဘယ်တော့မှ စံပြမဖြစ်ဘူး။ ဟန်ဆောင်ရလို့ ပင်ပန်းတာနဲ့ အချိန်ကုန်တာပဲ အဖတ်တင်လိမ့်မယ်။ ကျွန်တော်တို့ ဟန်ပြမလုပ်သင့် တော့ဘူး။ ကျွန်တော်တို့ စံပြဖြစ်အောင် လုပ်ရတော့မယ်။ ကျွန်တော်တို့ကိုယ် ကျွန်တော်တို့ မဖန်တီးသမျှ ကျွန်တော်တို့ အတိတ်ဟာ ကျွန်တော်တို့ ပစ္စုပ္ပန်မှာ လှပစွာ ကျက်စားနေလိမ့်မယ်။
 
အတိတ်ကို ကျွန်တော်တို့ မုန်းတီးကြတယ်။ မုန်းတီးမှုကို ရင်ရိုးမှာ စီးဆင်းခွင့်ပြုထားတိုင်း မုန်းတီးမှုဟာ နေ့ချင်း ညချင်း ကြီးထွားလာတဲ့ သစ်ပင်လို ဖြစ်နေမယ်။ အမုန်းတွေ ကြီးထွားနေတိုင်း ကျွန်တော်တို့ အတွေးမှာ အပြစ်မကင်းဘူး။ ခရီးမရောက်တဲ့ အတွေးတွေနဲ့ ကျွန်တော်တို့ ခရီးဆက်နေရလိမ့်မယ်။ မသန့်ရှင်းတဲ့ အတွေးတွေနဲ့ ကျွန်တော်တို့ လမ်းကြောင်းကို ကျွန်တော်တို့ သန့်ရှင်းနေကြလိမ့်မယ်။ ဒီမိုကရေစီခေတ်ထဲက ကျွန်တော်တို့မှာ အတွေးသစ်တွေ လိုအပ်တယ်။ ခေတ်သစ်ကို ရောက်လာတဲ့ ကျွန်တော်တို့မှာ စနစ်သစ်တွေ လိုအပ်တယ်။ စိတ်သစ်၊ လူသစ်ဖြစ်လို့ လိုအပ်တယ်။ ဒါကြောင့် ကျွန်တော်တို့ မုန်းတီးမှုကို ကျွန်တော်တို့ တန်ဖိုးမြှင့်ရမယ်။ မုန်းတီးမှုထဲက သင်ခန်းစာယူရမယ်။ ကျွန်တော်တို့ရဲ့ လမ်းကြောင်းတိုင်းမှာ မုန်းတီးစရာ မရှိအောင် ပြုလုပ်ရမယ်။ မုန်းတီးစရာ ကောင်းတဲ့ အတိတ်ကို သင်ခန်းစာမယူဘဲ အတုယူနေရင် ကျွန်တော်တို့ရဲ့ ၀န်းကျင်ဟာ ဘယ်တော့မှ မသာယာနိုင်ဘူး။ ဘယ်တော့မှ မငြိမ်းချမ်းနိုင်ဘူး။ လမ်းကြောင်းသစ်ကို အတွေးသစ်နဲ့ ဖောက်ထွင်းရမယ်။ ကွေ့ကောက်နေတဲ့ အခက်အခဲတွေကို အားရှိသလောက် ဖြောင့်တန်းပြီး ကျော်ဖြတ်ရမယ်။ ကျွန်တော်တို့ဟာ ထမ်းထားရတဲ့ ၀န်ထုပ်၊ ၀န်ပိုးတွေနဲ့ လျှာထွက်အောင် မောဟိုက်နေကြသူတွေ ဖြစ်တယ်။ ရပ်နားလို့ မဖြစ်တဲ့ အခြေအနေမှာ ကျွန်တော်တို့ လျှောက်နေကြရတယ်။ ကျွန်တော်တို့ကိုယ် ကျွန်တော်တို့ သနားပြီး ကျွန်တော်တို့ ဒီမိုကရေစီကို ကျွန်တော်တို့ အလှဆင်ရမယ်။
 
ဒီမိုကရေစီဆိုတဲ့ ဝေါဟာရထဲမှာ ပါတီဆိုတဲ့ အခန်းကဏ္ဍက ခံ့ညားထည်ဝါတယ်။ ဒီမိုကရေစီကို အလှဆင်တဲ့အခါ ပါတီဟာ သိပ်ကို အရေးပါတယ်။ ဒီမိုကရေစီမှာ တစ်ဦးတစ်ယောက်တည်းအနေနဲ့ ခရီးသွားတာ မရှိဘူး။ အများစုနဲ့ပဲ ခရီးသွားကြတယ်။ ပြည်သူတွေက ပါတီဖွဲ့တယ်။ ပါတီဝင်တွေက ကိုယ်စားလှယ် လုပ်တယ်။ ပြည်သူတွေက ကိုယ်စားလှယ် ရွေးပေးတယ်။ ကိုယ်စားလှယ်တွေက လွှတ်တော်ကို ရောက်ကြတယ်။ လွှတ်တော်အမတ် ဖြစ်ကြတယ်။ အစိုးရ ဖွဲ့ကြတယ်။ အာဏာသုံးမျိုးကို ကျင့်သုံးကြတယ်။ အများဆုံး အနိုင်ရတဲ့ ပါတီက အလုပ်လုပ်ခွင့် ပိုရတယ်။ ကိုယ်စားပြု ဒီမိုကရေစီမှာ အများဆုံး အနိုင်ရတဲ့ ပါတီဝင် အမတ်တွေဟာ အများဆုံး အလုပ်လုပ်ခွင့် ရတတ်ကြတယ်။ ပါတီကို တစ်ဦးတစ်ယောက်နဲ့ ဖွဲ့စည်းထားတာ မဟုတ်ဘူး။ အများနဲ့ စုပေါင်းဖွဲ့စည်းထားတာ ဖြစ်တယ်။
 
ပါတီတစ်ခုမှာ မူဝါဒတစ်မျိုးစီ ရှိတယ်။ မူဝါဒအတိုင်း ပါတီ လမ်းလျှောက်တယ်။ မူဝါဒဟာ ပါတီရဲ့ အသက်သွေးကြော။ မူဝါဒနဲ့ ပါတီကို ဖွဲ့စည်းတယ်။ မူဝါဒနဲ့ ပါတီဝင်တွေကို စည်းလုံးစေတယ်။ ညီညွတ်စေတယ်။ မူဝါဒနဲ့ ရွေးကောက်ခံတယ်။ ကျွန်တော်တို့ ပြည်သူတွေဟာ ပါတီဖွဲ့စည်းသူတွေ ဖြစ်တယ်။ ကျွန်တော်တို့ ပြည်သူတွေဟာ ပါတီဝင်တွေ ဖြစ်တယ်။ ကျွန်တော်တို့ ပြည်သူတွေဟာ ရွေးကောက်သူတွေ ဖြစ်တယ်။ ကျွန်တော်တို့ ပြည်သူတွေဟာ ကိုယ်စားလှယ်လောင်း၊ အမတ်လောင်း၊ အစိုးရလောင်းတွေ ဖြစ်တယ်။ ကျွန်တော်တို့ဟာ ပါတီနဲ့ ကင်းလို့မရဘူး။ ကိုယ်စားလှယ်နဲ့ ကင်းလို့မရဘူး။ အမတ်နဲ့ ကင်းလို့မရဘူး။ အစိုးရနဲ့ ကင်းလို့မရဘူး။ ဘာဖြစ်လို့လဲဆိုရင် ကျွန်တော်တို့ ကိုယ်တိုင် ပြည်သူလည်း ဖြစ်တယ်။ ပါတီဝင်လည်း ဖြစ်တယ်။ ကိုယ်စားလှယ်လည်း ဖြစ်တယ်။ အမတ်လည်း ဖြစ်တယ်။ အစိုးရလည်း ဖြစ်နေလို့ပါပဲ။ ကျွန်တော်တို့ ကိုယ်တိုင် နိုင်ငံရေးကို မလုပ်အားတဲ့အခါ ပြည်သူအနေနဲ့ နေမယ်။ ကျွန်တော်တို့ ဖြစ်စေချင်တဲ့အတိုင်း နိုင်ငံရေးကို လုပ်ဖို့ ကိုယ်စားလှယ်ကို ရှာမယ်။ ရွေးချယ်မယ်။ ကျွန်တော်တို့ ကိုယ်တိုင် နိုင်ငံရေးကို လုပ်ချင်တဲ့အခါ ကျွန်တော်တို့ ကိုယ်တိုင် ပါတီထောင်မယ်။ ကိုယ်စားလှယ် လုပ်မယ်။ ကျွန်တော်တို့ ပြည်သူတွေမှာ ကျွန်တော်တို့ လုပ်ချင်တာ အတွက် ကျွန်တော်တို့ ကိုယ်တိုင် ရွေးချယ်ခွင့်ရှိတယ်။
 
ကျွန်တော်တို့ စဉ်းစားရမှာ တစ်ခုရှိတယ်။ ကျွန်တော်တို့ နိုင်ငံရေးကို ကိုယ်တိုင် လုပ်ချင်တဲ့အခါ အများစုနဲ့ လုပ်မှာလား၊ အနည်းစုနဲ့ လုပ်မှာလား ဆိုတာပဲ။ အနည်းစုနဲ့ မူဝါဒတစ်ခုကို တည်ဆောက်၊ ပါတီထောင်ပြီး နိုင်ငံရေးကို လုပ်မယ်ဆိုရင် နိုင်ငံအတွင်းမှာ ပါတီတွေ များလာမယ်။ ပါတီတံဆိပ်တွေဟာ ကြော်ငြာဆိုင်းဘုတ်တွေထက် များလာမယ်။ အများစုနဲ့ မူဝါဒတစ်ခုကို တည်ဆောက် ၊ ပါတီထောင်ပြီး နိုင်ငံရေးကို လုပ်မယ်ဆိုရင် နိုင်ငံအတွင်းမှာ ပါတီတွေ နည်းလာမယ်။ ပါတီတံဆိပ်တွေဟာ က္ကုနြေ္ဒရှိစွာ အရေးပါလာမယ်။ နိုင်ငံရေးပါတီ အလွန်များတဲ့ နိုင်ငံမှာ ရွေးချယ်စရာတွေ များတယ်ဆိုပေမယ့် ဆန္ဒမဲရှင် ပြည်သူတွေရဲ့ စိတ်ကို ရှုပ်ထွေးစေတယ်၊ ရွေးချယ်မှု မှားယွင်းတတ်တယ်။ စင်မြင့်က ကြည့်ရင် ပါတီများတဲ့ နိုင်ငံဟာ မညီညွတ်မှုကို သရုပ်ပြနေတာ၊ မစည်းလုံးမှုကို အလံထောင်ပြနေတာ လို့ မြင်လိမ့်မယ်။ ပါတီများတာ ကောင်းလား၊ ပါတီနည်းတာ ကောင်းလားဆိုရင် ကျွန်တော်တို့ သမိုင်းကြောင်းတွေကို လေ့လာရမှာ ဖြစ်တယ်။ လက်ရှိ ဒီမိုကရေစီ လမ်းမ ထက်မှာ ထည်ဝါနေတဲ့ နိုင်ငံအများစုဟာ ပါတီများများ မရှိကြဘူး။ ပါတီနည်းနည်းနဲ့ ဖွဲ့စည်းထားတာ တွေ့ရတယ်။ ကျွန်တော်တို့ ကမ္ဘာမှာ စူပါပါဝါရှိတဲ့ အမေရိကန်မှာဆိုရင် အင်အားကြီးပါတီနှစ်ခုကို အခိုင်အမာ တည်ဆောက်တယ်၊ ရီပတ်ဘလင်ကန် ပါတီနဲ့ ဒီမိုကရက်တစ် ပါတီတို့ ဖြစ်တယ်။ နိုင်ငံရေးကို လှုပ်ရှားတာ ဒီပါတီနှစ်ခုလို့ ပြောလို့ရတယ်။ နိုင်ငံရေးပါတီနည်းလို့ ဒီမိုကရေစီနိုင်ငံရေး ပျက်သုဉ်းသွားတာ မရှိဘူး။ နိုင်ငံရေးပါတီများလို့ ဒီမိုကရေစီ ပျက်စီးသွားရတဲ့ နိုင်ငံတော့ ရှိတယ်။ အဲဒီနိုင်ငံဟာ ဂျာမနီနိုင်ငံ ဖြစ်တယ်။
 
ဂျာမနီနိုင်ငံဟာ ပထမကမ္ဘာစစ်မှာ စစ်ရှုံးခဲ့တယ်။ စစ်ရှုံးပြီးတော့ နိုင်ငံရဲ့ အုပ်ချုပ်ပုံစနစ်ကို ပြောင်းလဲခဲ့ကြတယ်။ စနစ်သစ်အတွက် ဖွဲ့စည်းပုံ အခြေခံဥပဒေကို ဗိုင်မာ (Weimarer) ဆိုတဲ့မြို့မှာ ရေးဆွဲခဲ့ကြတယ်။ ဗိုင်မာဖွဲ့စည်းပုံ အခြေခံဥပဒေလို့ ခေါ်တယ်။ ဗိုင်မာ ဖွဲ့စည်းပုံ အခြေခံဥပဒေဟာ ဒီမိုကရေစီ နိုင်ငံရေး ဖြစ်တယ်။ အချုပ်အခြာ အာဏာရဲ့ မူလရင်းမြစ်ကို ပြည်သူတွေ လက်ထဲ အပ်ထားတယ်။ ပြည်သူလူထုရဲ့ ဆန္ဒမဲကို အခြေပြုပြီး လွှတ်တော်ကို ဖန်တီးတယ်။ လွှတ်တော်ဟာ တိုင်းပြည်ရဲ့ အုပ်ချုပ်ရေး မဏ္ဍိုင်ဖြစ်လာတယ်။ အများစု အနိုင်ရတဲ့ ပါတီက ဦးစီးဦးဆောင်ပြုပြီး အစိုးရအဖွဲ့ကို ဖွဲ့စည်းတယ်။ အစိုးရက ပြဋ္ဌာန်းထားတဲ့ ဥပဒေအတိုင်း နိုင်ငံရေးကို လုပ်ဆောင်တယ်။ ဒါတွေဟာ ဒီမိုကရေစီရဲ့ အသက်ဝင်မှု ဖြစ်တယ်။ ဗိုင်မာဖွဲ့စည်းပုံ အခြေခံဥပဒေကို စတင်ကျင့်သုံးတဲ့အခါ ပါတီတည်ထောင်သူတွေ များလာတယ်။ မူဝါဒတွေ များလာတယ်။ လွှတ်တော်ထဲကို ပါတီပေါင်းစုံက ကိုယ်စားလှယ်တွေ များစွာ ရောက်လာကြတယ်။
 
လွှတ်တော်ဟာ နိုင်ငံရေးကို ဦးမဆောင်နိုင် ဖြစ်လာတယ်။ နိုင်ငံနဲ့ နိုင်ငံသူ၊ နိုင်ငံသားတို့အတွက် အကျိုးဖြစ်ထွန်းတဲ့ ဥပဒေတွေကို မရေးဆွဲကြဘူး။ နိုင်ငံသူ၊ နိုင်ငံသား မျက်နှာကို မကြည့်ဘဲ ပါတီမျက်နှာကို ကြည့်လာကြတယ်။ နိုင်ငံအတွက် အလုပ် မလုပ်ကြဘဲ ပါတီအတွက် အလုပ်လုပ်ကြတယ်။ တင်သွင်းလာတဲ့ ဥပဒေမူကြမ်းကို အမှား၊ အမှန် မခွဲဘူး။ ကိုယ့်ပါတီက တင်သွင်းတာ ဟုတ်၊ မဟုတ်ပဲ ခွဲတယ်။ ကိုယ့်ပါတီက မဟုတ်ရင် ဥပဒေမူကြမ်းဟာ ဘယ်လောက်ထိ မှန်ပြီး ဘယ်လောက်ထိ အကျိုးရှိနေပါစေ ဂရုမစိုက်ဘူး။ မထောက်ခံဘူး။ ကန့်ကွက်ကြတယ်။ ကိုယ့်ပါတီက တင်သွင်းတာဆိုရင်လည်း အမှား၊ အမှန်ကို မခွဲဘူး။ ပါတီကမှန်ရင် ဥပဒေမူကြမ်းဟာ ဘယ်လောက်ထိ မှားပြီး ဘယ်လောက်ထိ အကျိုးယုတ်နေပါစေ အလေးအမြတ်ပြုတယ်။ ထောက်ခံတယ်။ မကန့်ကွက်ဘူး။ ဂျာမနီ လွှတ်တော်ဟာ ဒီလို ပါတီတွေနဲ့ အာဏာပြိုင်ရာ ကွင်းပြင်ဖြစ်လာတယ်။ ပါတီတွေ အချင်းချင်း အာဏာလုနေကြတယ်။ ဂျာမနီ နိုင်ငံသားတွေဟာ တဖြည်းဖြည်း လွှတ်တော် နိုင်ငံရေးကို စိတ်ပျက်လာကြတယ်။ အခြေမယိုင်ဘဲ နိုင်ငံကို ဦးတည်ရာ တစ်ဖက်သို့ ဖြောင့်ဖြောင့်မတ်မတ် ဆွဲခေါ်နိုင်မယ့် နိုင်ငံရေး အင်အားစုတစ်ခု ပေါ်ပေါက်လာဖို့ မျှော်လင့်လာကြတယ်။ အဲဒီမှာ နာဇီပါတီ ပေါ်ပေါက်လာခဲ့တာပဲ။ နာဇီပါတီကို စတင် ဖွဲ့စည်းစဉ်က အဖွဲ့ဝင် ခုနစ်ယောက်ပဲ ရှိတယ်။ အဖွဲ့ဝင် ခုနစ်ယောက်နဲ့ နာဇီပါတီကို ဖွဲ့စည်းခဲ့တယ်။
 
နာဇီပါတီရဲ့ခေါင်းဆောင်ဟာ ဟစ်တလာ ဖြစ်တယ်။ ဟစ်တလာတို့ နာဇီပါတီဟာ ဂျာမနီပြည်သူတွေရဲ့ စိတ်ဝင်စားမှုကို ရရှိခဲ့တယ်။ အချိန်တိုအတွင်း လူထုကြားမှာ နာဇီပါတီ ရေပန်းစားလာတယ်။ ထောက်ခံမှုတွေ အုတ်အုတ် ကျက်ကျက် ဖြစ်လာတယ်။ တစ်နေ့ထက်တစ်နေ့ ပါတီဝင်တွေ များလာတယ်။ ၁၉၃၃ ခုနှစ်၊ ဇန်န၀ါရီလမှာ ဂျာမနီ ရွေးကောက်ပွဲ ကျရောက်လာတယ်။ ထိုအထွေထွေ ရွေးကောက်ပွဲမှာ နာဇီပါတီ အနိုင်ရခဲ့တယ်။ နာဇီပါတီဟာ ဂျာမနီ လွှတ်တော်ရဲ့ နံပါတ် ၁ ပါတီဖြစ်ခဲ့တယ်။ ဗိုင်မာဖွဲ့စည်းပုံ အခြေခံဥပဒေအရ ဟစ်တလာတို့ အစိုးရဖွဲ့ခွင့်ကို ရခဲ့တယ်။ ဟစ်တလာ စိတ်ကြိုက်လူတွေနဲ့ အစိုးရဖွဲ့ခဲ့တယ်။ ဂျာမနီ လွှတ်တော်ကို နာဇီပါတီ အမတ်တွေ လွှမ်းမိုးထားတယ်။ နာဇီအမတ်တွေကို ဟစ်တလာက ကြိုးကိုင်ထားတယ်။ ဟစ်တလာဟာ ဥပဒေပြုရေး အာဏာကို အစိုးရဆီ အပ်နှင်းဖို့ ဥပဒေတစ်ရပ် ရေးဆွဲခိုင်းတယ်။ နာဇီအမတ်တွေက ဟစ်တလာခိုင်းတဲ့ အတိုင်း ရေးဆွဲတယ်။ လွှတ်တော်မှာ တင်သွင်းတယ်။ ဒီဥပဒေဟာ မတရားတဲ့ ဥပဒေဖြစ်တယ်။ ဒီမိုကရေစီစနစ်မှာ အစိုးရဟာ အုပ်ချုပ်ရေးအာဏာကိုပဲ ပိုင်ဆိုင်ခွင့်ရှိတယ်။ ဥပဒေပြုရေး အာဏာက အစိုးရနဲ့ မဆိုင်ဘူး။ လွှတ်တော်နဲ့ပဲ ဆိုင်တာ။ ဥပဒေပြုရေး အာဏာကို လွှတ်တော်ကပဲ ပိုင်တာ။ မတရားတဲ့ ဥပဒေဆိုပေမယ့် အဲဒီဥပဒေဟာ အတည်ဖြစ်သွားတယ်။ ဘာလို့လဲဆိုရင် နာဇီအမတ်တွေ ထောက်ခံလို့ ဖြစ်တယ်။ ဥပဒေပြုရေး အာဏာကိုပါ ဟစ်တလာရသွားတဲ့အခါ ဒီမိုကရေစီ ပျက်စီးသွားပြီး အာဏာရှင်စနစ် ထွန်းကားလာခဲ့တာပါပဲ။
 
ကျွန်တော်တို့ ဂျာမနီနိုင်ငံကို သင်ခန်းစာယူသင့်တယ်။ ကျွန်တော်တို့ ဒီမိုကရေစီမှာ ပါတီများခြင်းထက် ကျွန်တော်တို့အတွက် အလုပ်လုပ်တဲ့ ပါတီကို လိုအပ်တယ်။ ကျွန်တော်တို့ရဲ့ လွှတ်တော်ဟာ ဂျာမနီလွှတ်တော်လို မဖြစ်ဖို့ ကျွန်တော်တို့မှာ တာဝန်ရှိတယ်။ ကျွန်တော်တို့ ထိန်းညှိရမယ်။ ကျွန်တော်တို့ ကြိုးစားရမယ်။ စည်းကမ်းရှိပြီး စစ်မှန်တဲ့ ဒီမိုကရေစီကို ကျွန်တော်တို့ တည်ဆောက်ကြရမှာ ဖြစ်ပါတယ်။
 
ရဲစွမ်းလက်
The Ladies News
 
 

 

Vote: 
No votes yet
Reader Choice: 

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.